الى كل من يطلبون انتهاء التظاهر كفاية لو سمتحو

**dr-mohamed** · 03-02-2011 11:50 PM

المشاركة الأصلية كتبت بواسطة mahmoudselim

يا جدعاااااااااااااان الناس ال ضد المتظاهريين كل حججهم جابوها من عملاء التلفزيون المصري مالهومش اي فكر هما اتضحك عليهم ولسة بيضحك عليهم بكلام خااااايب ومالوش اساس من الصحة.. دا طبعا بعد ما قدرو يكرهوهم في كل القنوات الاخبارية العربية علشان يفضل ققاعدين قدام ساعة التنويم قصد التلفزيون المصري الغبي جداااااااا .. الناس لا بتاعت ثورة ولا نيلة ولا عايقدرو اصلا علي حاجة في حالة البلد دي دخلت حرب لقدر الله واول الناس ال هتعد في بيوتها

انا ضد المتظاهرين
وناس كتير غيري دلوقت اصبحت ضدهم وبلاش مزايدات فاضية واتهامات على الفاضي من كل واحد قاعد على كيبورد
وكل اتهاماتك يمكن الرد عليها بعكسها عليك وعلى من في نفس موقفك
1- المؤيدين مغيبين نتيجة جلوسهم امام التليفزيون المصري
والمعارضين مغيبين نتيجة جلوسهم امام الخنزيرة والعبرية
2- المؤيدين مش بتوع ثورة ولو البلد دخلت حرب هيقعدوا في بيوتهم
سبنا لك الحرب يا بطل بس ايه اللى مقعدك على الكيبورد ما نزلتش التحرير حالا ليه لما انت بتطالب الناس تنزل

للمرة المليون مش عايزين مزايدات من حد محدش احسن من التاني واللى رافضين التظاهر دلوقت معظمهم من الناس اللى خرجت يوم 25 وحتي 28 يناير حين كان يخرج اكثر من نصف مليون في التحرير ويوم الجمعة لما خرج ما لا يقل عن 2 مليون في الجمهورية كلها مش اقل من 10 الاف في التحرير معظمهم جماعات واحزاب وناس ليها مصالح في الاستمرار حتي لو على جثة الوطن

**mahmoudysf** · 04-02-2011 12:05 AM

المشاركة الأصلية كتبت بواسطة dr-mohamed

انا ضد المتظاهرين
وناس كتير غيري دلوقت اصبحت ضدهم وبلاش مزايدات فاضية واتهامات على الفاضي من كل واحد قاعد على كيبورد
وكل اتهاماتك يمكن الرد عليها بعكسها عليك وعلى من في نفس موقفك
1- المؤيدين مغيبين نتيجة جلوسهم امام التليفزيون المصري
والمعارضين مغيبين نتيجة جلوسهم امام الخنزيرة والعبرية
2- المؤيدين مش بتوع ثورة ولو البلد دخلت حرب هيقعدوا في بيوتهم
سبنا لك الحرب يا بطل بس ايه اللى مقعدك على الكيبورد ما نزلتش التحرير حالا ليه لما انت بتطالب الناس تنزل

للمرة المليون مش عايزين مزايدات من حد محدش احسن من التاني واللى رافضين التظاهر دلوقت معظمهم من الناس اللى خرجت يوم 25 وحتي 28 يناير حين كان يخرج اكثر من نصف مليون في التحرير ويوم الجمعة لما خرج ما لا يقل عن 2 مليون في الجمهورية كلها مش اقل من 10 الاف في التحرير معظمهم جماعات واحزاب وناس ليها مصالح في الاستمرار حتي لو على جثة الوطن

طيب انا متابع يا دكتور محمد مشاركاتك ودفاعك باستماتة عن وجهة نظرك وانت حر فيها طبعا
على الرغم من النسبة الكبيرة من المشاركات حاليا غير واثقة في التغيير والوعود بتاعة النظام
تصدق انا والله بيني وبيني نفسي حاولت اقتنع بوجهة النظر التانية وايه المانع وندي فرصة وكدة
لاكن عقلي يرفض وبالدلائل
وعن طريق المعطيات التى تم تقديمها وطريقة تقديمها
وقراءة جيدة لحوارات رئيس الوزراء
وحوار عمر سليمان
وقوله انه يقدر جهاز الشرطة
وانه بدا الاعتداء يوم 25 دفاعا عن نفسة بعد ان بدا المتاظهرين الاعتداء
بالمناسبة مش انت كنت هناك 25
هل الشرطة سحلت الناس بالليل بعد ما الناس هاجمت الشرطة يوم 25 لو ده حصل بشهادتك
انا هقتنع بعمر سليمان وبالمرحلة القادمة
ولو ردك ما حصلش
يبقى يا ريت بلاش تقول نديهم فرصة تانى
الجواب بيبان من عنوانة
وده مش بان من عنوانة بس لاكن بان من عنو انة وما بين السطور