يا جماعة النظام اللي انتو وثقتو في كلامة
كل ما يفعله على الارض يؤكد عكس كلامة
وادعى الى عدم الثقة فيهم حتى الان
ارجو استخدام البصيرة اذا لم نستطع ان نرى بالبصر
عرض للطباعة
يا جماعة النظام اللي انتو وثقتو في كلامة
كل ما يفعله على الارض يؤكد عكس كلامة
وادعى الى عدم الثقة فيهم حتى الان
ارجو استخدام البصيرة اذا لم نستطع ان نرى بالبصر
هو حضرتك عاوز تغير رأى الناس بالعافيه ؟؟
وهو حضرتك فاكر ان مبارك لما يرحل مصر هتتحول للمدينه الفاضله ؟؟
الحرامى حرامى و النصاب نصاب و المرتشى مرتشى ..والفتاى بيفتى ...كله زى الزفت
ااااااااه فى امل كل ده يتصلح
بس رحيل مبارك مش هو الى هيصلحه
او بمعنى اصح رحيل مبارك دلوقت مش هو الى هيصلحه بالعكس بقاؤه لحد انتهاء الفتره بتاعه افضل ..
وبعدين مستحملينو 30 سنه قفشت اوى على الكام شهر دول !!
انت مصرى وانا مصرى
نفسى ابطل ادفع رشاوى عشان مصلحتى الى هى من حقى تمشى
ونفسى اتعلم تعليم كويس
واعلم ولادى تعليم كويس
نفسى اعيش فى بلد نضيفه
وناس نضيفه
نفسى نبقى من احسن دول العالم
المشكله فى طريقه الوصول بقى للهدف ده ...
هل رحيل مبارك هيحل الازمه ؟
مين هيمسك مكانه ؟
هيعجب الناس !!
تثقو فيه على اساس ايه ؟
على الاقل احنا عارفين مبارك و عارفين نظامه
خلينا معاه لحد ما يخلص فترته ..ويبقى فى وقت نشوف رئيس محترم مش فريق التدمير الوطنى المتاح حاليا و عاوز يمسك البلد
والله فى كلمه فى زورى بس مش هقولها
معاك يا خالد مليون في الميه
تصدق وانا فى التحرير مسكنا واحد معاه كارنيه داخلية وكان بيتكلم عربى مكسر اصلا
ساعتها سألت نفسى سؤال ..... هو اصلا لو حد بتاع داخلية هيشيل الكارنية ليه من اساسه وهو عارف ان الناس بتفتش فى الكارنيهات
صدقنى فيه مؤامرة بتحصل دلوقتى علشان يخلوا الناس ينزلوا من تانى ويخربوا البلد
بس بقول ان كل الشباب الفاهمين وشباب 25 يناير اللى هما اصل الدعوة .... اعلنوا رجوعهم بيوتهم وانتظار تحقيق مطالبهم
وياعم لو مطالبنا متحققتش .... يبقى ننزل تانى ... هو احنا ورانا حاجة
يعني الأيادي الخفية
أجرت ناس ..وإديتهم كارنيهات موزرة..وقالتلهم روحوا إضربوا الناس ...وخلوا الناس تمسككوا
ولما تتمسكوا ..طلعوا الكارنيهات المزورة؟؟؟
وهما عارفين إن الي هيتمسك في الهوجة والفوضى دي ...مش بعيد الناس تدبحه وتعلقه في الميدان
صح كلامي؟
طيب
والمطالب كانت بإسقاط الفرعون ... وليس الكهنة
والمطلب ده لسه ماتحققش...وأنا عارف إنه صعب يتحقق
علشان فرعون شايف نفسه بطل على الرغم من كل شئ ...ومش عاوز ملاحقة الانتربول ..وعاوز التاريخ(ياعيني ياقلبي)يفتكره إن البطل القائد الهمام الباسل الواعد المقدام العظيم...
وسواء خرج دلوقتي..أو بعد حين
فسيعريه التاريـــــــــــــــخ
كلنا نريد الاصلاح بلا شك
ولاكن لماذا وجود صفوت الشريف حتى الان
لماذا وجود فتحي سرور حتى الان
لماذا لم يحل مجلس الشعب والشورى حتى الان
لماذا لم يتم تكليف هيئة تاسيسة من شرفاء القضاء ممن يتفق عليهم الجميع من الناس بتغيير الدستور حتى الان
لماذا تم دهس بعض المتظاهرين اليوم تحت عجلات سيارت الشرطة اليوم نعم اليوم
لماذا لم يظهر ويقول اننى مكمل حتى تكملة فترة ولايتى مع اعطاء نائب الرئيس كل السلطات
لتهيئة البلد لفترة قادمة مع تنفيذ كل ماسبق
ارجو اعمال العقل
مش عايزين نقول اي
مفيش ثورة شريفة مش هتيجي بالساهل
ولماذا دائما نحن من يجب ان ننتظر بدون ما نرى رد فعل من يحكم البلد في حقن دماء شعبة
هناك امور تحث ارجو ات تقراها بتروي بعيدا عن العواطف
!!!!
الرئيس لسة موجود
قانون الظوارئ لسة موجود
المجلسيين لسة موجودين
......... اية بقى اللى اتغير غير شوية الكهنة --الحكومة سابقا--
والله انا مش عارف التفكير بيوصل للناس لفين .. . الطرق على الحديد وهو سخن افضل حل ... مش لما يبرد ويزداد قوة ومتانة
طيب ممكن حضرتك تشرحلنا الى هيحصل بعد ما مبارك يقول "سلام عليكم"
مين يمسك ؟
هل الاخوان المسلمين مش هيحاولو ياخدو الحكم "بالقوه"
هل البلطجيه هيروحو بيوتهم ؟
حضرتك فكرت وضع الناس الى فى الشارع ايه !!
كل واحد نايم فى الشارع يحرس بيته ..واهله فوق مرعوبين
الناس الى فى التحرير دول بيعملو ايه بالظبط ؟
يا ريت شرح لما سوف يحدث بعد تنحى الرئيس مبارك
اصلا فيه ناس كتيرة مستبيعة ... وناس ممكن تبيع دمها ب1000 ولا 1500 جنيه
وبعدين يا احمد انا عندى مبدأ ... وهو عندما يتم شخصنة الاحداث او الحوار ... فهو ده بداية الفشل
بمعنى انى انا كنت رايح مش علشان اولع فى مبارك ..... انا رايح علشان اشيل النظام الفاسد كله ..... قعدت يوم واتنين وتلاتة .... طلعت برايين مهمين:
1-ان معندناش معارضة ممكن نأتمن بيها على بلدنا مصر وعلى مسؤلية 85 مليون مصرى
2-استشعرت مد اخوانى او خلينا نقول مد للأفكار الاخوانية المرفوضة
كل ده إلى جانب الخطاب واللى حصل بعديه مع تعيين شفيق وناس نضيفة كتير .... كل ده خلانى افوق واحط فى كفة مصلحة مصر والشعب اللى واقف حاله دلوقتى ..... وبين اننا نسقط النظام اللى فاضله اصلا مش اكتر من 6 اشهر واللى لو اسقطناه زى ما بقول دلوقتى هتحصل كارثة لان مفيش حد يملى الفراغ الان
على فكرة ... انا شايف ان اللى حصل ده من عند ربنا .... فترة ال 6 شهور ده هتكون بمثابة (كورس سياسى مكثف) للشعب المصرى .... هيظهر فيه كل واحد على حقيقته وهتظهر فيه الناس النضيفة اللى عاوزه مصلحة البلد والناس اللى عاوزاها ولعة
عموما انا عارف ان الواحد لما يرجع من التحرير بيبقى متأثر من اللى شافه هناك .... لازم كل واحد ياخذ بريك ويفكر معه نفسه.... علشان بجد احنا فى مرحلة حرجة جدا
ولك منى كل تحيه وتقدير ....
يا جماعة خللوا بالكم من حاجة ..... لو الرئيس حل مجلس الشعب دلوقتى .... كل فضايحوا هتبان وهيتدبح هو وكل اللى معاه
بصوا كل اللى مبارك عاوز يعملوا انه عاوز يتوب ..... بس متأخر جدا ... وكمان الناس الفاسدة اللى معاه مش عاوزينوا يتوب لوحده .... بدليل البلطجية اللى راحة يضربوا المتظاهرين اللى فى التحرير بدعوى تأييد مبارك ... مع انها اصلا رسالة لمبارك بتقوله انك مش هتوب لوحدك
مبارك عاوز يمسك العصاية من النص وعاوز يعمل (مرحلة الخروج الأمن) ..... وانا معنديش مانع من المرحلة ده لان لا بديل عنها يا جماعة
صدقونى فيه ناس كتيرة متربصة لنا ... واحنا كشعب اصلا معندناش ثقافة حوار .... ده وانا فى المترو كان ظابط جيش هيمسك فى خناقى على اساس ان احنا عيال وخربنا البلد وفيه ناس بتموت بسببنا
عاوز اقول ما لا يدرك كله لا يترك كله ..... واللى احنا تركناه ده مش علشان خاطر اى حد ... ده علشان خاطر مصر وطنى ووطنك ..... وعاوز اقول برضه ان فى الاخر انا وانت وكل الناس ده مصريين وعاوزين مصلحة مصر بس كل واحد بيعبر عن رايه بطريقة ... بس فى الاخر كلنا عاوزين مصلحة مصر
ياريت يا جماعة منخلييش العملية عملية شخصنة ..... ياريت نشوف مصلحة البلد دلوقتى وبعدين نشوف بقى هناخد حقنا ازاى من اللى سرقونا وخربوا البلد
تنحى مبارك عن السلطة وتسليمها للنائب الأن هو افضل حل فى نظرى الأن لأنهاء حالة الفوضى اللى فى البلد
نيجى للحكومة الانتقالية والرئيس المؤقت
عمر سليمان مع الحكومة الجديدة و المفروض بعد النظر فى الطعون المقدمة فى المجلسيين وتعديل مواد الدستور و فى الفترة الرئاسية الانتخابية القادمة يتم انتخاب رئيس جديد منتخب فى انتخابات حرة نزيهة ...
وعلى فكرة البلد مش حتهدى غير لما مبارك يتنحى
اية مشكلتكم لما يتنحى الان ما فى نائب رئيس حيمسك وفى حكومة ماسكة !! بس المهم استئصال رأس الأفعى
تمام انا قصدى يسلمها للنائب عشان البلد تهدى
مش عمر سليمان دة بنى أدم ونائب رئيس هو محدش يعرف يحكم غير مبارك ؟؟؟؟؟؟؟؟
ياشباب
زي ماأحمد شفيق قال(وأنا إحترمته والله)...قال لو داخل حوار وإنت مصمم على إلي في دماغك
يبقا محدش هيوصل لنتيجة
يبقا نتكلم..وكل واحد يكون عنده إستعداد للإقتناع
طيب
إقنعوني وأنا أقتنع
نظرية المؤتمرة ؟؟؟؟
أنا مش مقتنع بيها خاااالص...الشباب هما إلي نظموا الثورة دي
والناس كانت محبطة...والكلمة كانت على لسان الكل((مفيش فايدة))
لكن لما تونس عملتها
الناس عرفت إن ممكن يكون لسه فيه أمل
وده إلي خرج الناس
يعني دي ثورة طاهرة ..وكلنا عارفين كده
مفيش أيادي خفية ولاكلام من ده
======================
والي أتمسكوا في التحرير ..والكارنيهات بتاعتهم الي أثبتت إنهم من الداخلية
دي أنا مقتنع بيها
لو تفتكروا فيلم(البرئ)بتاع أحمد ذكي
الظابط يقوله ..دوووول أعداء الوطن ..إضرب ياعسكري
العسكري إلا مايعرفش في حياته غير الطمبوشة والجاموسة ..يضرب
أعداء الوطن ياعسكري ..إضرب
العسكري يضرب
ولما منظومة الشرطة وقعت..لموا شوية عساكر وقالولهم دووول أعداء الوطن
وإدوهم شوية أسلحة ..وقالولهم ..روحوا إضربوا أعداء الوطن ياأحرار
راح الأحرار يضربوا أعداء الوطن(الخونة)إلي في ميدان التحرير
طبعا
+
شوية بلطجية من إلي إحنا شوفناهم في الانتخابات الي فاتت ...وإلي قبلها ..وإلي قبلها
فاكرينها
الانتخابات بتاعت الــ 99% دي
ماهو ازاى يسلمها وهو جوا البلد ولسة فى الحكم ؟؟ ...... خلى بالك حضرتك من كلامى السابق اللى بيقول ان مبارك عاوز يخرج بسلام وعاوز يتوب بس متأخر جدااا .... عموما انا شايف ان مبارك اصلا معندوش الجرأة انه يعمل حاجة وبيجهز سليمان انه هو اللى يمسك .... بدليل ان اللى بيعمل البيانات دلوقتى سليمان واحمد شفيق
ربنا بس يصيب توقعاتنا فى شفيق لانى متفائل بيه لما عرفت انه مسك مصر للطيران وهى عليها ديون ... وشوف هو عمل ايه دلوقتى فيه
اسف يا مصر... اسف على انى واقف ف المظاهرات ونشفت دماغى وفضلت ف التحرير.. واديت فرصه لمليون واحد ومليون سبب يخربوكى
اسف على انى من المؤيدين لمبارك وروحت لميدان التحرير للناس اللى واقفين يتظاهرو ضدو وخليت الشيطان واعوانه يدخلو بينا
اسف انى على النت عمال اكتب اخبار صح واخبار غلط عشان اهيج الناس حتى لو مش قاصد غير انى اوضح ان الدنيا فيها غلط
اسف انى ما بسمعش اللى بيقولى ابعد عن الفتنه وبنشف دماغى
اسف انى نسيت ان بكل بساطه بدل ما مبارك يجيب بطلجيه.. الموساد وايران وغيرهم يجيبو ناس تولع المصريين ف بعضهم.. هما المستفيدين الاكبر.. مبارك كده كده ماشى
اسف انى شاب جاهل سذج خليت الاحزاب تتخانق يمين وشمال وتطلع على كتفى ف ميدان التحرير وكل ما مبارك يقول هعمل يقوله لا ويهيجونى زياده
اسف انى خليت واحد مش عايش فيكى زى البرادعى ييجى يولع الدنيا عشان نفسه يقعد على عرشك
اسف على دم اخواتى اللى بيروح كل يوم بسبب عنادى ورفضى لكلام الرسول وكلام ربنا
انا اسف يا مصر.. سامحينى
وَاتَّقُواْ فِتْنَةً لاَّ تُصِيبَنَّ الَّذِينَ ظَلَمُواْ مِنكُمْ خَآصَّةً وَاعْلَمُواْ أَنَّ اللّهَ شَدِيدُ الْعِقَابِ " الأنفال
بينما نحن حول رسول الله صلى الله عليه وسلم إذ ذكر الفتنة فقال إذا رأيتم الناس قد مرجت عهودهم وخفت أماناتهم وكانوا هكذا وشبك بين أصابعه قال فقمت إليه فقلت كيف أفعل عند ذلك جعلني الله فداك قال الزم بيتك واملك عليك لسانك وخذ بما تعرف ودع ما تنكر وعليك بأمر خاصة نفسك ودع عنك أمر العامة
قال رسول الله صلى الله عليه وسلم.. الفتنه نائمه من ايقظها لعنه الله ... اللعن معناه الطرد من رحمه الله؟؟ لما تفضل تولع ف الفتنه زى ما الناس بتعمل عن جهل او بقصد.... هتختقى رحمه ربنا.. هينصرنا ازاى.. ارحمو مصر.. ارحمو اخواتكم.. اتقو ربنا واسمعو الكلام... هتتحاسبو عن الفتنه دى.. الساعى فيها حسابه اشد من بادئها
يعنى ايه فتنه؟؟ يعنى اتنين المفروض اخوات.. يوقعو ف بعض.. ايا كانت الاسباب.. الدين قالك ايه بقا.. ابعد عنها.. انا لما اشوف اخويا جاى يضربنى وامشى وابعد عنه.. هيحصل ايه؟؟ الدنيا هتهدى... لكن لما اقول انا على حق.. وهو يقول لا انا على حق.. واكيد فيه واحد على حق فيهم.. ايه اللى هيحصل؟؟ خراب.. صح؟ عرفتو ليه ربنا ورسوله امروكم بالبعد عن الفتنه..؟؟؟ ولا لسه الدماغ ناشفه؟؟
قال رسول الله صلى الله عليه وسلم .. اذا التقى المسلمان بسيفيهما فالقاتل والمقتول فالنار.. قيل هذا القاتل فبال المقتول يا رسول الله؟ قال كان احرص على قتل اخيه... عايز تبقا قاتل؟؟ عايز تشيل دمهم وتتحاسب عليه... دم اخواتك اللى بيموتو ف بيوتهم عشان فيه خراب وفيه حراميه وانتو بتتظاهرو وبتولعو ف الفتنه
يارب.. انصر مصر.. مش عايز النصر لمعارضين ولا مؤيدين ولا وطنى ولا احزاب ولا اخوان..انا عايز النصر لمصر.. للغلابه اللى مش لاقيين عيش وغيرهم بيجعجع ف التحرير بحق او بباطل.. للناس اللى بتعيط ف كل حى من الرعب كل ليله... انا ما يهمنيش مين السبب.. السبب مش هيفرق اللى حصل حصل..بدل ما نتلم ونبقا ايد واحده.. لا سايبين الشيطان انس وجن يلعبو فينا
اسف يا مصر
يجب أن يكون المطلب الأساسي للشعب المصري هو ضرب رأس الأفعى
وهو حل الحزب الوطني وألا يعمل آياً من أعضائه بالسياسة والعمل الحزبي مرة أخرى
أي حاجة بعد كده سهلة
رجاء شخصي بلاش نستعمل القران في الازمة دي لان لو جبت لي اية ممكن اجيب لك عشرة تايد رايي
وممكن اجيب لك فتاوي لا حصرلها في عدم جواز الخروج عن الحاكم
احنا بنتكلم في وضع حالي بلاش نتحاكم بالدين والا الطرفين هايخسروا
يا حودة معظم الناس اللى بيطالبوا بالنزول بكرة واستمرار البقاء في التحرير منزلش اصلا اي مظاهرة في حياته
احمد يا فارما فيه حاجات كتير اوي مش هنعرفها دلوقت ويمكن منعرفهاش خالص
لكن المؤكد ان فيه جهات كتير جدا بتلعب في الداخل سواء اجنبية او محلية
وكارنيهات الشرطة ولبسهم وسلاحهم بقة موجود مع الجميع وخصوصا البلطجية والمسجلين خطر ودول مستحيل يتظاهروا لمصلحة الحكومة دلوقت لكن من السهل على الجميع شرائهم من اول رجال الاعمال لغاية الجماعات
1- الريس لسة موجود لكنه مجمد تماما وكل الاعمال الان في يد عمر سليمان واحمد شفيق
2- قانون الطوارئ يعلق في ظل حظر التجول وتطبق القوانين العسكرية بدليل ان كل المقبوض عليهم تحقق معهم النيابة العسكرية
3- لو تم حل المجلسين الان لحدثت كارثة لانه لابد من اجراء انتخابات جديدة وانت عارف لو حصلت انتخابات في الظروف الحالية الان وفورا هايحصل ايه طبعا مجازر بين انصار المرشحين المختلفين والحل الحالي هو الصحيح ان محكمة النقض تفصل في صحة العضويات وعددها 400 عضوية يعني اكتر من تلتين اعضاء المجلس ومتهيالي مش هايبقوا حزب وطني ووقتها يقدروا يعملوا التغييرات الدستورية والتشريعية المطلوبة
والطرق الان ليس علي الحديد وانما على البلد بكل ما فيها ومن فيها
واذا كان خرج امبارح شوية حرامية على ناس قابضة على امن زي ما الناس بتقول بعد كام يوم الناس العاديين هما اللى هينزلوا ميدان التحرير يفتكوا بالمتظاهرين
يا سيدي لو ده الحل كنت اول واحد هوافق عليه لكن حتي لو تم اللى في التحرير مش هيتحركوا لان اللى بيحركوهم دلوقت هيقولوا لازم يتحاكم ويعدم وهكذا سندخل في سلسلة طويلة من الطلبات كل ما يتم تنفيذ طلب يطلع طلب جديد
الايادي الخفية كتير لكن معظمها كان مختبئ في الجحور ومعظم اللى في الداخل سبق وعمل صفقات مع الحكومة واستفاد منها ودلوفت بيدفعوا الشباب للصدام لاخر درجة للوصول الي اهداهم حتي لو على جثث الشباب الانقياء المتبقين من متظاهري يوم 25
يا صاحب الموضوع
انت صح
اطروحة الفتنة ضلالة هدفها صرف الشعب عن الثورة على الظالم و خداع الشعب
الناس بتتقتل في التحرير و انتوا سايبين القاتل و ماسكين في المقتول ؟؟؟؟؟؟؟؟؟؟؟
استاذ احمد بجد نفسى حد يجاوبنى على سؤالى؟؟؟ فيه حد عاقل فى الدنيا ده يكون شغال فى الداخلية ويمشى ومعاه الكارنيه ؟؟
ده امبارح والله عربية شرطة نزلت المنطقة للتأمين عندنا كانت بتتفتش ذاتى فى كل لجنة وقمة الاذلال للظابط ... الناس مخنوقة منهم خنقة السنيين
ثانيا ... اه انا مقتنع بالمؤامرة .... ممكن مؤامرة من الاخوان او من اللى يعتنقون الفكر الاخوانى ... ممكن مؤامرة من دولة زى قطر وقناتها الجزيرة اللى بتقولك احنا يوم الاتنين كنا ربع مليون وانا اقسم بالله اننا مزدناش عن 60-70 الف نفر وناس كتير اجانب .... مؤامرة من الفاسدين من اعضاء مجلس الشعب ورجال الاعمال اللى مصالحهم تسير ضد مصلحة الوطن والاصلاح
بجد لو قعدت تفكر دماغك هتشد وهتلاقى فى الاخر ان ده احسن حل
اصلا انا والله لو شايف ان ممكن حد يمسك مكان مبارك او النظام دلوقتى كنت دعمته ... بس مفيش والله ... دولة كلهم ناس بتركب الموجة وبتستغل حماس الشباب
يبقى نستنى على نفسنا 6 اشهر نشوف الاصلاحات وندى نفسنا فرصة ندرس كل البرامج الانتخابية لكل المرشحين .... بدل ما تحصل مصيبة وحكومة انتقالية وبلاوى زرقا .... يحصل انتقال سلس للسلطة بدون اى انفلات امنى
إن شاء الله شباب مصر المثقف ،، مش هيخذل الأحرار اللي بيتقتلوا في ميدان التحرير
الأخ الفاضل اللي بيقول الريس عايز يتوب
بعد اللي حصل امبارح أي ذي عقل فهم ،، إن الريس عمره ما هيتوب
و اختار نهاية شاوسيكيو ،، ماختارشي نهاية الملك فاروق الأكثر وطنية و شرفا و فضل حقن دماء المصريين
بيلعب تاني و بيفرر تاني ،، و هنحاسب المخربين
يعني المتظاهرين يتلموا و يتعدموا
نفسي أفهم حاجة واحدة ليه كل النداءات لأحرار ميدان التحرير ؟؟
كام واحد واقفين في ميدان التحرير ؟؟ هيخربوا البلد و يولعوها و عملاء للخارج
و لازم يمشوا دلوقتي حالا ،،،
اشمعني يعني تم هذا الإختذال الساذج للمشكلة فقط في إفراغ ميدان التحرير ؟؟
كارنيه الداخلية لازم يكون معاه
لتأمين نفسه لو الشرطة مسكته ..أو أمن الدولة مسكه وإفتكرته من المعارضين للنظام
يعني الكارنيه معاه
يعمل إلي هوا عاوزه...يضرب ويقتل ويعمل أي حاجة
ولما يتمسك من جهة شرطية ..أو من الجيش
يطلع الكارينه ..ويقولهم أنا تبعكم
بسسسسسسسس
ده رأيي الخاص
وزي مامعظم الناس إتفقت
الفراغ في السلطة غير مرغوووب من أي طرف
يبقا يتكرم..وكفاهم دماء المئات
ويسيب السلطة للنائب عمرسليمان ..أو لرئيس المجلس سيد قراره
والبلد تشم أنفاس الحرية
وزي مالنايس عارفة فترة الــ 60 يوم يعدوا
والانتخابات تتعمل بإشراف قضااائي كامل+إشراف ظباط الجيش
علشان تبقا نزيهة 101%
ونختار إحنا أي حد .. من إلي هيترشحوا
عمرو موسى
الجنزوري
حمدين صباحي
نور
البرادعي
أيييييييي حد الناس هتختاره بعد كده
بس يمشي
يمشي
معاك يا طناني وفعلا بعتذر جدا لمصر
وبعدين يا ابو رقية هل نمنع الاخوان بالقانون بردو لان القانون الجنائي بيمنع من صدر ضدهم احكام جنائية من ممارسة الحقوق السياسية
هاتوافق ولا لا ؟؟؟؟؟
ولا هانبقي اسوا من النظام السابق ونمنع من الاساس من لا نريدهم
على فكرة فيه ما لا يقل عن 3 مليون مصري اعضاء في الحزب الوطني بغض النظر عن الاسباب
ملحوظة الحمد لله انا مش عضو في الحزب الوطني
طيب احنا وحشين وقاعدين ماسكين في المقتول
وانت اعقل مننا كلنا
ايه اللى مقعدك ؟
ما تنزل تمسك القاتل وتقتله
ولا هو تهييج للناس على الفاضي ؟
عاوز تقولى ان مبارك ساعة والسكينة تحت رقبته ... وكل الناس متربصاله هيبعت بلطجية تضرب فى الناس ؟؟؟
مع كل الاحترام لحضرتك .... إنت شايف ان ده سيناريو ممكن حضرتك تصدقه ؟
طب انهى ممكن تصدقه ؟ .... الاخبار اللى قالت ان اللى بعتوا البلطجية دولة زبانية الحزب الوطنى واعضاء مجلس الشعب ورجال الاعمال الفاسدين .... وفى تفسيرى انها مقاومة لحركة الاصلاح وتحت مسمى تأييد لمبارك بغرض احراجه ؟؟
ولا السيناريو اللى حضرتك قولته ؟
انا واثق فى ان حضرتك هتختار السيناريو الاقرب للحقيقة
امن دولة ايه وشرطة ايه .... ده انا مشفتش غير كام نفر عسكرى من ساعة لما روحت التحرير وكانوا فى حماية الجيش علشان الناس متنفخهمش .....
تانى حاجة بالنسبة لموضوع عمرو سليمان .... انا معاك فى النقطة ده ... بس انا بقولك ان مبارك ده دماغه ناشفة ومش عاوز يسبها الا بكرامة وبطريقة من وجهة نظره محترمة .... مع ان الشعب كله كاره
بالنسبالى .... انا عاوز مصلحة البلد ومش هتفرق معايا اصلا هو موجود ولا لاه..... بس هعند معاه يبقى هعمل اللى عاوزه الناس المخربة علشان الدنيا تولع وكل واحد بقى يعمل اللى هو عاوزه
على فكرة عاوز اقولك على حاجة ... الجيش ش بيفض اشتباك الجيش بيضرب رصاص حى بس ..... علشان بس تبقى عارف ان الوضع الحالى بان الجيش هو اللى مأمن مصر مينفعش يستمر لان الجيش ووحداته غير مؤهلة لذلك
مش هقولك رويترز و لا وزارة الخارجية البريطانية قالت كده ،،
لكن سواء مبارك شخصيا أو زبانية الحزب الوطني
النتيجة واحدة ،،
أنا فاهم إن النظام مش مبارك بس
النظام 400 عضو مجلس شعب حزب وطني ،، صرفوا ملايين عشان المنصب ده
النظام رجال أعمال فاسدين حققوا مليارات
النظام مشرعين قوانين ( ترزجية ) ،، و رجال أمن ( بلطجية ) مستفيدين
و لذلك لازم يرحل حالا و فورا ،، مياخدشي فرصة يضبط أوراقه اللي بيضبطها يقمة الغباء
مينفعشي أخي الفاضل بأي منطق نخلط بين المقتول و القاتل
ليه الحكومة الجديدة متأمنشي ميدان التحرير تماما ؟؟
ليه ميروحشي للمتظاهرين يتناقشوا معاهم ؟؟
ليه أختاروا الطريقة التقليدية يبعتوا البلطجية و القناصة و المولتوف ؟؟
انا عايز اقول للناس اللي بتقول صبرنا 30 سنه .. مش عارفين نصبر كام شهر
ال 30 سنه كوم والكام شهر اللي جايين حاجه تانيه خالص الراجل مش هيلدغ تاني من الشعب
والبشاير ابتدت
حطوا نفسكم مكانوا يا جدعان واحد انتا حاطط السكينه على رقبته وبتقله اعمل كذا وكذا
تفتكر اول ما تسيبه هيعمل فيك ايه .. يا ترى هيحفظلك الجميل ؟؟؟
بصراحة أنا مش فاهمك قوي انت مع وألا ضد
إنما لو بنتكلم عن المواطنة فمن حق الإخوان كمواطنين وعددهم مساوي لعدد الأقباط الأورثوزوكس في مصر
فمن حق الإخوان الإشتراك في الحكم طالما الشعب انتخبهم انتخاب حر !!!
أما مسالة أنها محظورة فالقاصي والداني يعلم أنه تم حظرهم بسبب حادثة المنشية وهي تمثيلية اصطنعها عبد الناصر , كما ان الحكم بالحظز كان درجة أولى و حرم الإخوان من يومها إلى الآن في النقض والاستئناف
فلبانة المحظورة دي بقت ماسخة قوي , ويجب أن يأخذوا حقوقهم كاملة وألا يتعرضوا للإضطهاد مثلما يجب ألا يتعرض الأورثوزوكس للإضطهاد
أنا فعلا مش قادر أستوعب قصة المحظورة دي
هما الإخوان ناس كفار مثلا ..وماسكين سيوف في الشوراع
الإخوان ..وأنا أعرف منهم الكثير
ناس مصريين ..لهم وجهة نظر
وناس بتحب البلد زي أي مصري تاني بيحبوا بلدهم
والكل يعرف إن الفرعون كان بيثبت نفسه في الكرسي ...بإيهام العالم إن الإخوان(الأشرار)..هما البديل الوحيد له
وإنه لو مشي
هييحي الإخوان(الأشرار)..يمسكوا البلد ..ويخلوها إيران أخرى