الى كل من يطلبون انتهاء التظاهر كفاية لو سمتحو

**Mahmoud Nagieb** · 03-02-2011 06:15 PM

المشاركة الأصلية كتبت بواسطة ahmed anwer

إن شاء الله شباب مصر المثقف ،، مش هيخذل الأحرار اللي بيتقتلوا في ميدان التحرير

الأخ الفاضل اللي بيقول الريس عايز يتوب

بعد اللي حصل امبارح أي ذي عقل فهم ،، إن الريس عمره ما هيتوب

و اختار نهاية شاوسيكيو ،، ماختارشي نهاية الملك فاروق الأكثر وطنية و شرفا و فضل حقن دماء المصريين

بيلعب تاني و بيفرر تاني ،، و هنحاسب المخربين

يعني المتظاهرين يتلموا و يتعدموا

نفسي أفهم حاجة واحدة ليه كل النداءات لأحرار ميدان التحرير ؟؟

كام واحد واقفين في ميدان التحرير ؟؟ هيخربوا البلد و يولعوها و عملاء للخارج

و لازم يمشوا دلوقتي حالا ،،،

اشمعني يعني تم هذا الإختذال الساذج للمشكلة فقط في إفراغ ميدان التحرير ؟؟

عاوز تقولى ان مبارك ساعة والسكينة تحت رقبته ... وكل الناس متربصاله هيبعت بلطجية تضرب فى الناس ؟؟؟

مع كل الاحترام لحضرتك .... إنت شايف ان ده سيناريو ممكن حضرتك تصدقه ؟

طب انهى ممكن تصدقه ؟ .... الاخبار اللى قالت ان اللى بعتوا البلطجية دولة زبانية الحزب الوطنى واعضاء مجلس الشعب ورجال الاعمال الفاسدين .... وفى تفسيرى انها مقاومة لحركة الاصلاح وتحت مسمى تأييد لمبارك بغرض احراجه ؟؟

ولا السيناريو اللى حضرتك قولته ؟

انا واثق فى ان حضرتك هتختار السيناريو الاقرب للحقيقة

**Mahmoud Nagieb** · 03-02-2011 06:20 PM

المشاركة الأصلية كتبت بواسطة a7med_pharma

كارنيه الداخلية لازم يكون معاه
لتأمين نفسه لو الشرطة مسكته ..أو أمن الدولة مسكه وإفتكرته من المعارضين للنظام
يعني الكارنيه معاه
يعمل إلي هوا عاوزه...يضرب ويقتل ويعمل أي حاجة
ولما يتمسك من جهة شرطية ..أو من الجيش
يطلع الكارينه ..ويقولهم أنا تبعكم
بسسسسسسسس
ده رأيي الخاص
وزي مامعظم الناس إتفقت
الفراغ في السلطة غير مرغوووب من أي طرف
يبقا يتكرم..وكفاهم دماء المئات
ويسيب السلطة للنائب عمرسليمان ..أو لرئيس المجلس سيد قراره
والبلد تشم أنفاس الحرية
وزي مالنايس عارفة فترة الــ 60 يوم يعدوا
والانتخابات تتعمل بإشراف قضااائي كامل+إشراف ظباط الجيش
علشان تبقا نزيهة 101%
ونختار إحنا أي حد .. من إلي هيترشحوا
عمرو موسى
الجنزوري
حمدين صباحي
نور
البرادعي
أيييييييي حد الناس هتختاره بعد كده
بس يمشي
يمشي

امن دولة ايه وشرطة ايه .... ده انا مشفتش غير كام نفر عسكرى من ساعة لما روحت التحرير وكانوا فى حماية الجيش علشان الناس متنفخهمش .....

تانى حاجة بالنسبة لموضوع عمرو سليمان .... انا معاك فى النقطة ده ... بس انا بقولك ان مبارك ده دماغه ناشفة ومش عاوز يسبها الا بكرامة وبطريقة من وجهة نظره محترمة .... مع ان الشعب كله كاره

بالنسبالى .... انا عاوز مصلحة البلد ومش هتفرق معايا اصلا هو موجود ولا لاه..... بس هعند معاه يبقى هعمل اللى عاوزه الناس المخربة علشان الدنيا تولع وكل واحد بقى يعمل اللى هو عاوزه

على فكرة عاوز اقولك على حاجة ... الجيش ش بيفض اشتباك الجيش بيضرب رصاص حى بس ..... علشان بس تبقى عارف ان الوضع الحالى بان الجيش هو اللى مأمن مصر مينفعش يستمر لان الجيش ووحداته غير مؤهلة لذلك

**AmatoALLAH** · 03-02-2011 06:28 PM

المشاركة الأصلية كتبت بواسطة ashouhdy

تمام انا قصدى يسلمها للنائب عشان البلد تهدى

مش عمر سليمان دة بنى أدم ونائب رئيس هو محدش يعرف يحكم غير مبارك ؟؟؟؟؟؟؟؟

الناس بتتكلم كان مبارك مخلد في الدنيا

يعني هو مش هيجي يوم و يموت

ساعتها بئي احنا نعمل ايه؟

ما هو ما ينفعش يحكمنا غيره

**LanCeLoT** · 03-02-2011 06:34 PM

انا عايز اقول للناس اللي بتقول صبرنا 30 سنه .. مش عارفين نصبر كام شهر
ال 30 سنه كوم والكام شهر اللي جايين حاجه تانيه خالص الراجل مش هيلدغ تاني من الشعب
والبشاير ابتدت
حطوا نفسكم مكانوا يا جدعان واحد انتا حاطط السكينه على رقبته وبتقله اعمل كذا وكذا
تفتكر اول ما تسيبه هيعمل فيك ايه .. يا ترى هيحفظلك الجميل ؟؟؟

**abou_ruqi** · 03-02-2011 06:34 PM

المشاركة الأصلية كتبت بواسطة dr-mohamed

وبعدين يا ابو رقية هل نمنع الاخوان بالقانون بردو لان القانون الجنائي بيمنع من صدر ضدهم احكام جنائية من ممارسة الحقوق السياسية
هاتوافق ولا لا ؟؟؟؟؟
ولا هانبقي اسوا من النظام السابق ونمنع من الاساس من لا نريدهم
على فكرة فيه ما لا يقل عن 3 مليون مصري اعضاء في الحزب الوطني بغض النظر عن الاسباب

ملحوظة الحمد لله انا مش عضو في الحزب الوطني

بصراحة أنا مش فاهمك قوي انت مع وألا ضد

إنما لو بنتكلم عن المواطنة فمن حق الإخوان كمواطنين وعددهم مساوي لعدد الأقباط الأورثوزوكس في مصر
فمن حق الإخوان الإشتراك في الحكم طالما الشعب انتخبهم انتخاب حر !!!
أما مسالة أنها محظورة فالقاصي والداني يعلم أنه تم حظرهم بسبب حادثة المنشية وهي تمثيلية اصطنعها عبد الناصر , كما ان الحكم بالحظز كان درجة أولى و حرم الإخوان من يومها إلى الآن في النقض والاستئناف

فلبانة المحظورة دي بقت ماسخة قوي , ويجب أن يأخذوا حقوقهم كاملة وألا يتعرضوا للإضطهاد مثلما يجب ألا يتعرض الأورثوزوكس للإضطهاد

**تامر.محمد** · 03-02-2011 06:41 PM

المشاركة الأصلية كتبت بواسطة abou_ruqi

بصراحة أنا مش فاهمك قوي انت مع وألا ضد

إنما لو بنتكلم عن المواطنة فمن حق الإخوان كمواطنين وعددهم مساوي لعدد الأقباط الأورثوزوكس في مصر
فمن حق الإخوان الإشتراك في الحكم طالما الشعب انتخبهم انتخاب حر !!!
أما مسالة أنها محظورة فالقاصي والداني يعلم أنه تم حظرهم بسبب حادثة المنشية وهي تمثيلية اصطنعها عبد الناصر , كما ان الحكم بالحظز كان درجة أولى و حرم الإخوان من يومها إلى الآن في النقض والاستئناف
فلبانة المحظورة دي بقت ماسخة قوي , ويجب أن يأخذوا حقوقهم كاملة وألا يتعرضوا للإضطهاد مثلما يجب ألا يتعرض الأورثوزوكس للإضطهاد

+1
يا راجل ده انا باسمع اشاعات تنرفز
تتخيل ان المتظاهرين في وسطهم عناصر ايرانية و عناصر تابعة لحزب الله ؟

**A7MED_PHARMA** · 03-02-2011 06:43 PM

المشاركة الأصلية كتبت بواسطة abou_ruqi

بصراحة أنا مش فاهمك قوي انت مع وألا ضد

إنما لو بنتكلم عن المواطنة فمن حق الإخوان كمواطنين وعددهم مساوي لعدد الأقباط الأورثوزوكس في مصر
فمن حق الإخوان الإشتراك في الحكم طالما الشعب انتخبهم انتخاب حر !!!
أما مسالة أنها محظورة فالقاصي والداني يعلم أنه تم حظرهم بسبب حادثة المنشية وهي تمثيلية اصطنعها عبد الناصر , كما ان الحكم بالحظز كان درجة أولى و حرم الإخوان من يومها إلى الآن في النقض والاستئناف

فلبانة المحظورة دي بقت ماسخة قوي , ويجب أن يأخذوا حقوقهم كاملة وألا يتعرضوا للإضطهاد مثلما يجب ألا يتعرض الأورثوزوكس للإضطهاد

أنا فعلا مش قادر أستوعب قصة المحظورة دي
هما الإخوان ناس كفار مثلا ..وماسكين سيوف في الشوراع
الإخوان ..وأنا أعرف منهم الكثير
ناس مصريين ..لهم وجهة نظر
وناس بتحب البلد زي أي مصري تاني بيحبوا بلدهم
والكل يعرف إن الفرعون كان بيثبت نفسه في الكرسي ...بإيهام العالم إن الإخوان(الأشرار)..هما البديل الوحيد له
وإنه لو مشي
هييحي الإخوان(الأشرار)..يمسكوا البلد ..ويخلوها إيران أخرى