الموضوع: خطاب متظاهر في التحرير (اهم من خطاب الرئيس)

شوفو أستمرار المظاهرات هايعمل أيه في البلد ................والناس ألي بتركب الموجة

[flash=http://www.youm7.com/news.asp?newsid=346334&secid=12]width=800 height=400[/flash]

المشاركة الأصلية كتبت بواسطة hossaam

كلما رأيت تشبث الرئيس بالسلطة وانه يمشي في الوقت اللي هو حدده بس
كلما فقدت اي امل في اي تغيير او اصلاح حقيقي قادم

حد ممكن يأكد لنا قول الرئيس انه عند دكتوراه في العناد؟؟
بجدانا سمعتها كتير في قنوات اجنبية زي البي بي سي وال سي ان ان

على الأقل عناد حسني عارفين أخرته إمتى ... أخرة تسع شهور بالكتير وماشي

لكن عناد من هم في ميدان التحرير الآن لا نعرف نهايتة

ممكن حسني يتنحى دلوقتي

بكرة يقولولك وسليمان الآن الآن برده (ولا تنسوا إنهم كانوا رافضينه لما سليمان عينه من الأول)

نرجع من الأول تاني

يقوم سليمان يتنحى

يقوموا يقولولك مش عايزين شفيق

طيب وأخرتها إيه

حد عارف كام شهر ممكن نقعد كده

وهنخسر أد إيه

يا جدعان فككم من الكذب الحصر على التلفزيون المصرى دول عملاء النظام الفاسد افيكوا شوف الحق الناس ديه هى اللى جوعت الناس وقتلته نسيتم غرق العباره نسيتم قتلى الطرق السريعه نسيتم قتلى القطارات المظاهرات ديه قتلوا فيها 500


وقتلوا فى اى حاجه من اللى انا بقولها ديه ألوف نسيت الكبد الوبائى نسيت السرطان نسيتم المجارى اللى بيروى بيها الزرع نسيتم المياه الملوثه والبطيخ الفاسد نسيتم البلطجه والرشوى الواسائط فى كل حاجه واى حاجه مين اللى عمل فى البلد ديه كده مين اللى ...بعد كل ده سحب الدخليه وحرق المبانى نسيتم اتوات الشرطه نسيتم لما عدلوا قانون المرور عدلوا كل القوانين اللى تخليهم يخدوا فلوس من الناس ومعدلوش حاجه واحده عشان الحوادث وحقوق الناس نسيتم ان النظام اللى انتم بدافعو عنه ده هو اللى خربها تعرفوا رجعوا النت ليه عشان اللى بيحصل ده ديه حرب نفسيه حقيره يقوللكم فتنه عايزين تسمعوا علام الدين اسمعوا الشيخ القرضاوى متسمعوش الأئمه الذين اشتروا الدنيا بالأخره متسموعش الناس اللى بتتكلم على الأمان المزعوم اللى مش موجود ازاى يبقى هما اللى بيبعتوا البلطجيه وهما اللى بيقتلوا وهما اللى بيسرقوا وبعد كده تتكلموا عن الأمان الأمان بذهاب هذا النظام الفاسد برمته وحل مجلس الشعب وتعديل الدستور

فكروا وقرروا

كلكم راع ومسؤول عن رعيته ، فالإمام راع ومسؤول عن رعيته ، والرجل في أهله راع وهو مسؤول عن رعيته ، والمرأة في بيت زوجها راعية وهي مسؤولة عن رعيتها ، والخادم في مال سيده راع وهو مسؤول عن رعيته . قال فسمعت هؤلاء من النبي صلى الله عليه وسلم ، وأ...حسب النبي صلى الله عليه وسلم قال : والرجل في مال أبيه راع ومسؤول عن رعيته ، فكلكم راع ، وكلكم مسؤول عن رعيته
الراوي: عبدالله بن عمر المحدث: البخاري - المصدر: صحيح البخاري - الصفحة أو الرقم: 2558
خلاصة حكم المحدث: [صحيح

لما فشلت خطة المواجهة العنيفة و خطة الارض المحروقة و خطة اشاعة الفوضى و نزع الامن يعتمد النظام الان على معركة النفس الطويل و الحصار و انا اكتر حاجة مخوفاني هي خطة الحصار الاقتصادي من غلق البنوك و قطع الطرق... لان هما حاليا بيعتمدوا على الضغط الاقتصادي اكثر على الطبقة المطحونة الى حد الانفجار ثم توجية قوة الانفجار باتجاه المتظاهري=ن على الرغم ان الحكومة هي المتسبب فيه! لعبة قذرة لاقصى الحدود

المشاركة الأصلية كتبت بواسطة mmffor

لما فشلت خطة المواجهة العنيفة و خطة الارض المحروقة و خطة اشاعة الفوضى و نزع الامن يعتمد النظام الان على معركة النفس الطويل و الحصار و انا اكتر حاجة مخوفاني هي خطة الحصار الاقتصادي من غلق البنوك و قطع الطرق... لان هما حاليا بيعتمدوا على الضغط الاقتصادي اكثر على الطبقة المطحونة الى حد الانفجار ثم توجية قوة الانفجار باتجاه المتظاهري=ن على الرغم ان الحكومة هي المتسبب فيه! لعبة قذرة لاقصى الحدود

إتهام حضرتك مش صح

كان ممكن أحاصر من هم في ميدان التحرير إقتصادياً بردو

وعموماً

البنوك هتفتح بكرة وكلامك (ومش هقول إتهاماتك القذرة) لن يكون له قيمة ساعتها

لإن النفس الطويل ده مش نفس الحكومة

ده نفس البلد

وربنا يستر ومبنقطعش بسبب عناد من هم في ميدان التحرير

المشاركة الأصلية كتبت بواسطة mmffor

انا نقلت الرسالة بأمانه
و قلت ما فيه الكفاية
و والله مش حتكلم في الموضوع ده تاني في المنتدى هنا او اي منتدى تاني لان وقت الكلام انتهى و كلها ساعات و حيبان الشعب المصري!
اللهم بلغت اللهم فاشهد! انا عملت اللي عليا يا ربي! اللهم انت الهي..
اللهم إليك أشكو ضعف قوتي ، وقلةَ حيلتي ،

وهواني على الناس يا أرحم الراحمين .

أنت رب المستضعفين . وأنت ربي .. إلى من تكلني ؟

إلى بعيد يتجهمني .. أم إلى عدوٍ ملكته أمري ؟؟

إن لم يكن بك عليّ غضبٌ فلا أبالي ..

غير أن عافيتك هي أوسعُ لي...

أعوذ بنور وجهك الذي أشرقتْ له الظلمات ،

وصلحَ عليه أمر الدنيا والآخرة أن يحلّ عليّ غضبك ،

أو أن ينزلّ بي سخطك .. لك العتبى حتى ترضى ..

ولا حول ولا قوة إلا بك

والله للاسف النظام نجح فعلا انه يشق صفوف المصريين