الموضوع: خطاب متظاهر في التحرير (اهم من خطاب الرئيس)

المشاركة الأصلية كتبت بواسطة sarawe511

ع فكرة انا متفق معاك تماما ف كل ايلي انت قولتة بس للاسف اندس ف وسط الشباب المحترم ناس غريبة جدا( ايرانين و عراقين و سوريين و فلسطنين و اوربيين ) ...طب السوال ...الناس دي بيعملو اه ف ميدان التحرير و يتظاهرو بتاع .....احنا مسكين واحد ايراني عندنا ف رمسيس يحمل ما لا يقل عن 15 جواز سفر باسمة ....

متصل مصري بقناة النيل قدموه على انه من متظاهري التحرير, راح الواد اترعب و قال لأ انا من المؤيديين للاستقرار انا روحت اتظاهر في التحرير أؤيد الاستقرار و ابتدى يتحدث عن ان معظم متظاهري التحرير يريدون الرحيل و لكنهم خائفون! من ماذا لا ادري! عموما
ما يحضرني هو شهادته التي تشبه شهادتك! قال بالحرف: انا شوفت مراسلة اللوموند و لقيتها مش مصريه!!!! كان شكلها يهودية!!! قلتلها انتي مش مصرية مش كده!!! والله شكلها كان يهودية خالص..انتهى

مراسلة اجنبية لصحيفة فرنسية!!! قد تتحدث العربية بلكنه غربية و قد تكون عربية (لبنان او المغرب) نظرا لان الفرنسية هي اللغه الاولى في تلك الدوول العربيه!
المشارك تسبب في حيرة كبيرة لي... هما اليهود شكلهم ايه علشان اعرف اميزهم في الشارع انا كمان؟؟
ممكن حد يفيدني؟

باشا من الواضح كده إن النت إتفتح عشان يحصل اللي احنا شايفينه ده من إرتباك و ذعر و نداءات إستغاثة و كلام غريب عن مؤامرات و أجندات و حاجات غريبة..
المهم ..
شباب التحرير الآن لا يثقون في النظام ..هما شايفين إنه نظام فاسد و بيقولوا إزاي نظام فاسد هايصلح النظام .. و إنعدام الثقة ده على ما يبدو تراكم عند هؤلاء الشباب على مدار ٣٠ سنة .. و ربما إعادة الثقة بينهم و بين النظام تحتاج ٣٠ سنة أخرى .. بالطبع سأكون أنا و أنت و الشباب نفسهم قد توفانا الله أو على مشارف الموت ..
دلوقتي احنا و هما و الحكومة و الجيش و المجتمع الدولي عايزين حل فوري .. فوري ..
الحل الوحيد للأزمة بيد الرئيس مبارك نفسه .. أنا حالي و شغلي واقف و كاتب الموضوع كمان و البلد كلها بتخسر كل يوم ..
الشباب في التحرير من الواضح إنهم كل يوم بيزدادوا قوة و مش هايمشوا إلا في حالة واحدة .. عندنا ٢ مليون واحد عنيد في التحرير و ملايين عنيدين غيرهم في المحافظات .. هل من الأسهل أن نقنع هؤلاء الملايين بالرحيل .. أم هل الأسهل أن يتم تقديم مصلحة مصر و إنهاء الموقف بكرامة و شرف قبل فوات الأوان ..
يا جماعة الملايين اللي بتخرج دي مش هايقتنعوا إلا بشيئ واحد و الضغط الدولي على مصر يزداد أي أن الضغط خارجي و داخلي ..
الريس دايما كان بيقول إنه أبو كل المصريين .. سواء مؤيدين أو معارضين .. خذ قرار جريء يا ريس و جنب مصر مزيدا من المشاكل .. الموضوع لسه في إيدك و لكن كل ساعة بتمر الداخل و الخارج ضغطه بيزيد و هايزيد ..

المشاركة الأصلية كتبت بواسطة mmffor

احب اوضح للادارة ان الموضوع مفيهوش اهانة لحكومة سابقة او حاليا او لاي عضو في المنتدى المحترم
بكل بساطه شاب من شباب مصر بيعبر عن نفسه باسلوب حضاري و مثقف و محترم


يا عم بالا مظاهرات بلا قرف.عايزين ناكل عيش.أقعد فى البيت

يا جدعان كفايه مظاهرات ماهو عين نايب وغير شوية وزرا.حلو مش وحش

يا شباب العيش والخضار غلى وعايزين ناكل ونروح نشوف مصالحنا
...
فى ناس هو ده مبدئها فى الحياه.ادينى جبنه وعيش وسيب الحكومه تعيش

إلي كان مشغل البلد وبيعين الحكومة ومجلس الشعب والشورى مات خلاص الله لا يرحمه (جمال مبارك)


صحابى اللى عايشين بره بيقولوا ان الغرب بيقول علينا شعب سلبى وبتاع بطنه

إيه حكايتكوا كل شوية تقولوا (مشرفينا برة) وبعدين (إصحابنا بره) إيه حكاية بره معاكوا

تسمعوا عن غاندى؟ عمر المختار؟جيفارا؟ ايوه هوه اللى صورته على الحيطه

مش فاهمك
تعرف يعنى ايه طموح؟ دفع الظلم؟ الساكت عن الحق شيطان؟ شعب متحضر بيتظاهر سلمى؟

أعرف طبعاً لما نزلت إسبوع بحاله الشارع كان كل ده في قلبي

طب بلاش...هقولكم حاجه حلوه أوى

انا دخلى فى الشهر اكتر من 3 الاف جنيه

عندى عربيه وشقه وبسافر اتفسح بره مصر

عمرى ما كنت من الطبقه المطحونه

بس خرجت يوم جمعة الغضب وبعدها عشان أقول عايز حق اخواتى المطحونين

عايز حق الغلابه فى العشوائيات والقرى والنجوع

عايز حق الشاب الغلبان اللى بيتخرج من كليته مش عارف يشتغل.مش قادر يتجوز وهيموت

مش عارف ينزل يخرج مع صحابه عشان معهوش تمن المشاريب!

عايز حق البنت الطيبه اللى خرجت من بيتها تشتغل عشان ابوها خلاص مش قادر يديها مصروف

طيب ما هو خلاص الناس دية كسبت وهيكونوا شغل البلد الشاغل إنهم ياخدوا حقوقهم
عشان مينزلش حد تاني سواء حضرتك أو غيرك يتظاهر مرة أخرى وتتكرر المأساة

أنا عمرى ما كنت اخوان ولا يمين ولا يسار

عمرى ما اعتقلت سياسيا ولا دينيا ولا تم اغتيال اى فرد من عائلتى

بس خرجت عشان عشان أقول لأ لظلم وطغيان الداخليه

لأ لغشم وجبروت أمن الدوله.لأ لقانون الطوارئ

خرجت أقول عايز حق المعتقل السياسى اللى مشافش بيته من 20 سنه بدون تهمه

عايز حق اللى اتعذبوا واتقتلوا واتقهروا فى ظلمات أمن الدوله

عايز حق دم المصرى البسيط اللى خرج يقول لأ ومعهوش حتى قصافه فدهسته عربية أمن مركزى

أنا بأه معايا فلوس وبشرب ميه معدنيه وعندى كمان فلتر مستورد فى البيت

وبشترى أغلى فاكهه وأحسن خضار وبجيب العيش أبو جنيه

الديب فريزر مليان لحمه ومعنديش أى تلاته مشكله لو كيلو اللحمه بقى ب100 جنيه

بس خرجت عشان عايز الناس متشربش الميه اللى كلها بكتريا وفطريات وصرف صحى

خرجت عشان الناس اللى بنعالجهم أن وزمايلى الأطباء من السرطانات كتروا أوى

خرجت عشان القمح فاسد والمبيدات مسرطنه والأكل كله أمراض

خرجت عشان الناس اللى عندهم تليف كبدى فيروسى وفشل كلوى أكتر من اللى عندهم برد

أنا بأه عندى حمام كيلوباترا يعجبك أوى

وعندى شاشه دى فى دى 37 بوصه وبلاى ستيشن و2 موبايل وكافة شىء

بس خرجت عشان عايز حق الغلابه فى المراكز اللى معندهمش صرف صحى ولسه بيحفروا ترنش

عايز حق الست المسنه اللى عندها فوق ال80 سنه ومعندهاش كهربا ولا ميه

خرجت عشان الست دى متشتريش جركن الميه -الجربانه- ب20 جنيه

ايييييييييييه! محدش فيكوا بيتفرج على برنامج واحد من الناس وغيره وغيره

أنا كنت مستمر في القراءة لحد ما زهقت واضح إنه مش عارف عايز يقول إيه
شكراً سيدي المواطن

المتواجدين في التحرير حاليا يعادل 5 اضعاف المصوتين للانتخابات الرئاسية لكل المرشحين! اليس لهذا مغزى؟؟ من دون ذكر المتواجدين في المحافظات الاخرى

المشاركة الأصلية كتبت بواسطة tyler_durden

باشا من الواضح كده إن النت إتفتح عشان يحصل اللي احنا شايفينه ده من إرتباك و ذعر و نداءات إستغاثة و كلام غريب عن مؤامرات و أجندات و حاجات غريبة..
المهم ..
شباب التحرير الآن لا يثقون في النظام ..هما شايفين إنه نظام فاسد و بيقولوا إزاي نظام فاسد هايصلح النظام .. و إنعدام الثقة ده على ما يبدو تراكم عند هؤلاء الشباب على مدار ٣٠ سنة .. و ربما إعادة الثقة بينهم و بين النظام تحتاج ٣٠ سنة أخرى .. بالطبع سأكون أنا و أنت و الشباب نفسهم قد توفانا الله أو على مشارف الموت ..
دلوقتي احنا و هما و الحكومة و الجيش و المجتمع الدولي عايزين حل فوري .. فوري ..
الحل الوحيد للأزمة بيد الرئيس مبارك نفسه .. أنا حالي و شغلي واقف و كاتب الموضوع كمان و البلد كلها بتخسر كل يوم ..
الشباب في التحرير من الواضح إنهم كل يوم بيزدادوا قوة و مش هايمشوا إلا في حالة واحدة .. عندنا ٢ مليون واحد عنيد في التحرير و ملايين عنيدين غيرهم في المحافظات .. هل من الأسهل أن نقنع هؤلاء الملايين بالرحيل .. أم هل الأسهل أن يتم تقديم مصلحة مصر و إنهاء الموقف بكرامة و شرف قبل فوات الأوان ..
يا جماعة الملايين اللي بتخرج دي مش هايقتنعوا إلا بشيئ واحد و الضغط الدولي على مصر يزداد أي أن الضغط خارجي و داخلي ..
الريس دايما كان بيقول إنه أبو كل المصريين .. سواء مؤيدين أو معارضين .. خذ قرار جريء يا ريس و جنب مصر مزيدا من المشاكل .. الموضوع لسه في إيدك و لكن كل ساعة بتمر الداخل و الخارج ضغطه بيزيد و هايزيد ..

والله صدقت وأؤيدك
وانا قولت فتح النت ده له هدف اكيد وكانو بيراهنوا عليه
ولكن والحمد لله فشلوا برضه
وبكره الناس تفهم وتعرف
يارب ارنا الحق حقا وارزقنا اتباعه وارنا الباطل باطل وارزقنا اجتنابه

المشاركة الأصلية كتبت بواسطة tyler_durden

الشباب في التحرير من الواضح إنهم كل يوم بيزدادوا قوة و مش هايمشوا إلا في حالة واحدة .. عندنا ٢ مليون واحد عنيد في التحرير و ملايين عنيدين غيرهم في المحافظات .. هل من الأسهل أن نقنع هؤلاء الملايين بالرحيل .. أم هل الأسهل أن يتم تقديم مصلحة مصر و إنهاء الموقف بكرامة و شرف قبل فوات الأوان ..
يا جماعة الملايين اللي بتخرج دي مش هايقتنعوا إلا بشيئ واحد و الضغط الدولي على مصر يزداد أي أن الضغط خارجي و داخلي ..
الريس دايما كان بيقول إنه أبو كل المصريين .. سواء مؤيدين أو معارضين .. خذ قرار جريء يا ريس و جنب مصر مزيدا من المشاكل .. الموضوع لسه في إيدك و لكن كل ساعة بتمر الداخل و الخارج ضغطه بيزيد و هايزيد ..

ومن يستطيع أن يجزم بإن تنحي مبارك الآن هيخلي من في التحرير يروح بيته

لو حصل بالفعل

هيفضلوا مش هيمشوا

ليه

هيقولوا كمان سليمان لازم يمشي ونرجع تاني

وبرده تعيدوا الكلام ده

وتقولوا وفيها إيه لما سليمان يمشي

ويجي شفيق

وبعدين برده يفضلوا في الميدان (ولازم يمشي مش هنمشي)


إنتوا نسيتوا إنهم بالفعل كانوا رافضين سليمان وشفيق لما عينهم حسني لأول مره

محدش يضحك عليكما ويفهمكوا إن دول مشكلتهم في حسني

دول مشكلتهم مع الشعب المصري كله

ومش هيرجعوا حتى يخرج هذا الشعب من البلد كلها أو يموت وساعتها هيرتاحوا

منهم من سيهرب إلي البلد التي تدعمهم زي بتوع حزب الله إلي خرجوا من سجن وادي النطرون وطلعوا على حسن نصر الله في لبنان

ومنهم إلي هيتفاجئ إنه إنضحك عليه وخرب بلده بنفسه وساعتها لا ينفع الندم

أن من رايي إن محدش يمشي لا حسني ولا حد

إحنا نفضل كده معاندين مع بعض

لحد ما تيجيلنا أمريكا تحررنا وتخلينا زي العراق

هذه هي مطالب الشعب المصري كله ! بالبنط العريض
ردا على اللي عمالين يقولوا مطالبهم اتحققت! عايزين ايه تاني!
حققوا هذه المطالب و مش حيلاقوا صريخ ابن يومين في التحرير!