سياره الهيئه السياسيه التى قتلت 20 فرد فى جمعه الغضب

**magid1010** · 04-02-2011 01:12 AM

المشاركة الأصلية كتبت بواسطة som3aa

أستاذ magid

ليه صدقت الكلام اللى اتقال فى التليفزيون؟؟؟ هل صدق 30 سنة؟؟؟

التغيير اللى حضرتك مستنيه بسبب ان الناس صمدت فى الشارع ليوم الثلثاء , بسبب كدا خدوا وعود بالتغيير و دا مش كفاية فى المرحلة دى , الحل الصبر مع التضحية علشان مصر , حضرتك منزلتش مع الناس اللى ماتت فى الشارغ , الناس اللى اتقتلت و فقدت عينها و اكتر كمان , 300 اتقتلوا و 2000 اتعوروا مش واوا ﻷ فى ناس ايدها اتقطعت , ناس اتداست بالعربيات حاجات كتير , لولا مظاهرات بكره مكانوش قبضوا على العادلى و الناس دى النهاردة.
نائب الرئيس قال مطالب الناس مشروعة , طيب قتلوا 300 ليه؟؟؟
البلطجية اللى فى الشارع اللى بياخدوا 100 جنيه علشان يدبحوا الناس اللى وقفت لحضرتك بدل ما تساندهم تقولهم كفاية كدا علشان انا مضايق ان مفيش فلوس دلوقتى ؟ الناس عايزة حاجات و مش مستعدة تضحى و لا حتى تستنى علشانها؟؟

انتوا ايه؟ مبتحبوش مصر؟؟؟ مش شايف الكذب , رئيس الوزراء قال محدش هييتلمس و نزل بلطجية قتلوا 3 و اصابوا 863 كل اللى بيعملوه انهم بيتظهروا علشانك و اولادك و نائب رئيس الجمهورية قال دا حقهم و مطالبهم مشروعة!!!!!!!!!!!!!!!

ارجوك تعقل و فكر فى مصر متفكرش فى نفسك ,الاكل و الفلوس بيضغطوا على الناس علشان تقبل و ترضخ , فكر فى اولادك حتى

يا استاذ سمعه قولى لو مشى دلوقتى مين يمسك؟الاخوان علشان دول العالم تقاطعنا و نبقى زى ايران ولا البرادعى نفس سياسه امريكا و لا و لا؟و كمان الدستور لا يمكن حد حيعرف يترشح البلد رايحه فى طريق اسود يبقى نهدا و الطريق معروف المره الجايه البلد كلها تقوم لكن لو مشى الناس حتقول مش عايزين عمر سليمان و ناس حتقول البرادعى ده عميل يبقى الحل ايه؟ندى فرصه للحكومه و الكلام الجميل للى همه بيقلولوه و على راى المثل خليك ورا الكداب لحد باب الدار و كمان الجيش مش حيسكت لان فيه حرس جمهورى و فيه مكاسب كبيره اتخدت

**tito17182** · 04-02-2011 01:14 AM

dr-mohamed

يعم في إيه حرام
يعم مبارك أحسن واحد في الدنيا
ويعد يعم لمليون سنة في إيه
احنا بنتكلم على ناس بتموت وحتموت
في إيه بس في إيه
يا رب إنت العزيز القدير إنت إلي قادر انك تجيب حق الناس دي
يا رب يا رب
يعم خلاص يرجعو ومش مهم حريه أو أي حاجة المهم الناس دي متموتش

**tito17182** · 04-02-2011 01:15 AM

dr-mohamed

يعم في إيه حرام
يعم مبارك أحسن واحد في الدنيا
ويعد يعم لمليون سنة في إيه
احنا بنتكلم على ناس بتموت وحتموت
في إيه بس في إيه
يا رب إنت العزيز القدير إنت إلي قادر انك تجيب حق الناس دي
يا رب يا رب
يعم خلاص يرجعو ومش مهم حريه أو أي حاجة المهم الناس دي متموتش

**al_manara** · 04-02-2011 01:17 AM

اية دة !!!!!!!!

**magid1010** · 04-02-2011 01:18 AM

المشاركة الأصلية كتبت بواسطة M.Mosaad

ياريت بلاش مزايدة علي وطنية الناس

اللي قدموه الشهداء الايام اللي فاتت و اللي قدروا يخلوا النظام يستسلم و يتنازل عن حاجات كتير مكناش نحلم بيها و الله اللي ممكن يحصل بكرة هيخلي الدماء ديه تروح هدر

هنبقي زي الدبه اللي قتلت صاحبها و قلبت بلدها

و الله لو مبارك بكرة استجاب و مشي و اتنحي محدش هيطلع سليم من ميدان التحرير من ايد الناس اللي هتنزل من بيوتها و الغضب عميها و ربنا يسترها جداااااا علي كل اللي في ميدان التحرير من نفسهم قبل غيرهم

مصر فيها ناس غلابه كتير مش لاقيه تاكل و مع ذلك لسة عايشة في العهد الماضي و الريس بالنسبة ليها هو الفرعون و الحاكم و الامر الناهي و لو طلع بكرة في موقف ضعف و اعلن استقالته هيحصل ما لا يحمد عقباه و مش هيبقي من البلطجيه لا دة هيبقي من كل الناس

الله يكرمكم بلاش فتنه و بلاش مزايدة علي وطنيه الناس و بلاش تضيعوا المكاسب اللي حققناها اللي هتضيع كلها في فرحه الناس باستقالته و غضبهم علي اللي في ميدان التحرير و محاولات درأ الفتنه

بلاش تهدوا المعبد علي اللي فيه بدعوي اصلاحه

الله ينور عليك

**magid1010** · 04-02-2011 01:21 AM

المشاركة الأصلية كتبت بواسطة dr-mohamed

طيب ايه رايك المحاريبن ينزلوا دلوقت يورونا بطولاتهم ولا هو كلام على النت وبس ؟؟؟؟؟

الله ينور عليك عايزين نوقف حمام الدم و نجنى المكاسب الامور حتوصل ان احنا مش حنلاقى ناكل كيلو الطماطم ب 8 جبيه الى متى؟المصانع وقفه الدنيا وقفه

**SAiF3S** · 04-02-2011 01:21 AM

المشاركة الأصلية كتبت بواسطة emo_ayman

هو لو احنا فى نفس موقفه ومعانا ناس مهمتى اننى احميهم وسواق السفارة...بيسوق سواقة بيسموها فى تدريباتهم سواقة امنية.هيعمل ايه لما يلاقى ناس جاية عليه بتجرى على العربية عشان نمرها او اللى فيها.

طيب لو الكام اليوم اللى فات ايام هروب المساجين والبلطجية ووووو.ولقيت نفسك فى نفس مكانه هتعمل ايه.هتقف.ولا هتكمل طريقك وهتدهس فيهم ولا ايه.

هو حضرتك هتبرر للى قتل اخوتك ولاد بلدك
الوقت اللى نزل فيه وقت حظر تجول و مش لازم ينزل بالعربيه فى شارع القصر العينى الا اذا كان فاكر نفسه فوق القانون
انا ممكن افهم انه جرى من الخوف لكن انه يجرى بهيستريا و يطلع على الرصيف ويدخل فى ناس واقفه فى امان الله ويقتل منهم 20 او اكتر ده يبقى اسمه قتل عمد و افترى ولازم يتحاسب

**Jato.33** · 04-02-2011 01:27 AM

المشاركة الأصلية كتبت بواسطة saif3s

هو حضرتك هتبرر للى قتل اخوتك ولاد بلدك
الوقت اللى نزل فيه وقت حظر تجول و مش لازم ينزل بالعربيه فى شارع القصر العينى الا اذا كان فاكر نفسه فوق القانون
انا ممكن افهم انه جرى من الخوف لكن انه يجرى بهيستريا و يطلع على الرصيف ويدخل فى ناس واقفه فى امان الله ويقتل منهم 20 او اكتر ده يبقى اسمه قتل عمد و افترى ولازم يتحاسب

يا جدعان هيتحاسب والله هيحصل إنتوا نسيتوا إن زمان لما كان في فيديو لبنت قريبه واحد في الداخلية وقعدت تسب ربنا الجرايد كتبت عنها وكانت هتتجاب لولا إن إحنا وقتها مكانش لينا كلمة ولا رأي ولا حد بيسمعلك

دلوقتي خلاص
بكرة إن شاء الله لما الفتنة تنطفي وكل ينام في بيته مرتاح هنصبح الصبح نلاقي كل الجرايد المعارضة وإلي أعتقد إنها هتزيد جامد الفترة إلي جاية كاتبة على مواضيح القتل دية ومع شوية بلاغات وشوية شهود هيتجاب كل إلي عمل حاجة غلط

بس رجاء ميكونش ده دافع لحد إنه يخرج يتظاهر بكرة

لله وإلا مش هنجيب حد ... محدش هيمنعنا ... ولكن مش هنعرف ... بعد أن تعم الفوضى

**hazemhany** · 04-02-2011 01:35 AM

المشاركة الأصلية كتبت بواسطة emo_ayman

هو لو احنا فى نفس موقفه ومعانا ناس مهمتى اننى احميهم وسواق السفارة...بيسوق سواقة بيسموها فى تدريباتهم سواقة امنية.هيعمل ايه لما يلاقى ناس جاية عليه بتجرى على العربية عشان نمرها او اللى فيها.

طيب لو الكام اليوم اللى فات ايام هروب المساجين والبلطجية ووووو.ولقيت نفسك فى نفس مكانه هتعمل ايه.هتقف.ولا هتكمل طريقك وهتدهس فيهم ولا ايه.

لا يا استاذ ده ممكن يعدي ويتفادهم ويبعدهم عن العربية من غير مايموت كل هذا العدد ... بدليل انو اول ماداس بنزين جامد ناس كتير بعدت عن العربية وناحيته كانت نسبيا فاضية عن الجهة التانية اللي عدي فيها الرصيف واستباح دم هؤلاء الشباب وخدهم ع غفلة من غير حتة كلاكس لكنه للاسف عارف ان ملهمش دية ..

**Ayman-Ahmed** · 04-02-2011 01:41 AM

المشاركة الأصلية كتبت بواسطة saif3s

هو حضرتك هتبرر للى قتل اخوتك ولاد بلدك
الوقت اللى نزل فيه وقت حظر تجول و مش لازم ينزل بالعربيه فى شارع القصر العينى الا اذا كان فاكر نفسه فوق القانون
انا ممكن افهم انه جرى من الخوف لكن انه يجرى بهيستريا و يطلع على الرصيف ويدخل فى ناس واقفه فى امان الله ويقتل منهم 20 او اكتر ده يبقى اسمه قتل عمد و افترى ولازم يتحاسب

وحضرتك مردتش على الجزء التانى من تعليقى ليه.

انا مبررش لواحد معرفش نيته بس انا كنت بفترض اننى او انتوا لو مكانه هتعملوا ايه.لما تكون مهمتكم حماية الاخرين.

ليه نزل فى وقت حظر التجول.وليه الناس بتنزل فى وقت حظر التجول واللجان الشعبية بتوقف ناس لحد الساعة 4 ص.

واللى كنت اقصده من تعليقى اننى بحاول اهدى وافترض الاحسن قبل ما افترض الاسواء

الموضوع: سياره الهيئه السياسيه التى قتلت 20 فرد فى جمعه الغضب

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الكليه الحربيه و كشف الهيئه

ارجوكم محدش ينزل بكره التحرير فى جمعه الغضب الثانيةذ

قانون مباشره الحقوق السياسيه الجديد....

خدت بتارى و قتلت التكيف خلااااااااااص

الكلمات الدلالية لهذا الموضوع

المفضلات

المفضلات

ضوابط المشاركة