الموضوع: كفاية بقي يا اعضاء واخوات في الله-الرحــــمه

المشاركة الأصلية كتبت بواسطة a7med_pharma

بسم الله الرحمن الرحيم

أنا إندفعت بكل حماس أقول إننا لازم ننزل بكره.....بس
أنا كان هدفي(وأقسم بالله) إننا نعمل تجمع عددي نحمي بيه الشباب الي دمائهم الطاهرة ستراق غدا على أرض التحرير
لكن
وبدموعي تغرقني والله الأن وانا أسطر تلك الكلمات الان
التجمع الكبير بكره ..هتكون مذبحة لاحصر لها ..البلطجة والأسلحة النارية بكره مش هيوقفها عدد كبير ..ولو ملايين
ووالله الذي لاإله إلا هو
أكتب الأن بأصابع مقهورة متألمة .... على الحال الذي وصلنا إليه
لنترك عشرات يذبحون ..بدلا من الآف غدا على الأرض الطاهرة
لله الأمـــــــر
بكره الموجودين ..هيكون هناك بلطجية الحزب الحاكم ..لكن هيكون معاهم أكيد ناس غلابة رايحة(من وجهة نظرهم يخرجوا العيال إلي وقفوا أكل عيشهم)..ناس غلابة مش فاهمة إلي بيحصل حواليها
هنلاقي ناس خارجة تأيد مبارك فعليا ..طالما بيصحوا الصبح يلاقوا رغيف العيش ..وهوا ده كل هدفهم في الحياة
يعني بكره
وبإخراج المأجورين والبلطجية من الصورة
هيكون هناك شاب عاوز يحرر البلد .. وهيكون هناك صنايعي جاهل(لكن مصري)..شايف إن حاله واقف بسبب عيل واقف في التحرير

وسيتلاقى الطرفان
ماهي الفتنة ..إن لم تكن كذلك
وستزهق الدماء اليوم في ميدان التحرير
والرجوع لله فضل

لاأملك الأن إلا الدموع تغرقني .... والصلاة

انا برضوا من الناس اللي شجعت علي الذهاب
و ذاهب باذن الله
لكني لست ذاهب علشان احدف طوبة و لا اتخانق مع حد
و لا اتحرك لمكان و اقتحمه
لا يُكَلِّفُ اللَّهُ نَفْسًا إِلَّا وُسْعَهَا
رايح ان شاء الله لتقديم دعم عددي علشان مقدرش اتخلي عن الناس المحترمة اللي هناك
و ربنا يستر علي الجميع
و لا ادعو احد اطلاقا الي الذهاب الي ميدان التحرير الا و هو عارف انه احتمال ما يرجعش تاني
لكني املي بالله كبير الا يحدث شئ
و الله المستعان
و لا حول و لا قوة الا بالله

اللهم جنبنا الفتن ما ظهر منها وما بطن واحفظ مصرنا وولي امورنا خيارنا واحفظ شبابنا وارجع لهم صوابهم

اقسم بالله قلبي يعتصر من الخوف من بكره لدرجت اني خايف انزل اصلي الجمعه واسيب البيت ويحصل اللي الواحد خايف منه حرب اهليه تاكل الاخضر و اليابس في مصر

انا مش بعمل غير اني ادعي ربنا يهدي الشباب و نستني شهر 9 الي خلانا نستي خلينا نفترض حسن نيه يا جماعه