الموضوع: كفاية بقي يا اعضاء واخوات في الله-الرحــــمه

ياااااااااارب سترك

هو ده كلام العقل .. أضم صوتى لصوت الاستاذ كريم والدكتورة ضحى .. لكن لا أرحب بغلق المنتدى الاجتماعى .
فى الحديث خطأ كتابى وهو ( أمسك عليك لسانك ) بدلا من ( املك عليك لسانك )

قال رسول الله صلى الله عليه وسلم قال: (لزوال الدنيا أهون على الله من قتل مؤمن بغير حق ولو أن أهل سماواته وأهل أرضه اشتركوا في دم مؤمن لأدخلهم الله النار)وهو حديث صحيح كما قال العلامة الألباني في صحيح الترغيب 2/629.

يا جماعة أنا عاوز أقولكم حاجة لوجه الله تعالى : شباب وقيادات الإخوان المسلمين اللى فى التحرير وخارجه عارفين انهم لو خرجوا من التحرير قبل خروج الرئيس ونظامه كاملا سيتم ذبحهم مثل الفراخ البدارى يوم الموسم. و سيتم الصاق كل التهم بهم وطبعا أهم تهمة هى الخيانة العظمى والتآمر مع حزب الله وإيران وحماس ضد مصلحة الدولة العليا وضد الشعب. يعنى بالبلدى رايحين فى الكازوزة رايحين فى الكازوزة. و بالتالى هما مش هيمشوا من الميدان الا على آخر جثة ليهم.

الأحداث الأخيرة : الطوب والجمال والمولوتوف والمطاوى أعتقد كل ده كان لإرهاب الشباب العادى اللى مش بتاع جو الحروب ده وكل ده علشان حاجتين أولا يبقى الغالبية العظمى المتبقية فى الميدان من الإخوان ويخرج من الميدان الشباب العادى والسبب الثانى يرهبوا الناس اللى ناوية تخرج فى مسيرة الجمعة.

اللى أنا خايف منه إن الإخوان المسلمين يكونوا واخدين الشباب والجماهير كدروع بشرية ليهم و اللى مصطفى الفقى قاله النهاردة ان وزير الداخلية محمود وجدى من مدرسة زكى بدر وأنه يعتقد ان الهجمات تمت بتدبيره و طبعا اللى فيكم عاصر زكى بدر هيعرف إن الإخوان رايحين فى ستين داهية.

علشان كده يا جماعة المواجهة حاليا بقت بين الإخوان والنظام ودول بينهم ما صنع الحداد والجلاد منذ عشرات السنين. ورأيى الشخصى ان شباب 25 يناير لازم يخرج من هذه المواجهة الطاحنة لأنهم أول ناس هيتبهدلوا فيها آخر بهدلة. والله أعلم

YouTube - ‫ظ…ط.ظ…ط¯ طµط¨ط.ظٹ ط§ظ„ط¯ظƒطھط§طھظˆط±‬‎