الموضوع: مين في ميدان التحرير

بغض النظر عن بعبع الاخوان
لكن فعلا معظم المتصلين بالقنوات منهم وركز يا احمد بيه كمال مع العربية والجزيرة وانت تتاكد وبعدين مين من الشباب اللى قاعدين معاه رصيد لسة يكلم بيه قناة فضائية بالعشر دقايق

وفعلا الموجودين دلوقت في التحرير قلة قليلة جدا منهم من شباب 25 يناير ولو مش مصدق شوف صور المتظاهرين يوم 25 ويوم 28 وشوف صورهم امس واليوم مستحيل يكونوا نفس النوعية
واقسم بالله في حدود ما شاهدته بعيني واكرر ما شاهدته بعيني ان مظاهرة يوم 25 كانت ممثلة للشعب المصري بكل اطيافه ما عدا الاخوان ومتقوليش عرفت ازاي انهم مش موجودين لاننا مش صغيرين علشان منعرفش ان جماعة بحجم الاخوان موجودة او لا او اعضائها موجودين ولا لا
لكن ما رايته من يوم الاحد هو الاخوان وبكثافة


اما بتوع الاحزاب والجمعيات فكلهم قليلين جدا من اول يوم مظاهرات لغاية دلوقت

اما النسبة الباقية فهي ممن ليس لديهم مايفعلونه لو انفض المولد وبيكسبوا من وجودهم على الطرفين سوا مع المؤيدين او المعارضين في الحالتين بيقبضوا

ويا احمد يا كمال كلام صاحبك القبطي صحيح تماما لن يقبل الاقباط ابدا العيش في مصر في ظل حكومة من الاخوان الا لو تخلي الاخوان عن مبادئهم وهو ما لن يحدث والا فقدوا شعبيتهم وندخل في مخطط التقسيم

المشاركة الأصلية كتبت بواسطة dr.amr

اقسم بربي الذي لا اله الا هو
الاخوان هم انشط واشجع من عرفت من بشر
ناس محترمين جدا شدة الاحترام ولايمكن يخالف ما امر به الله
ده طبعا علي مستوي من عرفتهم
ولايخافون في الله لومة لائم
اه انا في حاجات بكرهها فيهم زي تشددهم الزائد بعض الاحيان
ولكنهم فعلا زي خلية النحل وبيحبوا بعض جدا
هما عاملين مجتمع داخل المجتمع ومجتمعهم جميل جدا بس لو يتشال منه بعض التعصب

يا راجل اهدا بس شوية انا قربت احس انك بتتكلم عن الملائكة
الاخوان كغيرهم من الجماعات فيهم الحسن والقبيح ولا تنسي الخلافات مع عائلة مالك على اموال الاخوان وشوف النقابات حين سيطر عليها الاخوان خاصة نقابة المحامين واسئل المحامين الكبار عما حدث حين سيطروا على النقابة
وهما فعلا منظمين جدا لاقصي درجة وعندهم مبدا الطاعة مطلق ودي اعترف لهم بيها
وعاملين مجتمع داخل المجتمع دي الكارثة لان من ليس معهم فهو عليهم و ده لما يبقي فيه تعامل حقيقي بينك وبينهم مش مجرد جيرة او معرفة طياري

المشاركة الأصلية كتبت بواسطة misoalex

مين قال كده هما بياخدو كل الاراء ولكن لو الاخوان اكتر شويه
لان اغلب الاخوان دلوقتى هما الى واخدين الموضوع النصر او الشهاده وهما اخر ناس حتمشى من الميدان

لانهم اكتر ناس تعرضت للقمع والظلم والاتهامات والاعتقاللات
وفوق كـــــــل ده نظره الناس والعالم ليهم كأنهم كخه

لازم يتمسكو بالقشه التى قد تنجيهم وترجعهم تانى على وش المياه

ولكن لو حضرتك متابع كويس حتلاقى جميع فئات الشعب

ولو مش متأكد ساعه الصلاه حتلاقى ان مجموعه مش بتصلى معاهم وانت عارف الاخوان اول حاجه بيفرضها عليك هى الصلاه

الله ينور عليك يعني الاخوان اصبحوا اكتر شوية هذه الايام طيب هل الاخوان اللى بداوا الحركة هل حتي ايدوها في اول يوم ام امتنعوا عن المشاركة ورفضوها ويوم الجمعة قالوا سنشارك لكن كافراد اما من يوم السبت فتسيدوا الساحة ليجنوا النصر الذي قتل من اجله 300 شهيد ؟؟؟؟؟؟؟؟
مثلهم مثل غيرهم من راكبي الموجة لكن لانهم منظمين اكتر وانصارهم اكتر من بقية الاحزاب ولان شباب 25 يناير اصلا مش منظمين ومعظمهم ميعرفش بعض في الحقيقة ظهروا اكتر
ولو اخدنا كلامك عل ىانه رايهم يبقي لان الموجودين منهم في التحرير او البقية منهم عانت الاضطهاد في عصر مبارك عايزين يحرقوا البلد كلها معاهم او يخلصوا من مبارك وتخلو الساحة لهم
والاخوان ممكن في البداية ميفرضوش رايهم علشان ميخسروش الناس لكن انتظر لما يتولوا الحكم وابقي قول كان فيه واحد في معتقلات الاخوان دلوقت قال ونبه وحذر ومحدش منننا صدقه