رجاء لابناء مصر الشرفاء ونداء للرئيس المؤتمن

**dr-mohamed** · 07-02-2011 06:27 PM

كل حرامي ولا مجرم هايتقبض عليه دلوقت هايقول عملولا كدة فيا علشان معارض للنظام
نحن في زمن تصفية الحسابات

وللاخوة اللى بيقولوا ان القناة الفلانية او العلانية محايدة بقولهم انسوا
مفيش حاجة اسمها اعلام محايد

**ahmed-moga** · 07-02-2011 06:29 PM

المشاركة الأصلية كتبت بواسطة baskota

140 مليار قبل توليه الرئاسة
على اساس انه كان نازل من الخليج عالرئاسة مثلا :-)

انت مش فاهمه ليه يابسكوته علشان لما يطلع ويسألوه من اين لك هذا هيقولهم انا اول ما أستلمت السلطه قدمت اقرار الذمه الماليه وفيه المبلغ ده ولما خرجت كان نفس المبلغ يعني ماخدتش حاجه في جيبي يعني ماحققتش اي ارباح من سلطتي ده المقصود

**amado ibrahim** · 07-02-2011 06:42 PM

محدش عنده اخبار جديدة

**amado ibrahim** · 07-02-2011 07:07 PM

المشاركة الأصلية كتبت بواسطة mido_soliman

يباشا مترحمنا باة كريم عمال يقول المنتدى حيتقفل والناس ولا عندها اى احساس
ياعم ما ترحمنا من ال 91 مشاركة دول وروح اعد على الفيس ولا اى مكان تانى غير هنا
ارحمونا يا جدعان من السياسة مش عايزين سياسة هنا ولا اسقاطات سياسية دة منتدى سيارات
ياعم كريم من فضلك اقفل الاجتماعى الواحد مش ملاحق على الاخبار كل واحد اعد قدام قناة الجزيرة ولا العربية والبى بى سى يروح ناقلها هوا على المنتدى وكان الناس مش متابعة لحظة بلحظة غصب عنها اللى بيحصل لان مفيش وسيلة اعلامية ايا كانت بتتكلم فى غير الحدث دة
يا جماعة يا اخوانة كلنا عارفين الاخبار وكلنا بنفهم وكلنا شباب وكلنا عايزين الاحسن للبلد
ارحمونا باة الواحد زهق من القرف دة

قرأت كلامك وا نتبانى شعور بالاسف المشوب بالحزن (حلو كلام الروايات ده)

كيف اتسبب بالحاق الضرر بغيرى

انا اعلم كما يعرف غيرى ان

الطريق الى جهنم مفروش بالنوايا الحسنة

لذلك قررت الرجوع

قررت الرجوع

قررت الرجوع

قررت الرجوع

قررت الرجوع اخر ست حاجات
ولمدة 30 سنة عد

قررت الرجوع الى ما كتبه استاذى كريم منير

ووجدته كالاتى

انت احر
اكتبه من حقك
لكن مش من حقك تشتم اخوك في المنتدى
تهينه
تتهمه بالعمالة والموالاة لنظام عقيم
احترسو جميعا
كل واحد يحاول يقنع اخ ليه ويزج بيه في مكان او حدث
ويصاب
فسيسئل عنه
وعن تبعات ما حرض عيه
وسيتحمل تبعات وعواقب ما يحدث له ولاهلة

وانا اشهد الله واشهدكم
اننى تحريت الدقة و مراعاة اللفظ
و تجنب الخارج من الكلام ما دام الى ذلك سبيلا

وارجو لكل من وجد فى كلامى ما هو خارج عن اطار الذوق العام
او تجاوز لحدود اللياقة ان يرسله الى

فانا اقدر من يهدون الى اخطائى وعثراتى
فمن لا يعترف انه لا يخطى لن يتطور

بل سيصاب بالجمود والتحجر

واخيرا

ها أنا اعتذر لكل من اذيته بدون قصد

(اللهم اغفر لنا من ذنوبنا ما نعلم ومالا نعلم وما أنت به أعلم)

ويا عم لو مش عجبك كلامى قلى

وانا اعمل استفتاء و ابطل كتابة خالص

او ابيع عيش

يالا العيش

**amir** · 07-02-2011 07:21 PM

المشاركة الأصلية كتبت بواسطة amado ibrahim

مش عارف يا أمير الميعاد بدقة

هحاول اعرف و اقولك

وبعدين

ما دام انت قدام المنصة فالموضوع بالنسبالك سهل

دانت المفروض انت اللى تقولى على الميعاد

انا اسف مكنتش قاعد قصاد الكمبيوتر

كنت بركب طبق علشان اوصله بالكمبيوتر علشان اقدر اوري العالم فضائح الكلاب

و ياريت يا جماعه الناس الحلوه اللي بتحمل فيديوهات علي اليوتيوب تكتب بالانجليزي كمان علشان الناس بره لما تدور تشوف هي كمان
زي كليب مذبحه كوبري قصر النيل لازم الناس كلها تشوفه

اما بخصوص المنصه فمش في مجال الرؤيه ولا اقدر اسمع منها حاجه

لكن ربنا المستعان لو عرفت او اي حد عرف يقول

**wael17** · 07-02-2011 08:04 PM

من كم يوم كده كان في بلطجية ناحية ميدان التحرير و كل ما يشوفوا واحد أجنبي أو مراسل يضربوه...واحدة زميلتي في الشغل شافت في المنيل شوية عيال صيع ماسكين بنتين اجانب و عايزين يضربوهم قال ايه عشان واحدة فيهم بتتكلم عربي مكسر و شاكين انها اسرائيلية و البنات يوروهم جوازات مش عارفين يقروا انجليزي طبعا...و طلعت بنت كندية بتتدرس لغة عربية في مصر
في كمية مهازل حصلت الاسوعين اللي فاتوا ماحدش يتخيلها

**amado ibrahim** · 07-02-2011 09:05 PM

شكرا يا امير على اهتمامك

طب لى طلب رخم شوية

شوية ايه

ده رخم اخر ست شهور

رخم لغاية 30 سنة عد

الطلب شديد الرخامة ليلا

شديد الرزالة نهارا

هو انك تسجلى بتاع ساعة من علىاحدى قنوات التلفزيون المحلى

ايوه بالضبط كده

بتاع الاخ الفقى

معلش برزل عليك قوى

بس اعمل ايه

مليش فى تكنولوجيا التسجيل والمونتاج الالكترونى

وأى خدمة فى الموضوع اللى انت ناوى عليه

قولى

واللى ربنا هيقدرنى علية هاعمله ان شاء الله