رجاء لابناء مصر الشرفاء ونداء للرئيس المؤتمن

**maka** · 06-02-2011 06:40 PM

حوار ام رامى ده وجع قلبى ............ ربنا يصبرها و يقويها و يرحمه و يغفرله

و إلاهي تشيلك بلوة يا بعيد مطرح ما انت قاعد

**ahmed-moga** · 06-02-2011 06:46 PM

ربنا يرحم جميع الشهداء ويصبر اهاليهم وحرقة قلوبهم عليهم
هو صديق الفلاح ده هو اللي بيفيده ولا اللي بيأنس وحدته ولا مين بالظبط

**amado ibrahim** · 06-02-2011 06:57 PM

برضة انتو لسة شغالين فى موضوع الصعبانيات
احنا عا يزين خطوات ايجابية
خليك ايجابى

يا تروح التحرير (بس مش كلكو تروحو
(لحسن الميدان يوقع بيكو على المترو
وبعدين معرفش اروح لخالتى فى شبرا)

يا تساعد اهل منطقتك وترفع روحهم المعنوية
بس الكلام ده يكون
فى اكتر حاجة بتفهم فيها
تساعد فى الحتة اللى لك فيها ميزة نسبية
(على رأى الدكتور حازم الببلاوى بتاع كتاب الاقتصاد اللى فى الثانوية العامة)

حد فاهم حاجة

**amado ibrahim** · 06-02-2011 07:04 PM

شكرا على اهتمامك

اخر الاخبار

الناس اللى بدقون خلاص اكتسبوا الشرعية
وباعو الشاورمة للراجل ابو موتوسكل
وشاجى شكله لغى ال deal
زى ما توقعت
شكله كده قرب يغنى بلوز
يا رب

الاخبار انهارده على ودنه
لما الواحد مبقاش ملاحق

بس شكل الحرب النفسية شادة على الاخر

خاصة فى موضوع الدعاية البيضاء : اللى بيقوم بيها الناس البركة من عينة
عيب
حرام
لايجوز
حرام شرعا
لايتفق و مبادى الكنيسة

حد شاف الخطاب الدينى انهاردة

البابا شنودة اولا

ثم

شيخ الازهر الراجل الطيب

محصلة الخطابين تقريبا واحد

كأن اللى كاتبهم شخص واحد

على الرغم ان الشباب فى الجنينة

كان فيه قداس على الشهداء
(و جيه المسلمين عزو اخواتهم الاقباط )

و كان فيه صلاة غائب على الشهداء
(و جيه الاخوة الاقباط عزو

لاول مرة تبقى فيه اخوة وطنية بجد

مش من عينة

عاش الهلال مع الصليب واللى فى القلب فى القلب يا ...........................
( بتاعة فيلم حسن و مرقص)

بعد اذنكو
اروح الحق الملبس بتاع الفرح
قبل العيال ميخلصو عليه

طلب من اخوكو يا شباب

حد يقدر يسجلى 3ساعات متصلة من التلفزيون المصرى
او قناة النيل
او المحور
على اى حاجة
فلاشة
هارد ديسك
اى حاجة
عشان انا مليش فى الحاجات دى

و بعدين اقولكو ليه

**ahmed-moga** · 06-02-2011 07:08 PM

المشاركة الأصلية كتبت بواسطة amado ibrahim

لا انا سايب دى لذكائك
او ممكن تعمل بحث فى جوجل

مش لاقي

**dodino2006** · 06-02-2011 08:16 PM

صديق الفلاح...
و علطول شايف كل حاجة انها تدخلات خارجية و بيرفضها
و يشجبها و يندد و يستنكر
يبقي :

أبو الغيط

**ahmed-moga** · 06-02-2011 08:20 PM

المشاركة الأصلية كتبت بواسطة amado ibrahim

لا ده انت مصر
طب اقربهالك
اقربهالك أزاى
لو عندك طبق كشرى.................
(لا لا مش دى
انا بينى بدأت اخرف من كتر الاخبار)

بص هو كائن ابيض فى ابيض
وعشان خطره
قطعو الشجر اللى جنب جنينة الحيوانات
فاهم يا معلم

عروستى

ياراجل مش كنت تقول انه ابو قردان حامي الغيطان ده واحد من الأشياء اللي كل ماتتكلم بتجبلي استبحث نفساوي عقبال الأربعه التانيين
هم يبكي وهم يضحك والله