الموضوع: يوم الرحيل و خدعة الفتنة

المشاركة الأصلية كتبت بواسطة otefa

كلام ليس له أساس من الصحة الناس بدأت تهدأ وتشوف الحقيقة أن الثورة حققت ماقامت من أجله ولن تحقق أفضل من كده مهما أستمرت
مش النهاردة المفروض مليونية برده!!!!!!!!!!...............لا لا لا للمظاهرات
ربنا يهدي لما فيه الخير

لا هتحقق
خراب البلد اكتر واكتر

المشاركة الأصلية كتبت بواسطة tlrsiap

هي مؤامرة بعقل ؟
مؤامرة اسمها اضغط عليهم بحظر التجوال عشان الناس تطق
و اديهم اكاذيب لما يغرقوا عشان الناس تتلخبط فتطق اكتر

يا استاذ مبقاش الحظر بس
الحظر اترفع اصبح من 7 مساء ل 6 صباحا
دلوقت البهوات اللى في التحرير بيقولوا هننقل التظاهر ونبقي في كل الميادين

اللي بتطلبه دلوقت هو نفس الكلام اللي الطغاة بيطلبوه , لو عايز تحقق لهم اللي هما عايزينه نفذ اللي بيطلبوه منك ايا كانت نيتك :)

يعني يا اما الناس تتفق معاك وتسلم بكل اللى بتقوله يا اما يبقوا بيرددوا كلام الطغاة
منتهي الطغيان بالراي المختلف

لو تعرف اي حاجة عن ميدان التحرير كنت شفت الاعداد الرهيبة اللي كانت هناك النهارده ما كنتش قلت كده
و لو مسكت خطاب مبارك بالهداوة و قريته برده ما كنتش قلت كده :)

الاعداد مكانتش مليون ولا كام مليون زي ما الناس بتروج احد الزملاء هنا مهندس وعمل تحليل هندسي واثبت ان العدد ل ومفيش سم فاضي في الميدان مش هيزيد عن 200 الف
متهيالي فيه 80 مليون كمان منهم على الاقل 40 ميون ضد التظاهر تاني
مش هنعملها مسلسل يوم الاحد والثلاثاء والجمعة

كلامك بخصوص الناس اللي مش لاقية تاكل صحيح
بس المظاهرات مالهاش دعوة بحظر التجول , حظر التجول هو اللي عامله عشان الناس دي فعلا تتزنق كده و تقوم زي ما بتقول على المتظاهرين , هو بيعمل فتن بين الناس زي ما فرعون كان بيعمل بالظبط

راجع كلامي عن كلام البهوات في التحرير عن استمرار التظاهر ولو البلد رجعت لحياتها الطبيعية ويفضلوا هما في الميدان قال لا هنقف في كل الميادين ونتظاهر

بخصوص التلميح اياه , اه انا مأجور و باخد وجبات كوك دور لأني مفاطع كنتاكي و عصير بيست لأني مقاطع بيبسي

وانا كمان ماجور بس مش لاقي حد يبعت لي اي حاجة

المشاركة الأصلية كتبت بواسطة memo_p910

أنا شايف ان المشكله انك صعب تأمن وتثق في وعود نظام عصابات المافيا الذي قاده مبارك 30 سنه ويريد ان يستمر بزعم الاستقرار

عندك حق لكن البديل ان المظاهرات تستمر والبلد تتخنق اكتر ؟
الناس قربت تتقلب نهائي على المظاهرات والمتظاهرين مش حبا في مبارك ولكن رغبة في الحياة
ومبارك لن يستمر بعد نوفمبر هو اعلنها والنائب اعلنها ورئس الوزراء اعلنها مطلوب ايه تاني

المشاركة الأصلية كتبت بواسطة hossaam

مش عارف له عندي احساس جامد
ان هيحصل في مصر اكبر عملية قرطسة في التاريخ...

حصلت خلاص يا باشا
دلوقتى بتتنفذ بس

المشاركة الأصلية كتبت بواسطة eng_volto

ممكن سوال اعزرونى
هو المظاهرات الان بتطلب بايه
برحيل مبارك حالا ....
ولا فى بدايل اخرى .... هى ايه
ولو افترضنا انه رحل .... ايه المرحله القادمه ... ياريت بلتفاصيل
عايز حد يجاوبنى ..ويطمنى على مستقبل مصر

لا يا بيه
ده اصبح الحد الادني لمطالبهم دلوقت
بعده رحيل النظام كله ممثل في النائب ورئيس الوزارة والوزارة وحل مجلس الشعب والشوري وتشكيل حكومة اءتلافية من غير ما يحددوا مين اللى هيشكلها وبعد ده كله هايقعدوا مع بعض ويحددوا عايزين ايه تاني علشان ينهوا التظاهر في ميدان التحرير
مستقبل مصر عليه العوض ومنه العوض

المشاركة الأصلية كتبت بواسطة tlrsiap

دكتور زيزوووووووووووووو
كعادتك تحليلك رائع

و الله يا دكتور انا بقى لي اسبوع كل ما ادخل النت الاقي نفسي قاعد افند في اكاذيب لما جت لي تخمة :)))))))))))

هو اي حد بيقول راي مخالف دلوقت بقة بيقول اكاذيب وعميل للحزب الوطني ولا الامن ؟
مش ملاحظين انكم بقيتوا تتهموا الناس بنفس الطريقة اللى الحكومة كانت بتتهم بيها معارضينها بانهم فئة مندسة