إستفســـار عن إستــلام و التأميـــن على نيــسان صنــى EX موديــل 2008

**atlas_u** · 23-03-2008 10:43 PM

السلام عليكم يا جماعة

انا ناوي إن شاء الله اروح احجز الصني المانيوال ع اول شهر ابريل من العوض جروب و ع العموم انا روحت و اتكلمت معاهم و الناس كانوا محترمين و لما سألتهم عن التأمين ع العربية قالولي انهم هما ال ها يأمنو ع العربية عند الجمعيه التعاونية و ما عليا انا الا ادفع 2% من قيمة العربية و لاقدر الله لو حصل حاجة هما ال عليهم التصليح و انا ماليش دعوة بشركة التأمين خالص.

- اولا: اية رأيكم يا جماعة ف موضوع الـتأمين عن طريق الوكيل و لو حد منكم مجربو.
- ثانيا: انا اول مرة اشتري عربيه ع الزيرو ف لو حد لية نصيحة اخد بالي منها و انا قبل ما استلم .
- ثالثا: الرجالة الجامدة ال اشترت الصني هل في ورق بيتأخر بعد استلام العربية و لا حاجة.

معلش يا جماعة انا كاتب موضوع تعبير بس استحملوني.:(

.................................
تم التعديــل كلمة إن شاء الله
الإدارة - 3

**ماجد يوسف وهبه** · 23-03-2008 11:38 PM

السقف دايما بيبقى لونه بيج حتى مع لون الفرش الرمادى فخلى بالك من النقطه دى وشوف اللونين مع بعض عاملين أزاى فى اى شو روم لو عاجبوك هاتها لو ماعجبوكش هات الفرش بيج.

مع العلم أن الفرش الفاتح بيتوسخ أسرع من الغامق

بالنسبه للورق ماتقلقش لأن العربيه تأفيل مصرى مش مستورده

وربنا يتمم على خير وألف مبروك مقدما

**WalidAdel** · 26-03-2008 02:34 AM

ياباشا ربنا يبارك إن شاء الله
حوار التامين تبع التوكيل ده ظريف يعني بس في الجمعيه نفسها لو انت روحت بيبقي 1.8 % الزباده دي واخدها المعرض عادي يعني
بخصوص الورق حاول يكون الاستلام العربيه مع الورق و يكون الصبح كمان علشان تطلع الصبح بدري تروح ترخص و ابعد عن الاستلام يوم الخميس علشان مفيش فتره مسائية علشان لو ملحقتش ترخص يبقي العربية حتبات جمعه بدون نمر و ده انا مش بحبوا
و إن شاء الله لما تستلم العربية تفتش في كل سنتي فيها و تشيك ان كل حاجه شغاله كده يعني و ربنا يكفيك شرها

**cpt_shawky** · 26-03-2008 04:25 AM

بالنسبة للتأمين تقدر تجيبو من هنا من المنتدى مع الاستاذ ممدوح العربي بـ 1.5% وهتلاقى رقم تليفونه فمواضيع كتير ولو الفلوس مش فارقة معاك هاته منهم عشان تنفعهم أكتر ويحبوك أكتر :D.

بالنسبة للإستلام انصحك متدفعش غير مقدم حجز الف مثلاً وتتأكد انها هترجعلك لو حصل أى ظروف وباقى التمن تدفعه لحظة استلامك الصنى ومعاها اوراقها كاملة ولو فى أى حاجة ناقصة متستلمش غير لما تيجي اى كانت الاغراءات أو الوعود.

أهم شئ تتأكد انهم يوضحوا فايصال الحجز ميعاد الإستلام او بأى وسيلة تانية مكتوبة عشان تضمن عدم التلاعب والتأخير.

الصنى عربية محترمة الف مبروك مقدماً.