مــا هــو الحـل فى ظهــور بقع بيضاء على السقف و الكبوت والشنطة - نيســان صنى 2008

**sherif80** · 05-03-2008 09:04 AM

المشاركة الأصلية كتبت بواسطة gemino

جهاز حماية المستهلك هو الحل

+1000000000000

**AYMANEZZE** · 05-03-2008 12:59 PM

اخى emadkamel
البقع كانت في الشنطة والسقف وما غيروش حاجة وطبعا لما روحت المصنع خدوا العربية لمكان وأنا كونت في مكان أخر ومعرفش عملوا إيه بظبط بس أنا كونت مصمم على عدم الرش وبعد ما خرجت من المكان دا أكد لي إن ما رشيتش وفعلا الكلام دا استغرق ساعة واحدة بس طبعا شي مؤسف جدا .

**shady_elkady** · 05-03-2008 01:27 PM

اكيد الورنيش الى رشوا بية فى مشكلة

**AYMANEZZE** · 05-03-2008 04:37 PM

المشاركة الأصلية كتبت بواسطة youssef_sallam

شكرا يا جماعة على وقفتكم جمبى
بالنسبة لأخر التطورات
اليوم اتعرفت عن طريق المنتدي الرائع ده على المهندس ايمن . و الطريف انة عنده نفس العربية و بنفس اللون و نفس الموديل وشاري فى نفس التوقيت و حصل معاه نفس اللى حصل معايا فى بقع الدهان مع المصنع و مع نفس الأشخاص و نفس السيناريو
تأكدت سا عتها ان ده عيب فى الدهان و ليس عيب رطوبة او شوية برد فى العظم زي ما قالو
المهم روحت مكلم مدير الضمان ولما واجهتة بمشكلة ايمن و ده معناه انه عيب متكرر والله اعلم حصل كام مرة ..... الطريف انة كان ما يعرفش ايمن و انكر انة شافة او فاكرة او ان ده حصل اصلا
هههههههههههههههه

طبعا لازم ينكر لان ده شكله كده عيب متكرر وعلشان تعرفوا صدق كلامى اسالوا توكيل نيسان فى زهراء المعادى
علشان خدوا العربية من عنده ده اول مرة وجابوها تانى يوم وفيها نفس العيب وتانى مرة روحت بنفسى وممكن اكتب اسماء الاشخاص وارقام تليفونتهم اللى فى المصنع علشان تعرفوا ان انا صادق

**Ghamrawy** · 05-03-2008 08:37 PM

كلام بره الموضوع :
ياريت الاخوة اللى مش موافقين على تخفيض الجمارك على العربيات بحجة حماية الصناعة المصرية !! اى صناعة ؟؟؟ دول مش عارفين يرشوا عربية !!! و لا فوق كده بيكابروا و بيستهبلوا و مش عايزين يعترفوا بغلطهم،بصراحة حاجة تقرف

**ihab** · 05-03-2008 09:18 PM

انا رأيى تطلعوا انتو االاثنين مع بعض سوا على التوكيل و تقلبوا الدنيا هناك و اذا ما وصلتوش لحاجة عليكوا و على جهاز حماية المستهلك و الشركة الام فى اليابان

**yasser talaat** · 05-03-2008 09:29 PM

ممكن اى حاجه يكون فيها عيوب صناعه وده شئ طبيعى
وعشان كده فى حاجه اسمها ضمان
وانا عاوز اقولك ان ضمان نيسان ضمان حقيقى والكلمه ديه مهندس الضمان قالهالى لما حصلت مشكله فى عربيتى والشهاده لله عملولى العربيه
من غير ولا كلمه وكانو محترميين معاى جدا
فأنا انصحك بعدم االسير فى قصه حمايه المستهلك ما دام ممكن يحلو المشكله
لانها مش هتحل المشكه وهضايق نفسك وهتضيع وقتك ومادام هما متفهامين معاك وبيعرضو عليك حلول حاول تختار الافضل
وبعدين مين عارف يمكن ده خير لك وشال عنك حاجه تانيه

**mohamed ibiza** · 05-03-2008 10:30 PM

عيب صناعة مصرية شيء واضح جدا بس هما مش هيدوك عربية تانية لان العيب مش حاجة في الموتور يعني بس انا رأيي تخليهم يرشوا العربية علي حسابهم لان مش ذنبك الي حصل ده نهائي

Ibiiiiiiiiiiiiiiiiiiiiiiiiiiiiiiiiiiiiiizzzzzzzzzz zzzzzzzzaaaaaaaaaaaaaaaaaaaaa For Ever

**youssef_sallam** · 05-03-2008 10:49 PM

ياباشا إزاي تكون شاري عربية ب 86 الف و ترشها بعض شهرين علشان عيب صناعة انت ملكش زنب فية و ذنبك الوحيد انك وثقت فى عربيتهم و إشتريتها ... بالإضافة انت مش عارف لو رشيت عربية زيرو ده ينزل من قيمتها و سعرها قد اية

**hatem_badawe** · 06-03-2008 08:17 PM

المشاركة الأصلية كتبت بواسطة yasser talaat

ممكن اى حاجه يكون فيها عيوب صناعه وده شئ طبيعى
وعشان كده فى حاجه اسمها ضمان
وانا عاوز اقولك ان ضمان نيسان ضمان حقيقى والكلمه ديه مهندس الضمان قالهالى لما حصلت مشكله فى عربيتى والشهاده لله عملولى العربيه
من غير ولا كلمه وكانو محترميين معاى جدا
فأنا انصحك بعدم االسير فى قصه حمايه المستهلك ما دام ممكن يحلو المشكله
لانها مش هتحل المشكه وهضايق نفسك وهتضيع وقتك ومادام هما متفهامين معاك وبيعرضو عليك حلول حاول تختار الافضل
وبعدين مين عارف يمكن ده خير لك وشال عنك حاجه تانيه

انا معترض جدا علي كلامك ازاي يعني هو انا شاري 128 دي عربية ب 90 الف جنية والواحد طلع عين اهلة علشان يجبها
وكمان يعني اية شالت عنك حاجة تاني يعني الواحد يسرقني وبعدين اسيبه علشان كان ممكن يحصلي حاجة وحشة