مــا هــو الحـل فى ظهــور بقع بيضاء على السقف و الكبوت والشنطة - نيســان صنى 2008

**emadkamel** · 04-03-2008 05:01 PM

المشاركة الأصلية كتبت بواسطة aymanezze

حصل معى نفس الموضوع ونفس الموديل ونفس الون الكلام دا يوم 4/2/2008 المصنع اخذوا العربية من توكيل السبع زهراء المعادى علشان انا ساكن فى المعادى واخذت العربية وتانى يوم وجدت نفس البقع ورحت المصنع فى 6 اكتوبر بنفسى وعملوها وستلمت العربية بعد ساعة والى الان لم يظهر اى شى وربنا يستر يا جماعة هو دا التفيل المصرى ياريت المهندس سبعاوى يقول لنا ايه رائه فى الكلام دا انا حست ان مفيش حاجة اسمها مراقبة جودة عندهم وكلام الرطوبة والزق دا كلام فاضى مش مظبوط يريد ادارة المصنع تفكر فى الموضوع كويس من المعروف إن شركة نيسان من الشركات الكبيرة وهذا الشئ يسئ إلى سمعة الشركة ][

يا ريت توضحلنا عملوها ازاى ... سخنوا وللا رشوا وللا غيروا خالص؟ والبقع كان مكانها فين؟

**loai-omar** · 04-03-2008 06:25 PM

العفو يا باشا انا تحت امرك

ان شاء الله مشكلتك تتحل بس بارضو لازم تبعت للشركة

لو في اي حاجه ممكن اعملهالك قولي

بص دا رقم مهندس في السبع القطامية
كلمة
المهندس شريف: 0120240641

و يارب اكون ساعدتك

**sndbad111** · 04-03-2008 07:00 PM

زى مالناس كلها ياباشا الموضوع ملوش حل غير جهاز حماية المستلك + انك تحاول تصور العربيه وتبعتلت للشركه الأم فى اليابان بالحاله انا ليه واحد صاحبى بعت لشركة رينو واجبروا التوكيل على تغير موتور كامل لعربيه كليو 2002 كان تمنه وقتها 22000 الف جنيه

**a3reda** · 04-03-2008 10:52 PM

والله حزين وانا بشوف الكلام ده عن الصناعه المصريه

ومع ايمانى الكامل انى ارفض شراء اى سياره مصنعه بمصر مهما كان اسمها

ومهما كان سعرها

الاحسن اشترى حاجه مستعمله متقفله فى بلدها

انا لو مكانك ابهدلهم فى التوكيل ولا اقبل اى حل الا تغير السياره او استرداد الفلوس

**fiatmomo** · 04-03-2008 11:36 PM

وكأن العربية مدهونه بقالها 10 سنين مثلا !!!! انا فعلا اول مرة اشوف عربية زيرو كدة ؟؟؟؟؟؟؟؟؟؟؟ ديه غريبة جدا جدا

حضرتك خليك وراهم لحد متاخد حقق بالشكل الى يرضيك ....

بس انا بقول لو حما حيرشو العربية فى المصنع ... دة يبقى حل وسط ... وماتستلمش العربية لو لقيت ان فيها حاجة غلط .. حتى و نقطة بيوية على الازاز مثلا !! طبعا دة اقتراح لحل وسط ..... لكن انتا لو حابب تستبدل العربية اعتقد دة حقق

**fiatmomo** · 04-03-2008 11:46 PM

بص حضرتك ... انا شوفت الصور تانى ... وحطيط نفسى مكانك .... لازم لازم اغير العربية دية ... بواحدة تانية ... انا مش كل يوم حدفع 90 الف جنية فى عربية و بعد كدة تترش وممكن فعلا يكون فيها عيوب ......... ده حقق ... وانا بتراجع عن رأيى فى موضوع الرش دة . لازم تغيرها مهما كان المشكلة ووصل الموضوع لشركة نيسان نفسها ... وماترضاش بحل وسط

الله يكون فى عونك

**mada121977** · 04-03-2008 11:52 PM

من الواضح فى الصور ان ده عيب فى دهان العربيه من المصنع وبالتالى هما ملزمين باصلاح العيب على اقل تقدير او تغيير العربيه بعربيه اخرى على اقصى تقدير ولازم حضرتك ماتسكتش على حقك زى ما انتا اهتميت بشركه نيسان ووثقت فيها واشتريت منتج من منتجاتها فاقل واجب ان الشركه تقدر ده وتهتم بحل مشكلتك وياريت كمان تبعت ميل على الفرع الرئيسى فى اليابان وتحكيلهم كل اللى حصل

**youssef_sallam** · 05-03-2008 12:06 AM

شكرا يا جماعة على وقفتكم جمبى
بالنسبة لأخر التطورات
اليوم اتعرفت عن طريق المنتدي الرائع ده على المهندس ايمن . و الطريف انة عنده نفس العربية و بنفس اللون و نفس الموديل وشاري فى نفس التوقيت و حصل معاه نفس اللى حصل معايا فى بقع الدهان مع المصنع و مع نفس الأشخاص و نفس السيناريو
تأكدت سا عتها ان ده عيب فى الدهان و ليس عيب رطوبة او شوية برد فى العظم زي ما قالو
المهم روحت مكلم مدير الضمان ولما واجهتة بمشكلة ايمن و ده معناه انه عيب متكرر والله اعلم حصل كام مرة ..... الطريف انة كان ما يعرفش ايمن و انكر انة شافة او فاكرة او ان ده حصل اصلا
هههههههههههههههه

**fiatmomo** · 05-03-2008 12:34 AM

المشاركة الأصلية كتبت بواسطة youssef_sallam

شكرا يا جماعة على وقفتكم جمبى
بالنسبة لأخر التطورات
اليوم اتعرفت عن طريق المنتدي الرائع ده على المهندس ايمن . و الطريف انة عنده نفس العربية و بنفس اللون و نفس الموديل وشاري فى نفس التوقيت و حصل معاه نفس اللى حصل معايا فى بقع الدهان مع المصنع و مع نفس الأشخاص و نفس السيناريو
تأكدت سا عتها ان ده عيب فى الدهان و ليس عيب رطوبة او شوية برد فى العظم زي ما قالو
المهم روحت مكلم مدير الضمان ولما واجهتة بمشكلة ايمن و ده معناه انه عيب متكرر والله اعلم حصل كام مرة ..... الطريف انة كان ما يعرفش ايمن و انكر انة شافة او فاكرة او ان ده حصل اصلا
هههههههههههههههه

اوعو تسبيهم ... بس ياريت حضرتكم ... تروحو مع بعض بالعربيتين فى نفس الوقت ... علاشان تورهم ان دة عيب جوده من مصنعهم ... وتقوللهم انكم تحسوأو سمعتهم .. وياريت تبعتو شكوه مشتركة لكل من الشركة الام وجهاز حماية المستهلك

**ابو سيف** · 05-03-2008 02:03 AM

لو انتو الاتنين تتحركوا مع بعض و تتفقوا من الاول علتى عدم الرضا بأي بديل غير تغيير السيارتين يبقا كويس اوي و لو تروحوا لجهاز حماية المستهلك مع بعض لأثبات ان الموضوع موضوع عيب صناعه بحت و متكرر كمان و تبعتوا صور العربيتين بأرقام الشاسيهات لنيسان اليابان و لو متمش الرد عليكم تبعتوا تاني و لكن بصيغه التهديد انه هيتم نشر الصورتين دول في كل الوسائل اللى ممكن توصلوا ليها من المنتديات للجرايد للتليفزيون
الموضوع هياخد وقت شويه منكم بس محتاج صبر و في الاخر شركه كبيرة زي دي مش هتسيب سمعتها كدة تنزل بالسهل بس انتو لازم تثبتوا على موقفكم و تتحركوا مع بعض و دة افضل شيء فعلا

الموضوع: مــا هــو الحـل فى ظهــور بقع بيضاء على السقف و الكبوت والشنطة - نيســان صنى 2008

LinkBack

أدوات الموضوع

عرض

-

-

-

-

المواضيع المتشابهه

مــا هــو رأيــكم فى سيترويـــن AX

مــا هــو رأيــكم فى مونديـــو موديــل 2000 -1600 سى سى - 70000 كم؟

مــا هــو رأيــكم فى الأستـــــرا إنجــــوى؟

مــا هــو الـCD إللى بنــزل مع السيـــريون المانيـــــوال

مــا هــو الحــل فى رائحـــة التكييف لنيســـان صنــى

الكلمات الدلالية لهذا الموضوع

المفضلات

المفضلات

ضوابط المشاركة