تحويل الودائع من جنية لدولار صح ام خطا

**أحمد كمال** · 06-02-2011 06:26 PM

المشاركة الأصلية كتبت بواسطة dr.amr

ايه هي الاماكن الرئيسيه للشراء

هل ممكن ابيع للبنك

ممكن طبعا

و فعلا البيع للبنك ضروري في الظروف الحالية ...... لان البنك هيتصرف تصرفات مسؤولة و محكومة عن طريق نظام الانتربنك .......

معلش ضحي بالقرشين الفرق مش هيفرقوا كتير (قرشين كل 1000 دولار يعني 20 جنيه فرق يعني 5920 بدل 5940 مثلا :) )

المشاركة الأصلية كتبت بواسطة sayed911

استاذ احمد انا لسة قافل مع الصيارفة المتحدون اللي في ميدان الأوبرا بلغني انه سعر الدولار 5.95 على اساس انه البنك بـ 5.92 اعتقد ده سعر كويس وبالنسبة للبنك الأجنبي ده كانت اشتغالة ؟ وهوة بصراحة انا اعتقد انه احنا عندنا نظام مصرفي جيد جدا بالفعل قضا على لاسوق السوداء تماما ولكن انا معلش كده انا مش رجل اقتصاد هوة ايه ضرر انه الناس تنزل تشتري دولار عشان انا لحد دلوقتي مش فاهم اي حاجة في اي حتة !!! :d

ايوة يا باشا اشتغالة فعلا

بيع للبنك بلاش تبيع للصرافة ارجوك ...... بلاش بيع للصرافة في اليومين دول الصيارفة دول مش هيفرق معاهم لو البلد ولعت المهم الدولار يغلى

الضرر في ان الناس تشتري دولار كتير ان العرض عالدولار هيقل جدا و الطلب عليه هيزيد ...... فالمستوردين اللي بيستوردوا سلع حيوية (اغذية و ادوية او مواد اولية لتصنيع سلع حيوية او ماكينات الخ الخ ) مش هيلاقي دولار و الدولار هيغلى بسبب ارتفاع الطلب عليه و الجنيه هينهار لانه عامل زي شجرة عملاقة بس مسنودة بحتة خشبة صغيرة ........ و ساعتها السلع هتغلى جدا و هيحصل ركود و كساد و تبقى باظت الليلة

**أحمد كمال** · 06-02-2011 07:07 PM

المشاركة الأصلية كتبت بواسطة dr.amr

بس تقول لمين بقي

تقول لاصحابك و معارفك و قرايبك و عالفيسبوك و في المنتديات

و تطلب منهم ينشروها

النت سلاح جبار ...... استخدمه لحماية بلدك

و النصيحة هتنتشر كمتوالية هندسية

الكل هيعمل بيها؟ مش شرط ..... بس لو 90% عملوا بيها خير و بركة