الموضوع: ليه لهجة العداء طالما هدفنا مصلحة مصر

والله العظيم كنت داخل اكتب موضوع بنفس المعني
شكرا يا كريم كانك بتقرا افكر ناس كتير في المنتدي
لا حول ولا قوة الا بالله
ايه اللى بيحصل وسطنا ده ؟
احنا كلنا مصريين وكلنا هدفنا مصلحة البلد
ايه كم الاتهامات اللى بنوجهها لبعضنا ده
ده عميل للنظام ولا حزب وطني ولا مغسول دماغه من اعلام الفقي ولا مبيفهمش حاجة ولا مغرر بيه ولا بيقبض من النظام ولا مخبر من امن الدولة
والتاني عميل وخاين وبينفذ اجندات اجنبية وبياخد كنتاكي ومضلل واخوان مسلمين وعايز يخرب البلد


المفروض والله اعلم اننا هنا متعلمين وكلنا من الطبقة ما تحت المتوسطة لان مفيش طبقة متوسطة في مصر
ناس كتير هنا اتقابلنا قبل كدة وبيننا عيش وملح وكنا واتمني ان نستمر اصحاب وولما بنتقابل بناخد بعض بالحضن طالب ودكتور جامعة ومهندس ومحامي وموظف ومندوب مبيعات ووووووو
لما كنا بنتقابل محدش مننا كان بيئل التاني عن انتمائه السياسي وكلنا بنتعامل مع بعض اخوات

دلوقت بقينا نصنا خونة والتاني عملاء للامن ؟؟؟؟؟؟؟؟؟

كريم منير اللى اتسحب اكتر من مرة لامن الدولة بسبب المنتدي وبسبب انه سايب الناس تقول ارائها السياسية ضد النظام وهو موقع عربيات بقة حزب وطني فجأة ؟؟؟؟؟؟؟؟؟

الناس اللى دعت وهنا وكريم ترك الموضوع للخروج للتظاهر وخرجت للمظاهرات من اول يوم لاخر يوم اللي هو الجمعة 28 دلوقت اصبحوا خونة وعملاء للنظام لمجرد انهم قرروا عدم الاستمرار للان ؟؟؟؟؟؟؟؟؟؟
ممكن اي واحد مننا كان بقة شهيد وتوضع صوره في الموضوع اللى قبته كريم لكن ربنا سبحانه وتعالى لم يكتبها لنا وعدنا لبيوتنا نحميها ثم لاعمالنا نقوم به ونطالب بتحكيم العقل للوصول لافضل النتائج هل اصبحنا خونة ؟؟؟؟؟؟؟؟؟
لم نؤيد النظام السابق وكثيرا ما وقفنا ضده وقتما كان ما زال في قمة مجده وجاهرنا بذلك وقتما كان من يجاهر بذلك يتعرض للايذاء دون ان ننتمي لاحزاب او اخوان او او او او عارضنا لاننا نؤمن بالصواب والخطأ وبمصلحة البلد فقط الان اصبحنا خونة لمجرد اننا لا نوافق بعض من لم يخرجوا في مظاهرة ضد النظام السابق طيلة حياتهم ؟ او لان ارائنا لا تتفق مع بعض اخوتنا واكرر اخوتنا ممن هم اعضاء في جماعة الاخوان المسلمين ؟؟ هل اصبحنا خونة لاننا لا نوافق البعض الراي ونختلف معهم ؟ هل يمارس ضدنا الان نفس ما كان يمارسه النظام السابق ضد معارضيه ؟؟؟؟؟؟

وفي الجانب الاخر هل كل من يؤيد استمرار التظاهر اقتناعا انه يؤدي الي نتائج افضل اصبح عميل او مرتشي من ايران او الجماعات الاسلامية او سفيه او ممن ضللتهم الجزيرة ؟؟؟؟؟؟؟؟؟؟؟؟

لنتقي الله جميعا. اذا كنا نختلف بهذه الطريقة ولا يقبل منا كلمة للاخر ونتهجم على بعضنا البعض ماذا تركنا للدهماء

لو سمحتم ارجوكم نختلف ولكن باحترام
لا يسفه احدنا راي الاخر ولا يتهمه بما ليس فيه

المشاركة الأصلية كتبت بواسطة cheetos_892005

بالضبط كده ....ده اللي مخلي اللي نزل وشاف
مش قادر يشوف المخلوق السفاح ده قدامه ولو لدقيقه مش كام شهر....
الواحد لسه فاكر ريحه الدم يا جماعه

شفتهم وكنت معاهم وشيلت على ايدي من اصيب بقنبلة في كتفه في عبد الخالق ثروت عصرا وانجاني الله من السيارة الطائشة المجرمة في القصر العيني مساء وانقذت المستشار زكريا عبد العزيز من المتظاهرين الذين كادوا يفتكوا به اعتقادا منهم انه احد التابعين للامن ويهرب لهم ذخيرة لضرب المتظاهرين في شارع القصر العيني دون ان يعرفوا من هو ولم انتبهت لشكله صرخت فيهم مدافعا عنه ونزل الرجل من السيارة يبكي سعيدا بشباب مصر ويسئل في ذلك المستشار زكريا عبد العزيز
واصبت بمطاطي في ذات اليوم ناهيك عن الضرب بالعصي في البداية
مثل الدكتورة ضحي احد اخواتنا هنا التي خاطرت بنفسها وذهبت لمستشفي القصر العيني تمارس عملها وتحاول ان تنقذ من تستطيع دون ان تمن على احد بذلك لانها تقوم بواجبها وحبها لبلدها
مثل العشرات من اعضاء المنتدي ممن خرجوا من اجل غد افضل
وكلنا نحب مصر ونريد لها الخير
كالكثيرين هنا ممنا يحبون مصر ويهدفون لها الخير
لكن بالعقل ولنتحاور جميعا لما فيه خير مصرنا الحبيبة دون اتهامات او تخوين متبادل