الموضوع: هل تثق فى وعود الرئيس مبارك بتنفيذ المطالب ام لا تثق في وعودة ؟؟

علشان كده بقول لما تتنفذ يا احمد, يعني بعد التنفيذ نبقى نتكلم و نقول انه عمل حاجه

انا اللي مش فاهمه ان بعض الناس بتقول أو ( بتردد ) ان مبارك ( نفذ )
المطالب بنسبة 95% تقريباً..!!!!! هي فين دي الـ95%..!!
و جابوا النسبه دي منين اصلا..!!!!! مش قادر افهم ازااااااااي..؟؟؟

كل اللي عمله و بكل تناكه قال انه لم يكن ينوي الترشح لفتره رئاسيه جديده..!!

غير الحكومه بحكومه ( نص جديده ) و بمعنى ان نص الحكومه هي هي القديمه

جمال مبارك استقال من الحزب الوطني, و الناس بتقول ان كده جمال مش
يترشح للرئاسه..!! لييييه..؟؟؟ هو احنا مش هنغير الماده 76 بردو ولا ايه؟؟
يعني ممكن جداا جمال مبارك يترشح للرئاسه عادي جداا زي اي حد,
و احنا كمان لينا الحق في انتخابه او عدم انتخابه... عادي جدااا :))

النائب العام بدأ العمل على البلاغات المقدمه ضد بعض الوزراء و المسؤلين
و البلاغات دي مقدمه من ناس كتيير, مش الريس هو اللي قدمهم للمحاكمه
و إلا كان قال كده في خطابه لانها حاجه في صالحه تماماً..!!

النظر في الطعون المقدمه ضد اعضاء مجلس الشعب من الحزب الوطني
و مطالبة القضاء و المجلس بتنفيذ احكام القضاء..!! طيب ماهو المفروض
اصلاً ان الطعون دي كان هيتم النظر فيها و المفروض بردو احترام احكام
القضاء..!! ده العادي و مش منتظرين تعليمات سيادة الرئيس علشان يتم
النظر في الطعون او تنفيذ احكام القضاء... ولا انا غلطان..؟؟؟

عمل ايه تاني..؟؟؟ ولا حاجه ( حتى الآن )... يبقى لا اثق فيه طبعاً

للاسف احنا بننسبله فضل و انه تكرم و تعطف علينا في شئ العادي انه يحصل


و يا من تطالبون هؤلاء الشباب بقراءة الدستور علشان مايتضحكش عليهم

ارجو من كل واحد فيكم ان يقرأ هو الدستور جيداً و الماده (( 81 و 85 ))

قولولي بقى مين احترم الدستور او عمل بيه في البلد دي منذ تولي مبارك الرئاسه

الراجل ده ممكن يتحاكم لو مجلس الشعب اتحل و تم تشكيل مجلس جديد, و بموجب
الماده 85 من الدستور المصري و ده في حالة تولي الشرفاء عضوية
مجلس الشعب بدلاً من اعضاء الحزب الوطني الفاسدين, ممكن يطالب
ثلث الاعضاء او اكثر بمجلس الشعب ( الجديد ) بمحاكمة مبارك فوراً..

الراجل ده جاب ثروته منين..؟؟؟ كان بيحوش من مصروفه مثلاً..!!

كل ده ليه الناس مش شايفاه..؟؟؟

مبارك مش ملاك, و مش مصلح او مهتم بالاصلاح و لا عمره كان كده
ولا هيبقى, و لا عمره خاف على مصلحة الشعب ده, و انه يبقى في السلطه
الغرض منه مصلحته الشخصيه و التفاوض اولاً على ان مبارك لم يتم
محاكمته في اي وقت و بأي شكل بعد رحيله... المماطله يعني لحين اشعار آخر...