الموضوع: هل تثق فى وعود الرئيس مبارك بتنفيذ المطالب ام لا تثق في وعودة ؟؟

المظاهرات لسة شغالة فى أسكندرية حتى هذة اللحظة :))))))

المشاركة الأصلية كتبت بواسطة ghazy12

النظر في الطعون المقدمه ضد اعضاء مجلس الشعب من الحزب الوطني
و مطالبة القضاء و المجلس بتنفيذ احكام القضاء..!! طيب ماهو المفروض
اصلاً ان الطعون دي كان هيتم النظر فيها و المفروض بردو احترام احكام
القضاء..!! ده العادي و مش منتظرين تعليمات سيادة الرئيس علشان يتم
النظر في الطعون او تنفيذ احكام القضاء... ولا انا غلطان..؟؟؟

بص يا غالى
فيه سلطتين
تشريعية = مجلس الشعب
قضائية = القضاء
القضائية بتقول حكم
المعتاد فى مصر ان الحكم مادام متعلق بصحة عضوية عضو فاسد من الاعضاء يبقى النهاية للمجلس
طبعا الكلام ده ليه وجه صحيح وهو عدم التداخل بين السلطات لكن ده بقى حجة مع تزوير الانتخابات لاستمرار عضوية فاسدة
يعنى المعتاد ان الاحكام لا تنفذ لو متعلقة بالانتخابات
لو متعلقة بشروط الترشيح زى عضو هرب من الجندية ولا زور ورق ولا معاه جنسية تانية بيتم الاخذ بيها
طبعا ده اسمه فساد
اما مبارك قال هيتم الاخذ بالاحكام ده يبقى تصحيح للفساد والقضاء عليه
يبقى لو اتنفذ الكلام ده يكون كلام جديد
عمل ايه تاني..؟؟؟ ولا حاجه ( حتى الآن )... يبقى لا اثق فيه طبعاً

للاسف احنا بننسبله فضل و انه تكرم و تعطف علينا في شئ العادي انه يحصل
العادى لو البلد محترمة ومفيهاش فساد
لكن هاحترم انه ابتدى يقلل الفساد حتى لو غصب عنه مش بمزاجه

و يا من تطالبون هؤلاء الشباب بقراءة الدستور علشان مايتضحكش عليهم

ارجو من كل واحد فيكم ان يقرأ هو الدستور جيداً و الماده (( 81 و 85 ))

قولولي بقى مين احترم الدستور او عمل بيه في البلد دي منذ تولي مبارك الرئاسه
المادة 81 بتتكلم عن قيامه بتعاملات تجارية وتعامل فى اموال الدولة
دى طبعا معاك حق لو ثبتت عليه
لكن شركاته بتبقى برة البلد على فكرة
المادة 85 بعيدة عننا لانها بتتكلم عن الخيانة العظمى
الخيانة العظمى يعنى التخابر لدولة اجنبية

انا مندهش يا شهدي ان فيه ناس قالوا انهم واثقين في عهوده

طول عمره واجع دماغنا ب "مصر تعيش أزهى عصور الديمقراطية" , و كلهم عارفين كده

و لما تسأل واحد فيهم الانتخابات اتزورت لصالح رجالته ولا لا , يقول لك اتزورت

هو عارف انه كداب بس مصر يصدقه :))))))