الموضوع: سيناريو يطرح نفسه حول توقف المنتدى

المشاركة الأصلية كتبت بواسطة karim_monir

يا جماعة معلش اسمحولي اوضح شيء
لو عايز اقفل الاجتماعي او اعمله بنظام المصادقة قبل ظهور المشاركة كنت عملته
انا بتكلم مع اخواتي
اللي عارفني بشخصي واسلوبي
احمد موجا
باشمهندس سمير
ليه معترضين على وعايزين تسيبو المنتدى
انا اعرفكم كويس جدا
وعارف اسلوبكم في التحاور وعشان كدة بوجه ليكم كلام مباشر
مش طبعكم انكم تشتمو
انا مانتعتش حد انه ينتقد نهائي
اتكلمو في السياسة
وانا بتكلم معاكم
اللي ينفصل عن الواقع بتاعه ده يبقي انسان مغيب وعايش في قوقعة
وقافل على نفسه
يبقي نعامة ودفنت راسها في الرمل والذئاب بتترصد بيها
ناقش واتكلم
اقترح واتحاور
لكن مش لازم اسب في النظام الحاكم
هو لسه النظام
لسه الشرعية
لسه القائد الاعلى للقوات المسلحه
لسه النظام والجيش بيساندوه
عايزين تسقطوه اسقطوه
عايزين تغيرو الحاكم من حقكم وحقي وانا شخصيا وبقولها دلوقتي
انا مش عايز الرئيس مبارك يحكمني
لكن لغاية دلوقتي هو الحاكم
هو السلطة والحاكم الشرعي في البلاد ومن بيده مفاتيح الحرب والسلم

يا ريت نفرق كويس قوي قوي بين

النقـــــــــــــــــــد
وبين
السبـــــــــــــاب

وهو ده كلام المصدر الامني
مش معنى اني مش طايق مبارك اروح اخرب البلد
دي بلدي
ومش معني انك مش طايق مبارك
انك تكون السبب في حظر دومين المنتدى
او توجيه تهمة مباشرة ليا بالتواطئ بالنشر لسباب رئيس الدولة


كن كلام في السياسة
انا اول واحد هاناقش معاكم حال البلد
ولسه كنت عامل كذا موضوع
لكن فقط
بدون شيمة ولا نقد لحاكم الدولة او اي وزير في الدولة

استاذ كريم احنا مش معترضين علي حضرتك ابدا لأننا عارفين استاذ كريم كويس جدا ومش متشككين ابدا من وطنيته وحبه للبلد احنا معترضين علي تخوفك واستجابتك للجهه الأمنيه التي مازالت حتي الأن تمارس التهديد والقمع وحظر حرية الرآي امال فين التغيير الذي يصرون انه حدث وان الحكومه استجابت للمطالب وفين مصر يوم 25 غير مصر النهارده يبقي كله كلام كذب وضحك علي الدقون طالما الأسلوب هذا مازال متبع وساري وبكده يبقي ملهمش مصداقيه عندنا
احنا مش بنطالب اننا نسب ونشتم رؤوس النظام الفاسد لأن السب والشتيمه مرفوضه شكلا وموضوعا سواء الشخص كان في الحكم ام خارجه ام شخص عادي يكفينا حسبي الله عليه يتوكل المتوكلون فأن الله يمهل ولايهل
يكفينا شرفا ان نايل موتورز له فضل كبير جدا بهذه الأراء الناقده البناءه والتي تحدثنا عنها كثير جدا في كثير من الموضوعات وتم العمل بها بعد ذلك بناء علي هذه الحلول في تصحيح اوضاع سيئه كثيره يمكن مكنش كثير منهاعلي المستوي سياسي بس قدمت حلول واقترحات تم العمل بها
اعلم جيدا استاذ كريم ان مابين الأعضاء هنا -وانا أثق تماما في ذلك -شخصيات في اماكن حساسه ومسئوله مصريين بجد تحب مصر بشده وتريد ان ترفع شأن هذا البلد عاليا دون عنف او تخريب او فتنه فقط بالمشاركه بالرآي في النقد الأيجابي البناء وتريد حرية وكرامه وعيشه كريمه للشعب المصري فليس كل المسئولون فاسدون
نحن لانطالب الأعضاء او اي احد بأن ينزلوا الي التظاهر فهذا شأن شخصي راجع لهم وكل شخص له الحق في ان يعبر عن رآيه بأي وسيله دون اجباره علي طريقه معينه فهذا شيئ راجع له ولحسه الوطني وله الحق ان يعبر عنه بالأسلوب الراقي كيفما شاء وذلك بأن نطالبهم بالمساهمه بالأراء والمقترحات الأيجابيه الخاليه من اي اهانه لأي شخص كان من شعب مصر ووضع حلول لرفع شأن هذا البلد بلدنا مصر فرجاء لا تحرمهم من هذا
اما الذين يحبطوننا تحت اي مسمي بصوره ظاهره وواضحه للجميع بآراء غير مقنعه بالمره فقد سقطت عنهم الأقنعه وباتوا معلومين للجميع
عندما قلت اني سأنسحب فذلك لأني لا اريد ان اتسبب لك او لغيرك باي ضرر او آذي طالما ان نظام القمع وحظر حرية الرآي والتهديد والتخويف مازال قائما وينفذ ويعمل به حتي الأن لأني اعلم جيدا اني لا استطيع السكوت علي ظلم او جور او فساد او قمع مهما كانت العواقب فالله هو الذي بيده كل شيئ ولن يستطيع اي مخلوق ان يآذيك طالما لم يريد الله لك ذلك فلن يصيبك أي ضر
قال تعالي ( وان يمسسك الله بضر فلا كاشف له إلا هو وان يردك بخير فلا راد لفضله يصيب به من يشاء من عباده وهو الغفور الرحيم)
وايضا قال تعالي (ان ارادني الله بضر هل هن كاشفات ضره او ارادني برحمه هل هن ممسكات رحمته قل حسبي الله عليه يتوكل المتوكلون ) فقولوا جميعا حسبنا الله ونعم الوكيل فهو حقا نعم المولي ونعم النصير