الموضوع: سيناريو يطرح نفسه حول توقف المنتدى

المشاركة الأصلية كتبت بواسطة karim_monir

ثالثا: اتصال هاتفي النهاردة الصبح من مصدر امني اعرفه جيدا ومفاده
خللي الاعضاء تلم نفسها شوية
الرئيس ما زال في الحكم
يعني لو ماتقفلش بسبب اخفاض الموارد هايتقفل امنيا بسبب تطاول بعض الاشخاص على الحاكم
وتجنب طاقم الاشراف توقيع عقوبات على الاعضاء لتعاطفهم هم الاخرون معهم

حبيت اخليكم في الصورة عشان لو صحيتو الصبح مالقتوش المنتدى
تبقو عارفين ايه اللي حصل
ونتقابل بقي في جروب المنتدى عالفيس بوك :-(

سلام عليكم

مع احترامي لك يااستاذ كريم ومحبش اكون احد المتسببين لك في اي ضرر لذلك سأنسحب من المنتدي حتي يرجع للناس القوه والشجاعه وحرية الكلمه والتعبير دون الشعور بالتهديد والقمع من احد او من اي جهه مازالت تمارس سياسة التخويف والتهديد
بس توضيح من حضرتك هي الجهات الأمنيه لسه بتمارس سياسه القمع وحظر الكلام والتهديد هي لسه متعلمتش من الدرس
يبقي توقعاتي كلها في محلها وان الموضوع ده لو انتهي زي ماهما عايزين بالمراوغه واكتساب الوقت يبقي هنشوف منهم ايام اسود من السواد وانت هتكون في كلتا الحالتين هتكون من المضرورين اسأل الله لك ولجميع الأعضاء الستر وان يبعد عنكم الشر والأذي
استودعكم الله وحفظكم الله من كل شر ومن كل آذي
اراكم علي خير ان شاء الله عندما تنزاح هذه الغمه من جزورها وعندما تكون حرية الرآي والتعبير متاحه للجميع بدون خوف او تهديد او لا تتسبب في اي ضرر لأحد من الذين نحبهم ولانرضي لهم اي ضرر

المشاركة الأصلية كتبت بواسطة mido_soliman

ابوس ايدك يا شيخ اقفل الاجتماعى مش علشان المنتدى بس ميتقفلش لاء علشان الناس تحس شوية ان الواحد عارف كل حاجة اول باول زيهم بالظبط وعايزين نخرج من الهم دة مش نعيش فية 24 ساعة حتى لما ندخل على النت

قدام حضرتك بدائل انك متخشش المواضيع دية وتختار اي موضوع آخر يعجبك ميكونش بيتكلم عن الأحداث دية التي تهم كل مصري يريد ان يعيش بكرامته وحريته في هذا البلد عيشه كريمه واكيد اللي بيحصل ده وبيطالب بيه مش علشانه لوحده علشان كل المصريين

المشاركة الأصلية كتبت بواسطة hobiko

أنا مرداش لأي حد في إلدنيا الأذية بسببي ...... ناس محترمة ذي ا.كريم



بس الواحد يتكلم فين ..... يطلع إلي جواه فين ؟؟؟؟!!!!!


امال احنا عملنا ثورة ليه ؟؟؟؟؟ طلعنا في مظاهرات ليه ؟؟؟؟


مش عارفين نتكلم على النت و في الشغل ولا في الشارع ...... خلاص الواحد مش فاضل غير يكلم نفسه



دي كدة تبقى بانت البشاير ......


الثورة حيتم اجهاضها ...... و يرجع القمع في أسوأ صوره تاني



يا رب كل واحد بيقولك نستنى 6 شهور يكون فهم الرسالة


أنا أسف أنا برضه بتكلم في السياسة ...... بس مش قادر أسكت


بالنسبة للمشكله المادية أنا على إستعداد للمشاركة في أي حل يطرح ...... و حبدأ بالإشتراك في العضوية المميزة

متفق معاك واضم صوتي لصوتك وعلشان تعرفوا ان اكبر دليل اللي بيحصل دلوقتي ماهو الا تمثليه متقنه وماهو الا ضحك علي الدقون لتهدئة الرآي العام ليس الا وهترجع ريما لعادتها القديمه وهتدينا بأوسخ جزمه قديمه