الموضوع: مبادرة استثمر ولو 100 جنيه وحافظ على اقتصاد بلدك

المشاركة الأصلية كتبت بواسطة power

مجرد راي لو مش عاجبك اعتبر انك مقرتش حاجه
مش حقول كلام بعض الناس اللي فيه شيء من الوجاهه برضه وان كان مش وقته لاغراض وطنيه
"هما لمل كانو بيكسبوا كانوا بيقوللنا تعالوا اكسبوا معانا شويه ولا هما بيعرفونا لما يحسروا بس"
تاني حاجه احب اقولك ان البورصه لسه حتقع تاني في انتخابات مجلس الشعب وحتقع تالت لنا تتعمل انتخابات الرئاسه فانا لوعايز اتدخل اصبر لحد ما كل ده يعدي علشان الراجل اللي بيعمل كده علشان البلد ميحسش انه اضحك عليه
تالت حاجه مش صح موضوع كل واحد يشتري السهم اللي يعجبه لان معني كده ان الفلوس حتتوجه بالاستفاد لمستثمرين معينين او لقطاع معين الصح انه يتعمل صندوق استثمار تديره الدوله تحت اشراف يحدده المتخصصين ويبدا عمله بعد انتخابات الرئاسه-النفطه دي قابله للنقاش-وانا شايف ان مجرد خبر بالقوه دي ممكن يدي ثقه في البورصه المصريه-في ناس حتدخل تشتري قبا ما صندوق الاستثمار ده يدخل ويزود الاسعار وفي الاخر السوق هو المستفيد
بس لازم صناديق استثمار لكن الشراء الفردي حيعمل مضاربات ده غير ان المشتري الجديد لا يعرف حاجه عن marker mechanism/portfolio devirsification/risk &return صندوق الاستثار حيساعده في كل ده
ولو حسبنا الموضوع بفكر pure capitalism يبقي نسيب السوق يعمل auto adjustment لنفسه وده انا شايفه صعب في ظل الظروف دي علشان راس المال جبان ده رغم اني داعم كبير للفكر الراس مالي المتعفن وبالرغم اني شايف الدوله المفروض تتدخل في انقاذ سوف المال انا ضد تدخلها في سعر الصرف مثلا"عندي اسبابي"
وكالعاده في اخر كل رد ليا لازم اعتذر لاني بطول جدا ولاني لاكاك جدا زافتكر اني قولت لو مش عجبك اعتبر انك مقرتش حاجه

يا باشا رأيك علي عيني و راسي و له كل احترام و تقدير مني

لكن فكر في الاول و في الاخر في كم الفلوس اللي هاتدخل للبورصة و للاقتصاد القومي ككل بمجرد 100 جنيه او كل علي حسب مقدرتة

الدولة مش هاتسند اقتصاد ولا بتاع يا باشا الشعب المصري هو الدولة و احنا اللي هانبني بأدينا الي اتخرب علي ادين ناس تانية

و لو كل واحد اشتري السهم اللي علي مزاجة ده معناه 100 % الفلوس هاتتوجة لجميع القاطاعات مش قطاع واحد او اتنين

و ارجع تاني و اقولك فكر في كم الفلوس الي ممكن تتضخ في عجلة الاقتصاد لو كل واحد مننا شارك بمجرد 100 جنيه

جرب و شوف النتيجة و اكن الـ 100 جنيه ضاعت منك او اكلت بيها اكلة
بس ماتنساش تقولي بعد فترة مين اللي كسب في الاخر انت ولا الدولة ولا انتوا الاتنين طلعوا كسبانين
الصفقة رابحة رابحة يا باشا بس الاهم من الربح الشخصي هو مساندة اقتصادنا او علي الاقل نعمل اللي علينا

المشاركة الأصلية كتبت بواسطة blackfox14

علشان انا البلد دى حاجه جميله اوى فى حياتى و نفسى اساعد بالى اقدر عليه و حسب مقدرتى

الحد الادني للتعامل موجود في بعض الشركات الكبيرة فعلا و لكن المبادرة دي من جميع شركات السمسرة في الوقت الحالي عشان كده مش هاتلاقي حد ادني للتعامل
و كون حضرتك مش مصري فدة مفيش فيه اي مشكلة خالص مجرد صورة من الباسبورت ( جواز السفر ) بتاعك بدل بطاقة الرقم القومي للمصريين
الخطوات هابعتها لحضرتك في لينك علي الخاص و يوج ايضا اخ كريم حط ليناكت لشركات سمسرة تقريبا المشاركة الثانية او الثالثة
اخيرا البلد دي بلدك زي ما هي بلدنا و مش عاوز اقولك اهلا بيك و شرفت بلدنا و الكلام ده عشان ماتحسش انك غريب ... فعلا البلد دي بلدك

المشاركة الأصلية كتبت بواسطة sayed911

طيب حضرتك انا معااااااااااااااااااااااا اااااااااك 100 % في الفكرة دي قلبا وقالبا

1- في لينك في تاني مشاركة تقريبا فيه عناوين الشركات و بردو هابعت لحضرتك الطريقة علي الخاص
2- السن القانوني للتعامل في الاوراق المالية هو سن الرشد 21 عام
3- الاسهم الجديرة هي اسهم الشركات المكونة للمؤشر الرئيسي و اولهم البنك التجاري الدولي و اوراسكوم للانشاء و اوراسكوم تليكوم ،، و ايضا تابع تقارير الشركات هاتلاقي توصيات لاسهم كثير

المشاركة الأصلية كتبت بواسطة power

1- انا مش ضد الفكره زي ماقولت قبل كده بس في التوقيت الصح وبالشكل الصح التوقيت الصح اللي هو بعد ماكل التقلبات و الدروبات اللي في السوق تنتهي
2- علشان دي ظروف اي بورصه في العالم ممكن توقع يعني ده مش نزول اقتصادي وتقبل احترامي ليك ولفكرتك

1- بعد التقلبات و الدروبات ما تنتهي البورصة هاتطلع لوحدها بالمتعاملين الاساسيين اللي فيها من غير تدخل من متعاملين جدد الفكرة اننا نقلل من الانهيار المتوقع بقدر الامكان دلوقتي

2- لو كانت دي ظروف اقتصادية مكنتش ابدا هاشجع الفكرة دي لان مهما عملنا كل الاقتصاديات اللي حولينا واقعة زي الازمة المالية العالمية محدش فكر يقف قصادها عشان كانت اقوي من الكل ، لكن اللي احنا فيه دلوقتي ظروف سياسية و قلة ثقة من مستثمرين اغلبيتهم اجانب خايفين علي استثماراتهم و ده ممكن التعامل معاه بتغير رأس المال من اجني لمصري
و تحياتي لك علي المناقشة البنائة الي بتوضح للناس مفاهيم جديدة