مبادرة استثمر ولو 100 جنيه وحافظ على اقتصاد بلدك

**Hussein_Emara** · 10-02-2011 02:18 AM

المشاركة الأصلية كتبت بواسطة أحمد كمال

و لو كنت ميسور الحال و وظيفتك لم تتأثر بالازمة

حاول تشغل الاعمال "الترفيهية" اللي تعطلت بسبب الازمة

انزل اشتري ملابس ليك او لزوجتك او اولادك

انزل فسح اولادك في اي مكان ترفيهي

صلح عربيتك لو فيها عطل او محتاجة سمكرة حتى لو خبطة اي كلام ......

نفذ اصلاحات منزلية كنت محتاج تنفذها من زمان ..... سباكة نجارة نقاشة .... الخ

حرك البلد ........ لو كل واحد طلع من جيبه و حط في جيب التاني عن طريق شراء سلعة او خدمة العجلة هتدور تاني .......

بالضبط, نشغل الناس على قد ما نقدر.

و لو مش شايفنها انقاذ للاقتصاد الوطني,نبصلها على انها صدقة مستترة.

احييك بشدة.

**أحمد كمال** · 10-02-2011 02:23 AM

المشاركة الأصلية كتبت بواسطة egyzizo

صدقنى أنا كنت بدأت أعمل كده فعلاً ..
بس لقيت الإخوة العمال قايمين بالواجب وزيادة ..
كنت بأسيب جنيه على تفويلة البنزين ، والأخ عامل البنزينة النهارده أخد من نفسه اتنين جنيه ونص ..
حجرين المعسل كنت بأسيب فيهم خمسين قرش للأخ عامل القهوة ، النهارده أخد جنيه غلاسة وهو بيرجع الباقى ..

تحس ان فيه روح جديدة كده على كل المستويات العمالية ..

آآآآآآآآآآآآآآآآآآآآه يا بلـــــــــــــــــد ..

لا بقى

كله الا التناحة

ادي بمزاجي ماشي

اتقلب لأ ......

و اللي بيعمل كده ما باديلوش مليم

**Bonanza** · 10-02-2011 12:06 PM

المشاركة الأصلية كتبت بواسطة أحمد كمال

بلاش يا جدعان

ده مش انقاذ للبلد .... ده انقاذ للمغامرين من المضاربين و كبار رجال الاعمال

الاولى بيك بال 100 جنيه دي تنزل تشتري اتنين كيلو برتقال و يوسفي من الفكهاني اللي على ناصية الشارع و تطلب سندوتشين ديليفيري و تتقل ايدك في التيبس و تغسل عربيتك في البنزينة و تشتري اي حاجة انت محتاجها من البقال (مش السوبر ماركت الضخم) اللي تحت بيتكم ...... و كده تبقى عملت تنشيط لحركة النقود في مصر .......

متفق معاك تماما لو كان في جيبي 100 جنيه فقط و قدامي اختيارين اما اني اشتري بيهم اسهم او اشتري بيهم مستلزمات حياتي

لكن لو في جيبي 500 جنيه نويت اصرفهم يبقي ادفع 400 في المستلزمات و اشغل بيهم الناس و 100 تتحط في البورصة عشان لو البورصة وقعت دلوقتي هاجي بعدين لما اشتري حاجة بـ 10 جنيه هلاقي سعرها بقي 20 ...

ليه بقي ؟؟؟

لان البورصة من اهم وسائل التمويل بمعدل تكلفة اقل ،، فا البورصة لو نزلت فا الشركات مرغمة انها تاخد تمويل بتكلفة اعلي من البنوك متمثل في قروض و سندات و ده هايخلي تكلفة التمويل اعلي و بالتالي تكلفة السلعة تزيد علي المستهلك

باختصار شديد انا معاك في انك تدور عجلة الاقتصاد من فرد لفرد .. لكن مهم بردو ندور العجلة من كل الجهات ... ولا ايه ؟؟

**أحمد كمال** · 10-02-2011 12:13 PM

المشاركة الأصلية كتبت بواسطة som3aa

مش عارف اقول ايه على اراء حضرتك , متفق 100000% فى كل المواضيع من اول اللى بيحصل فى التحرير مرورا بالدولار و البورصة

القلوب عند بعضها

المشاركة الأصلية كتبت بواسطة bonanza

متفق معاك تماما لو كان في جيبي 100 جنيه فقط و قدامي اختيارين اما اني اشتري بيهم اسهم او اشتري بيهم مستلزمات حياتي

لكن لو في جيبي 500 جنيه نويت اصرفهم يبقي ادفع 400 في المستلزمات و اشغل بيهم الناس و 100 تتحط في البورصة عشان لو البورصة وقعت دلوقتي هاجي بعدين لما اشتري حاجة بـ 10 جنيه هلاقي سعرها بقي 20 ...

ليه بقي ؟؟؟

لان البورصة من اهم وسائل التمويل بمعدل تكلفة اقل ،، فا البورصة لو نزلت فا الشركات مرغمة انها تاخد تمويل بتكلفة اعلي من البنوك متمثل في قروض و سندات و ده هايخلي تكلفة التمويل اعلي و بالتالي تكلفة السلعة تزيد علي المستهلك

باختصار شديد انا معاك في انك تدور عجلة الاقتصاد من فرد لفرد .. لكن مهم بردو ندور العجلة من كل الجهات ... ولا ايه ؟؟

طيب التمويل ده بيتم امتى

في حالتين

يا اما الطرح المبدئي ..... يعني شركة اول مرة تطرح في البورصة

يا اما شركة بتزود رأس مالها عن طريق زيادة عدد أسهمها

و الحالتين مش هيحصلوا دلوقتي مفيش شركة مجنونة هتعمل كده دلوقتي

انما المضاربة او حركة البيع و الشراء لسهم شركة قائمة و متداولة من فترة حاليا و لم تقم بطرح مبدئي و لم تقم بزيادة راس المال مؤخراً ...... لا يعتبر تمويلا للشركة .... و لا يعتبر تدويرا لرأس المال .... لأنك مش بتشتري من الشركة ..... انت بتشتري من مضارب ...... و يصب فقط في مصلحة مالكي الأسهم الحاليين ...... اللي هما أصلا عايزين يبيعوا و مش فارق معاهم لو غرقت تاني يوم ......

تااااااني ..... سعر سهم الشركة حاجة ..... و ربحيتها او سعر المنتج حاجة تانية .....

و انهيار سعر سهم الشركة بسبب ظروف مؤقتة لا تمس الشركة نفسها ..... بس الشركة انتاجها لا يزال قائما و مبيعاتها لا تزال مستمرة بمعدل جيد ...... لا يعتبر سببا لرفع سعر السلعة ...... لان العوامل المتحكمة في سعر السلعة هي تكاليف الانتاج (خامات, مواد أولية, لوازم انتاج, طاقة, مصاريف تسويق ... الخ) + ربح ... سعر السهم مش طرف في المعادلة

**Ahmed.Ali** · 10-02-2011 12:45 PM

المشاركة الأصلية كتبت بواسطة أحمد كمال

و لو كنت ميسور الحال و وظيفتك لم تتأثر بالازمة

حاول تشغل الاعمال "الترفيهية" اللي تعطلت بسبب الازمة

انزل اشتري ملابس ليك او لزوجتك او اولادك

انزل فسح اولادك في اي مكان ترفيهي

صلح عربيتك لو فيها عطل او محتاجة سمكرة حتى لو خبطة اي كلام ......

نفذ اصلاحات منزلية كنت محتاج تنفذها من زمان ..... سباكة نجارة نقاشة .... الخ

حرك البلد ........ لو كل واحد طلع من جيبه و حط في جيب التاني عن طريق شراء سلعة او خدمة العجلة هتدور تاني .......

+1

**أحمد كمال** · 10-02-2011 12:46 PM

المشاركة الأصلية كتبت بواسطة bonanza

التمويل مش بس في الحالتين دول فقط .. التمويل كمان ان الشركة تقدر تبيع اسهم خزينة بتمتلكها في اي وقت بغرض الحصول علي سيولة نقدية
ثانيا المعادلة طبعا مفيهاش اسهم انا معاك لكن الخامات و المواد الاولية و لوازم الانتاج غالبا بيتم استيرادها من الخارج و اكيد تعرف ان اسعار الطاقة ( البترول ) و سعر الدولار في مقابل الجنية ارتفع بسبب هبوط البديل اللي هي الاوراق المالية فا الناس اتجهت لشراء عملات او دولارات بالاخص ... و ده هايخلي تكلفة التشغيل اعلي و هايأثر علي سعر المنتج

طبعا التأثير مش هايكون بين يوم و ليلة و لكن التأثير جاي جاي

اذاً انخفاض سعر السهم بيمس الشركة و هايأثر عليك و عليا بطريقة غير مباشرة و ده مؤكد

يا سيدي الفاضل معاك حق في موضوع اسهم الخزينة

انا باتكلم على الاسهم العادية خالص بتاعة المضاربة

دي مالهاش اي علاقة بسعر المنتج خالص

و موضوع شراء العملات او الدولارات ده غباء مستحكم بس علاجه مش البورصة ابدا ..... علاجه هو تدوير رأس المال و تشغيل الأعمال المعطلة

انا مختلف معاك ..... فلوسي - حتى لو 100 جنيه - عمرها ما هتتدفع في انقاذ الحيتان أبدا ........ هما سبب بلاوينا ..... يشيلوا بقى مش يشيلونا الليلة

-

-

-

الموضوع: مبادرة استثمر ولو 100 جنيه وحافظ على اقتصاد بلدك

LinkBack

أدوات الموضوع

عرض

-

-

-

-

-

-

المواضيع المتشابهه

مبادرة من الاعضاء تتماشي مع مبادرة الادارة

ازاي استثمر مبلغ بسيط

هل تشجع صناعة بلدك ؟ وما هي شروطك لتشجيع صناعة بلدك؟؟

الكلمات الدلالية لهذا الموضوع

المفضلات

المفضلات

ضوابط المشاركة