لو عاوز تريح دماغك من اضطرابات الاقتصادية في البلد و تعمل مشروع تعالي اقرا و مش هتندم

**AHMEDCAR** · 04-01-2012 07:15 PM

المشاركة الأصلية كتبت بواسطة medo84eg

ماشي يا اخي الكريم
1-الاسم
2-صورة البطاقة
3-المبلغ اللي هتشارك بيه ان شاء الله
4-مدينه الاقامه
5-مجال العمل
6-الموبايل
7-الايميل
و يا ريت تبعتهم علي ايميلي
و الله الموفق باذن الله

معلش انا مش متابع الموضوع من الاول و بصراحه دورت على الايميل مش لاقيه فممكن تكتبه ليا لو سمحت

**osama.m** · 05-01-2012 12:15 AM

معلش يا جماعة ممكن لو حد عمل دراسة جدوى للمشروع ينزلها او يبعتهالي على الخاص حتى و لو بشكل مبدأي
و ياريت نجمع كل المعلومات عن المشروع دا في بوست واحد

**MEDO84EG** · 05-01-2012 08:44 AM

المشاركة الأصلية كتبت بواسطة AHMEDCAR

معلش انا مش متابع الموضوع من الاول و بصراحه دورت على الايميل مش لاقيه فممكن تكتبه ليا لو سمحت

بعتهولك علي الخاص

**MEDO84EG** · 05-01-2012 08:50 AM

المشاركة الأصلية كتبت بواسطة osama.m

معلش يا جماعة ممكن لو حد عمل دراسة جدوى للمشروع ينزلها او يبعتهالي على الخاص حتى و لو بشكل مبدأي
و ياريت نجمع كل المعلومات عن المشروع دا في بوست واحد

بالنسبه لموضوع دراسه الجدوي يا اخوتي الكرام ادوني فرصه صغيره
دراسه الجدوي زي ما حضراتكم كلكم عارفين انها بيبقي ليها عناصر كتير و بتبقي معموله بناءا علي الحسابات الواقعيه و عروض الاسعار المطروحه و هكذا
و العناصر بتاعتها مينفعش يبقي كلها افتراضات ساعتها هتبقي مجرد تصور حسابي زي اللي انا كتبته في اول الموضوع
يعني بالملخص المفيد
دراسه الجدوي بيبقي فيها الاتي :
حسابات البنيه التحتيه - و الاصول الثابته اد ايه و مرتبات لحد الربح ميجي كام و بكام خامات لحد الربح ما يجي الخ الخ الخ
دراسه الجدوي مينفعش تتعمل الا لما الاعضاء كلهم يكتملوا و نبقي عارفين فيه رأس مال اد كذا هنشتري كذا و نسيب كذا و كده
لكن ممكن نعمل تصور مبدئي
زي اللي انا عملته في الموضوع من الاول
اللي هو القطعه تتكلف كام و نبيع بكام و مرتبات اد ايه و تمن الماكينه كام و عمرها اد ايه و الكلام ده
اتمني اكون قدرت افرق بينهما
و اؤكد مره تانيه
احنا باذن الله هنعمل دراسه جدوي مفصله جدا ان شاء الله بس لما نعرف الاعضاء اللي هيجتمعوا معانا هنقدر نحصل علي رأس مال اد ايه
و من هنا لحد ما نجمع الاعضاء تحت امركم في اي تصور رقمي نعمله
يعني ممكن نحط تصور عن الارباح و التكاليف و الموديلاتن و اسعار البيع و خلافه و هكذا
و انا سعيد جدا جدا بتحمس الجميع

**MEDO84EG** · 05-01-2012 08:53 AM

و احب اذكر مره اخري لاخواني الكرام
ان الاعضاء المعتبر مشاركتهم المبدئيه في المشروع معانا هو اللي حصل علي كود خاص بيه و ذلك بعد ارسال المعلومات الاتيه علي ايميلي
1-الاسم
2-صورة البطاقة
3-المبلغ اللي هتشارك بيه ان شاء الله
4-مدينه الاقامه
5-مجال العمل
6-الموبايل
7-الايميل
و يا ريت نبعتهم علي الايميل
و اؤكد ان الزملاء اللي مبعتوش المعلومات دي يلحقوا يبعتوها علشان نتواصل سوا باذن الله
و الله الموفق باذن الله

**MEDO84EG** · 05-01-2012 08:59 AM

و علشان طمأنه الجميع اللي هيتم كالاتي باذن الله
اولا هنبدا في جمع الاعضاء الكرام اللي عاوزين يشاركوا
ثانيا هنبدأ نزور الشركه اللي انا شغال فيها و يشوفوا المشروع علي أرض الواقع بنفسهم علشان يبقي مثال واقعي

و احب اؤكد ان اي شيء يخطر ببالكم لاثبات حسن النوايا مفيش اي مانع من عمله لان من فضل الله النيه خير و كله عمل في النور
لان النصب اليومين دول بقي كتير و الله المستعان
بس بردو ممكن نميز بين النصب و بين الصدق
و انصح كل انسان هيشترك معانا انه يستخير كتير قبل الاشتراك معانا
لان الاستخاره افضل شيء في الحاجات الي مش متأكد منها

**MEDO84EG** · 05-01-2012 12:25 PM

شكرا لكل الاعضاء اللي بيبعتوا معلوماتهم سواء علي الخاص او الايميل
جزاكم الله خيرا و في انتظار باقي الاعضاء

**abo_anas** · 05-01-2012 01:14 PM

من فضلك عاوز اعرف ايه ضمانات المشاركه فى هذا المشروع ؟؟؟؟
ورجاء ارسال الايميل على الخاص

**yascro** · 05-01-2012 01:39 PM

ان الله مع الشريكين اذا صدقا
وباذن الله ربنا يكرمكم ويبقى مشروع ناجح

**MEDO84EG** · 05-01-2012 01:50 PM

المشاركة الأصلية كتبت بواسطة abo_anas

من فضلك عاوز اعرف ايه ضمانات المشاركه فى هذا المشروع ؟؟؟؟
ورجاء ارسال الايميل على الخاص

بالنسبه لموضوع الضمانات ده عاوزين نتكلم فيه شويه
اولا خلونا نتفق ان اي شيء من الضمانات اللي تضمن حق الحق مكفوله طالما بالحق
لان الموضوع من فضل الله محدش هيمانع ان العضو يضمن حقه لضمان الشفافيه
و لو الضمانات اللي هقولها مش كافيه او حد عنده اقتراح اخر يبقي جزاه الله خيرا يتفضل يقترح
ثانيا
بالنسبه للضمانات انا اقترح انها تكون علي محورين
الاول ضمان نفسي
ان الاعضاء يشوفوا الموضوع بنفسهم و هو شغال و بردو نتكلم مع تجار جمله للمنتج ده و نتكلم مع محلات و نروح و نتفرج بنفسنا و نشوف المنتج بعيننا
ده الاطمئنان للمنتاج
الثاني الاطمئنان للاشخاص
طبعا محدش يعرفني و محدش يقدر يديني ثقه و بردو محدش ينفيها عني
الا بالدليل و بعدين الشخص يحكم
صح ؟
بالنسبه للضمانات الورقيه ( عقود الشراكه و ضمان الحقوق ) كلها هتتم بمنتهي التأني و كل عضو يقرأ و يراجع مره و اتنين و تلاته و نعرض علي كذا محامي لحد ما العضو يطمئن ان حقه مضمون
و كمان هيبقي فيه مكان معلن للمصنع و المعدات موجوده فيه و ظاهره امام الجميع
بالنسبه بقي لضمانات ما بعد الاتفاق و ان ميحصلش ان مثلا اللي ماسكين الانتاج و اللي فاهمين في الشغلانه ينصبوا علي الناس
دي ان شاء الرحمن مكفوله و سله ضبطها جدا لانه بمنتهي البساطه من الاول هيبقي فيه خطط انتاج شهريه مثلا في الشهر اد كده و مدخلين خامات اد كده و الموضوع ده ان شاء الله خلال المقابله نناقشه سوا و يبقي علي المكشوف
صدقوني يا اخوه و الله العظيم النيه من وراء الموضوع ده خير
و زي ما بقول استخيروا و ردوا عليا
و اي انسان شاكك في اي شيء نناقشه سوا علي المشكوف مفيش اي مشكله خالص
علشان الكل يطمن ان الموضوع مش نصب و لا الهدف جمع اموال و سرقتها
خلونا في النهايه نتفق علي شيء مريح جدا
و الكلام مش لصاحب التعليق بس ده لكل القراء
هل في حاله انكم ضمنت حقكو و ضمنتو ان الموضوع مش نصب هتشاركو معانا ؟
خلاص يا سيدي سهله اي ضمانات تتخيلها و لا تتخيلها ان شاء الله موجوده و زياده
الهدف و الله يا اخوة من الموضوع خير
و اكبر دليل علي كده
صلي استخاره و قرر