الموضوع: لو عاوز تريح دماغك من اضطرابات الاقتصادية في البلد و تعمل مشروع تعالي اقرا و مش هتندم

المشاركة الأصلية كتبت بواسطة nader

الموضوع أساسه قائم على مشروع تجاري، ولذلك فهو يقع تحت طائلة قاعدة الإعلانات التجارية.

عمومًا لن يتم توقيع أي إجراء قبل التنبيه أولاً بإذن الله.

استاذ نادر
جزاكم الله خيرا علي الرد
و لكن اختلف مع حضرتك في شيء
لان الموضوع لا يندرج تحت طائله الاعلانات التجاريه
لاننا لانروج لسلعه و لا نبيع او نشتري
انما هيا فكره بيتم طرحها علي الاعضاء علشان الجميع يستفيد
اخي نادر
هذه مجرد فكره لتشجيع صناعه مش مشروع اعلاني
انا مش طالب من نايل موتورز انها تدعمنا ( و لو اننا اولاد نايل موتورز و لازم تساعدنا ) انا بطلب من الان من نايل موتورز انها تحقق في مصداقيه موضوعي
بجد و اذا ثبت انه صادق انها تشجعنا
هنا النافذه اللي ممكن نتلاقي فيها و نتعاون سوا
طب انا بدعو حضرتك يا استاذ نادر بقي انك لازم تدخل معانا كعضو
و لا مش انت و بس لا و كمان قريب كريم منير
و مفيش عندي اي شيء اخاف منه
و صدق كلامي ليه مليون دليل
استاذ نادر حتي لا اطيل اشهد الله اشهد الله اشهد الله الذي لا اله غيره اني عامل الموضوع ده بصدق مش بغرض النصب
مش بغرض التدليس
مش بغرض التغرير باي احد
و مش باي غرض خفي يضر حد اطلاقا
بس علي الرغم من كل ده اشكرك جدا لحرصك علي مصلحه الناس
و الف شكر و يا رب تكون اقتنعت انه مش اعلان

المشاركة الأصلية كتبت بواسطة MEDO84EG

هيا فكره بيتم طرحها علي الاعضاء علشان الجميع يستفيد

الجميع يستفيد ؟؟!!
معلش أسمح لى أختلف مع سيادتك ....

مشروع حضرتك دة على أد ما هو مربح جدآ طبعآ على أد ما هو محتاج رأس مال ضخم لعملة ....
أعتقد أن 700000 جنية مش مبلغ بسيط ....

ولو أنا معايا المبلغ دة مش معقول هحطة كلة فى مشروع مش عارف إذا كان هيكسب ولا هيخسر ....
يبقى لازم يكون معايا مبلغ تانى على جنب تحسبآ لأى ظروف ....

يعنى لازم يبقى معايا 800000 جنية على الأقل ....
تفتكر حضرتك المبلغ دة متوفر مع كل أعضاء المنتدى اللى عايزهم يستفيدوا من فكرة مشروعك ؟؟!!

ها يا شباب اخبار المقابله ايه
من قال هايجي
و لا نخليها في اجازة 25 يناير

المشاركة الأصلية كتبت بواسطة romieh

الفكرة مش فى المبلغ اللى معايا

الفكرة بيدخل فيها عوامل كتيرة قوى

1- مدى شعورى بجدية الموضوع

2- مقدرتى على انى اسيب الفلوس اللى هدفعها دى قد ايه
(بمعنى انى هاحط قد ايه من الفلوس اللى معايا وهاخدهم تانى امتى)

مثال : انا ممكن ادخل ب 30000 جنيه ، بس فى نفس الوقت هكون محتاج عائد من المبلغ ده

انما ممكن ادخل بمبلغ 10000 جنيه بس ممكن أسيبهم وماخدش من وراهم أى عائد لمدة سنة

3- مدى المخاطرة اللى فى المشروع ومدى معرفة ابعاد المشروع

4- مدى الاطمئنان الى الضمانات اللى موجودة فى المشروع

الكلام ده مش كلامى لوحدى، ده تفكير اغلب الناس اللى هتدخل الموضوع

كل الكلام اللى فوق ده مش هيتحدد الا بمقابلة فعلية بين الناس

بعتلك بياناتى على الخاص وفى انتظار تحديد موعد المقابلة

+1
الي جانب اي معلومات فنيه تقدر تفيدنا بيها
بس انا محبتش ابعت بياناتي الا لما الم بالموضوع كويس

طيب لو هنتكلم بالنسبة للضمانات المادية

ليه ما نخليش المشروع ده فى صورة شركة قانونية

شركة مساهمة مصرية ليها عدد من الاسهم وكل عضو تكون نسبته فى الشركة بعدد الاسهم اللى بيشتريها

يبقى للشركة كيان قانونى ويبقى فيه حساب فى البنك بإسم الشركة ويكون حق سحب الفلوس من البنك عن طريق الشيكات موقعة من عضوين معينين من مجلس الادارة

بكده هنضمن ان مفيش حد هيقدر انه يتلاعب بأموال الناس الباقية

الكيان القانونى ده هيضمن للاعضاء حقهم فى الشركة وحقهم فى الارباح وحقهم فى اتخاذ القرارات الخاصة بالشركة


بالنسبة للكلام عن جدية المشروع والمخاطرة والحاجات اللى زى دى

كل الاعضاء هنا اللى قرروا انهم يشتركوا فى المشروع اشتركوا علشان الحسبة اللى حضرتك عملتها اللى هى:

1- المصنع بينتج 200 قطعة فى اليوم

2- تكلفة القطعة (خامات + تصنيع وحياكة + عمالة + إيجار مكان .......) 18 جنيه

3- سعر بيع القطعة 28 جنيه

4- مكسب القطعة 10 جنيه

5 - المكسب اليومى 2000 جنيه أى 60000 الف فى الشهر (يعنى اللى دافع 10000 جنيه هيدخله 1000 فى الشهر)

الكلام ده كله جميل جدا على الورق، بس فى أسئلة فى غاية الاهمية

1- هل فعلا المصنع هيقدر يطلع 200 قطعة فى اليوم (لاحظ انك بتتكلم عن منتجات مختلفة - بديهات - اطقم داخلية - لانجيرى - .........) يعنى أكيد فيه فى نص اليوم تغير اسطمبات وبرامج الكمبيوتر والماكينات وخامات

يعنى اكيد فى وقت ضايع فى اليوم مش هيكون فيه انتاج

2- هل هنقدر نوفر الخامات ذات جودة كويسة بسعر رخيص علشان نقدر نحقق التكلفة اللى هى 18 جنيه

3- انت حسبت ان تكلفة العمالة 100 جنيه فى اليوم (يعنى 3000 جنيه فى الشهر) وانا شايف ان المبلغ ده قليل جدا جدا - لانك هتحتاج عمالة مدربة علشان تشتغل على الماكينات وهتحتاج عمالة توزيع ده غير الطقم الادارى ومدير المصنع - كل ده ب 3000 جنيه فى الشهر بس؟؟

4- هل فعلا هنقدر نبيع القطعة ب 28 جنية ولا لازم ننزل بسعر تنافسى علشان نقدر ننافس الناس التانية؟

5- هل السوق هيقدر يستوعب 200 قطعة جديدة فى اليوم (جديدة هنا بمعنى انها هتنزل زيادة على اللى موجود فى السوق بالفعل - يعنى الشركات المنافسة فى الوقت الحالى بتنزل الكميات اللى محتاجاها السوق وبدخولنا للسوق هنكون بنزل منتجات زيادة عن احتياج السوق)

وأسئلة تانية كتيرة جدا جدا جدا لو بدأنا نتكلم بجد (زى الماكينات وقطع غيارها - مكان المصنع - العمالة - .............)

علشان كده انا صممت انه لازم يكون فيه مقابلة وماينفعش الكلام على المنتدى وبس

ياريت يتم تحديد موعد قريب وزى ماشرحت فى مداخلتى اللى فاتت هيتم فيها ايه

انا ارجح ان احنا نخليها يوم جمعة علشان الناس تقدر كلها تيجى

وياريت يا استاذ ميدو انك تبلغ الناس اللى اديتك اساميها كلها بالمعاد والمكان

المشاركة الأصلية كتبت بواسطة romieh

طيب لو هنتكلم بالنسبة للضمانات المادية

ليه ما نخليش المشروع ده فى صورة شركة قانونية

شركة مساهمة مصرية ليها عدد من الاسهم وكل عضو تكون نسبته فى الشركة بعدد الاسهم اللى بيشتريها

يبقى للشركة كيان قانونى ويبقى فيه حساب فى البنك بإسم الشركة ويكون حق سحب الفلوس من البنك عن طريق الشيكات موقعة من عضوين معينين من مجلس الادارة

بكده هنضمن ان مفيش حد هيقدر انه يتلاعب بأموال الناس الباقية

الكيان القانونى ده هيضمن للاعضاء حقهم فى الشركة وحقهم فى الارباح وحقهم فى اتخاذ القرارات الخاصة بالشركة


بالنسبة للكلام عن جدية المشروع والمخاطرة والحاجات اللى زى دى

كل الاعضاء هنا اللى قرروا انهم يشتركوا فى المشروع اشتركوا علشان الحسبة اللى حضرتك عملتها اللى هى:

1- المصنع بينتج 200 قطعة فى اليوم

2- تكلفة القطعة (خامات + تصنيع وحياكة + عمالة + إيجار مكان .......) 18 جنيه

3- سعر بيع القطعة 28 جنيه

4- مكسب القطعة 10 جنيه

5 - المكسب اليومى 2000 جنيه أى 60000 الف فى الشهر (يعنى اللى دافع 10000 جنيه هيدخله 1000 فى الشهر)

الكلام ده كله جميل جدا على الورق، بس فى أسئلة فى غاية الاهمية

1- هل فعلا المصنع هيقدر يطلع 200 قطعة فى اليوم (لاحظ انك بتتكلم عن منتجات مختلفة - بديهات - اطقم داخلية - لانجيرى - .........) يعنى أكيد فيه فى نص اليوم تغير اسطمبات وبرامج الكمبيوتر والماكينات وخامات

يعنى اكيد فى وقت ضايع فى اليوم مش هيكون فيه انتاج

2- هل هنقدر نوفر الخامات ذات جودة كويسة بسعر رخيص علشان نقدر نحقق التكلفة اللى هى 18 جنيه

3- انت حسبت ان تكلفة العمالة 100 جنيه فى اليوم (يعنى 3000 جنيه فى الشهر) وانا شايف ان المبلغ ده قليل جدا جدا - لانك هتحتاج عمالة مدربة علشان تشتغل على الماكينات وهتحتاج عمالة توزيع ده غير الطقم الادارى ومدير المصنع - كل ده ب 3000 جنيه فى الشهر بس؟؟

4- هل فعلا هنقدر نبيع القطعة ب 28 جنية ولا لازم ننزل بسعر تنافسى علشان نقدر ننافس الناس التانية؟

5- هل السوق هيقدر يستوعب 200 قطعة جديدة فى اليوم (جديدة هنا بمعنى انها هتنزل زيادة على اللى موجود فى السوق بالفعل - يعنى الشركات المنافسة فى الوقت الحالى بتنزل الكميات اللى محتاجاها السوق وبدخولنا للسوق هنكون بنزل منتجات زيادة عن احتياج السوق)

وأسئلة تانية كتيرة جدا جدا جدا لو بدأنا نتكلم بجد (زى الماكينات وقطع غيارها - مكان المصنع - العمالة - .............)

علشان كده انا صممت انه لازم يكون فيه مقابلة وماينفعش الكلام على المنتدى وبس

ياريت يتم تحديد موعد قريب وزى ماشرحت فى مداخلتى اللى فاتت هيتم فيها ايه

انا ارجح ان احنا نخليها يوم جمعة علشان الناس تقدر كلها تيجى

وياريت يا استاذ ميدو انك تبلغ الناس اللى اديتك اساميها كلها بالمعاد والمكان

السلام عليكم و رحمه الله و بركاته
ايوة يا اخي ماهو الشراكه التساهميه لازم تبقي كده
و زي ما قلت و بكرر كل المضانات اللي تضمن الحق بجد مكفوله
و هنعمل عقود ان شاء الله كلها موثقه و الحساب البنكي هيبقي زي ما تفضلت
زيها زي اي شركه مساهمه في الدنيا

جينا بقي للمهم
1-بص يا سيدي الكريم
بالنسبه لحكايه الانتاج اليومي طبعا حكايه ال 200 دي للبدي بس
و ده اكتر موديل بياخد وقت علشان كده حسبت عليه
انما لو اتكلمنا في البوكسر او الانجيري مثلا هنلاقي الانتاج زاد كتير
يعني مثلا البوكسر يوميا 600 قطعه و الانجيري 400 قطعه
و بالنسبه للتغيير مش بيبقي كل يوم
لا
بتفضل الماكينه شغالي الي ان تنهي الاوردر كله كله و بعدين تغير
و التغير عباره عن تعديل رسومات و اوامر ماكينه مش تغير اي هارد وير

و بالنسبه لحكايه الوقت الضايع بتتحسب ان اليوم حوالي 22 ساعه مش 24 علشان نقدر نقيم الطاقه الانتاجيه بواقعيه

2-ان شاء الله هنقدر لاننا بفضل الله عارفين المصنعين بتوعها و دي خامات المانيه مش بتتصنع في مصر و متاح ليها وكلاء هنا يعني مش ممكن واحد يقولك اصل العمال طفشوا او حضل مش عارف ايه فمفيش غزول
لا المصنع ده اصله في المانيا و ليه فروع كتير جدا



3-اخي الكريم ال 100 جنيه انت فهمتها غلط
انا قلت في مشاركتي 100 جنيه اجره يوميه لعمال النسيج
النسيج بس
انما الحياكه و الصباغه مدمج فيها سعر الخامات + الاجور زي ما وضحنا
يعني 3000 جنيه مرتب عمال النسيج فقط و هما في الاول هيبقي 2 مثلا
لكن الحياكه تم حساب تكبفه حياكه القطعه شامله اهلاك الماكينه + سعر الخيوط + اجره العامل
و كذلك الحال في الصباغه

4-بص يا اخي الكريم
سعر البيع للسوق لجوده شبه مماثله للمنتج ده حوالي 50 الي 60 جنيه
و اسال هنا في المنتدي
انا مش بتكلم علي منتج شعبي
الشعبي بقي حاجه تانيه من فضل الله بنعمل خامه شعبي بجد جوده اقل شويه و تكلفه اقل كتير و سعر رخيص بس دي حاجه تانيه غير اللي بنتكلم فيها بس بردو ممكن نعملها الامكانيه موجوده يعني ان شاء الله
ف 28 جنيه ده يعتبر سعر قليل جدا لمنتج لوكس و ان شاء الله سعر البيع لن يقل عن 35 جنيه ابدا
و البيع و الشراء امامي و الاسعار دي واقعيه و يأكدوا ان ينفوا من يشترون هذا المنتج اللوكس مش الشعبي

5- اخي الكريم
اهو السؤال ده فعلا في الجون
و احب اقولك ان السوق الي الان محتاج زياده
بالاضافه الي شيء
اننا ان شاء الله هنعمل اشياء جديده السوق محتاج ليها و هي لا تصنع في مصر
زي مثلا فاشون جديد و اشكال و تصميمات جديده من الموديلات و اضافه اكسسوارات رخيصه التمن لكن بتعلي من قيمه القطعه و هكذا
يعني احنا عندنا ان شاء الله محورين
الاول المنتج العادي البيزك اللي زي الموجود ان شاء الله هنعمله بس بجوده احسن
و جوده احسن دي مش كلمه مطاطه كده و خلاص
لا
جوده احسن يعني
1-مقاسات للباترون اكثر دقه تدي اريحيه في اللبس
2-خامات جيده
3-فيها صنعه و حرفيه ( لان اساسا اساس شغلي هو التصدير )
4-عمليه من حيث الاستخدام ( محدش مثلا يقول الغرزة دي خشنه او الجزء ده بيضايقني و هكذا

المحور التاني
الفاشون و الابتكار ( و ده محدش بيتبناه في مصر مش علشان حاجه اكتر من ان كل المصنعين مهتمين بالشغل البيزك و لم يعطوا الفاشون اي اهتمام لانه فن تاني مختلف خالص و له مجاله و طعمه )
لكن هيبقي ميزة جديده لينا من تنوع الموديلات و اشكالها و تصميمتها و نقاشاتها و قصاتها و هكذا


و بالنسبه لتحديد ميعاد انا تحت امركم اقترحوا
و انا زي ما بقول اقترحت مكان
نادي الطالبيه بمحطه الطالبيه يعني نخليها قبل الصلاه علشان لو حد حب يروح مشاوير بعد الصلاه
و تحت امركم
و جزاكم الله خيرا علي كلام حضرتك البناء اللي بجد اثري الموضوع

عاملين زي جامعه الدول العربيه مش عارفين نتفق حتي علي ميعاد نتقابل فيه
هههههههههههههههههه
ايه يا شباب اقترحوا انتو الميعاد و المكان لو اقتراحي للمكان مش متوافق معاكم