لو عاوز تريح دماغك من اضطرابات الاقتصادية في البلد و تعمل مشروع تعالي اقرا و مش هتندم

**Hondawy_2008** · 28-12-2011 05:15 AM

متابع

**medododo** · 28-12-2011 08:52 AM

متابع جدا
بالتوفيق إن شاء الله

**katz** · 28-12-2011 09:13 AM

متابع باهتمام شديد

**MEDO84EG** · 31-12-2011 03:54 PM

المشاركة الأصلية كتبت بواسطة egytamer

موضوع جميل جدا.
بس ليا شوية ملاحظات بصفتي كان عندي مصنع تطريز سابقا
اولا سعر البديهات الي هتنتج من المصنع دة هتكون رخيصة جدا لان الي بيشتري بيدفع في الاسم اغلب الفلوس مش في السلعة ذات نفسها يعني الي بيشتري حاجة كونكريت عارف انها ممكن تكون في ماركة تانية وارخص بس هوا واثق في اسم كونكريت وبيدفع الفلوس الزيادة في مقابل كدا.
ثانيا البيع في الملابس مش بتاخد فلوسك علي طول لا بتاخدهم علي دفعات والي مبيتبعشي بيرجع المصنع تاني في مثل في تجارة الملابس بيقول البايرة علي بيت ابوها.
دي ملاحظتي .

جزاكم الله خيرا علي زوقك حضرتك
و شكرا علي التعقيب
بالنسبه ردي علي :
أولا : كلام حضرتك صح في حاله وجود ماركات كتير في السوق و منافسات قويه
لكن المنتج ده في مصر المصنعين ليه مش كتير و كمان الجودة الموجوده متوسطه مش عاليه اوي - انا شغال في شركه بتصدر المنتج ده و عارف جودة منتج التصدير ايه و منتج المحلي ايه - و ده طبعا مش ذم في المتواجدين لاننا اساسا مش بنتنافس معاهم و لا حاجه - ففي الحاله دي اي منتج محلي بيطلع بيلاقي ليه مكان لان السوق يتحمل و طالب و الانتاج الموجود في السوق لسه لا يكفي كل احتياجات الناس
و كمان الماكينه مش بتنتج نوع واحد -- لا دي عامله زي العجين ممكن تتشكل زي ما احنا عاوزين
يعني مثلا تنتج لانجيري و بعدين لقيناه مش ماشي ممكن تنتج بنطلون استرتش خلاص لقيناه مش ماشي يبقي بديهات لقيناه مش ماشي ندخل علي الداخلي --لقيناه مش ماشي - ندخل علي ملابس التخسيس - لقيناه مش ماشي - ندخل علي البوكس الرجالي -لقيناه مش ماشي -ندخل علي البديهات و الكت الرجالي -لقيناه مش ماشي - مش مشكله نشغل شغل فاشون و اكسسوارات و نعمل شغل و نطبعه
و معتقدش ان كل اللي فات مش ماشي في السوق
خاصه ان ممكن المقشات و الرسومات و التطريزات اللي علي كل موديل تتغير في ثواني
و كمان بالنسبه للمستهلك اللي بيشتري ماركه
احنا مع الوقت هنعمل ماركه و اسم لاننا هنطبق نظم التصدير اللي انا شغال بيها في التصدير لدول كبيره زي امريكا و اوروبا اعتقد ان المستهلك هيلمس فرق بنفسه و هيبقي منتج متميز بسهوله
طب هيجي سؤال ....
من دلوقتي لحد ما المنتج يتعرف نخسر يعني ؟؟؟
اقولك لا طبعا هنعمل عروض و نبيع بربح قليل شويه و نعمل رسومات جذابه و غلاف شيك و خامات مميزة و نهتم بالحاجات اللي تجذب العين زي الفيونكات و الاساتك و الشرايط و خلافه
هنتشقلب يعني علشان نقنع المستهلك ان شاء الله
يعني هيبقي التشجيع علي الشراء سهل لان المنتج ده استهلاكي جدا

طولت في النقطه دي
نيجي بقي للرد علي
ثانيا : كلام حضرتك مظبوط بس بردو مش في المنتج بتاعنا
ليه ؟
لانه استهلاكي و بيبيع علي طول
يعني التاجر بياخده و يبيعه علي طول لان السحب عليه شغال
انما موضوع البايره علي بيت ابوها طبعا في المنتج اللي مش بيبيع
لكن اللي بقول لحضرتك عليه ده بيتنسف من السوق
و اكبر دليل علي كده
شوفوا كل بيت في مصر فيه كام بدي و كام قطعه ملابس داخليه و كام لانجيري و كام بوكسر من الشغل ده
الميزه ان المنتج ده في مصر عملي جدا و المصنعين مش كتير
و الجوده المتاحه يعني مش اد كده
و علشان كده مجال المنافسه فيه لسه مفتوح
يعني اي مصنع هيفتح و يظبط الجوده و منتج صح هيبيع طياره و هيبقي علي القمه
و اخيرا جزاكم الله خيرا علي التعليق اللي اتشرف بيه

**MEDO84EG** · 31-12-2011 04:01 PM

المشاركة الأصلية كتبت بواسطة el_nahal2004

مع حضرتك فى الكلام وعايش التجربة لانى مساهم بمصنع ملابس

واهم حاجة التوزيع قبل ماتنتج
يعنى الحاجة تكون متوزعة قبل ماتنتج

كلام حضرتك مظبوط
و علشان كده المنتج اللي بنتكلم عليه متميز لان التوزيع بتاعه غايه في السهوله
لانه استهلاكي جدا
لانه منتج عملي يعني متعدد الاستخدام
يعني مثلا الماكينه بتنتج حاجات كتير زي ما قولنا قبل كده
بالنسبه للبدي في اللي بيبلبسوه تحت الهدوم و في اللي بيلبسوه يدفوا بيه و في غير البدي حاجات كتير بنطلون استرتش و لانجيري و ملابس داخلي حريمي و حاجات كتير
المنتج نفسه مش زي اللبس العادي
الخامه مختلفه
اللي بيطلقوا عليها خامه كارينا
علشان كده الخامات دي مختلفه و مطلوبه لانها عمليه جدا و مريحه
و بتمتص العرق

**husseinthemaster** · 31-12-2011 04:13 PM

مشروع جميل ومتابع معاكم

**MEDO84EG** · 31-12-2011 04:17 PM

المشاركة الأصلية كتبت بواسطة evo

يا ريت تعمل دراسة جدوى شاملة من ا لل ياء لأن الموضوع عاجبني وممكن ادخل المجال ده

بس تكون نسبة المخاطرة مشموله في الدراسه

بالنسبه لموضوع دراسه الجدوي لا مانع بس يا ريت حضرتك نتواصل علي الخاص او علي الايميل علشان دراسه الجدوي بتبقي متطلبه لمعلومات اكثر تفصيلا لازم اعرفها من حضرتك

**MEDO84EG** · 31-12-2011 04:21 PM

المشاركة الأصلية كتبت بواسطة power

بعد اذن صاحب الموضوع طبعا
انا كنت عملت دراسه بسيطه جدا لتكاليف المشروع فلو ياذن ليا ممكن احطها و نتناقش فيها

جزاكم الله خيرا علي التعاون
يا ريت بعد اذن حضرتك نتواصل علي الخاص نناقشها سوا و نظبطها و نعرضها علي الاعضاء بعد التعديل
ايه رأي حضرتك ؟

**yascro** · 31-12-2011 05:07 PM

ممكن افيدكم ف التوزيع عشان انا عندى مصنع ملابس ومكتب جمله ومطبعه منسوجات وتطريز
الموضوع كويس جدا بس اهم حاجه التسويق
يعنى تنتج اقل من المطلوب منك وتعطش السوق على طول ودايما لازم يكون فيه موديلات جديده
وبالتوفيق باذن الله