الموضوع: هو سليمان قال ان المظاهرات لن يسمحوا باستمرارها كتير و انقلاب و كده ؟

المشاركة الأصلية كتبت بواسطة heshamzaky

يا سمسم الجيش مش غبى زى عساكر الامن المركزى البقر الى بيضربو فى الناس زى الهمج . بس لو حدث حا يعطيك فرصة و تحذير علشان تمشى فى أمان و لو فضلت مصر ممكن بقى يتعامل معاك بعد كدة بمنتهى الحزم . و أن الدول الاجنبية تتدخل دة مستبعد لآن لو لا قدر الله دة حصل حا تبقى زى العراق كدة شبة محتل و لكن الدول الاجنبية يا باشا ليها مصالحا و أستثماراتها الى بالمليارات و علاقة مصر و موقعها الجغرافى دة متميز جدا جدا يعنى مصالح الدول الاجنبية مع أستقرار الاوضاع مش مع المظاهرات و لا الى ضد المظاهرات دول عاوزين مصلحتهم و بس

يا باشا الجيش فى التعامل مع المدنيين اضعف بكتيير من الشرطة الا اذا استخدام الرصاص الحى ودا من رابع المستحيلات ولو خدوا امر بالضرب بالرصاص الحى هتكون دى نهايه النظام لان الجيش هيمتنع عن التنفيذ
وهو دا سيناريو تونس لما الجيش خد امر ضرب رصاص حى الجيش امتنع و خيرو بن على بين الرحيل او القتل
عايز افكرك بحاجة كمان الشرطة يوم جمعة الغضب رفضت امر حبيب العادلى بالضرب الحى و هو دا سبب هروب الشرطة يتضرب حى لاما الناس هتاكلك وفعلا قائد قوات الامن المركزى اسمه حاجة رمزى امتنع عن الضرب (دى شهادة الكاتب علاء الاسوانى)
دول الشرطة وامتنعو الجيش هيضرب؟؟؟ الاجابه هى مستحيييييييل

كل دا هو ارهاب فكرى ومعنوى واعتقد بعده هيطلع مبارك فى بيان لاعطاء المزيد من التنازلات ( يارب يكون التنحى)

المشاركة الأصلية كتبت بواسطة hussein

يا باشا الجيش فى التعامل مع المدنيين اضعف بكتيير من الشرطة الا اذا استخدام الرصاص الحى ودا من رابع المستحيلات ولو خدوا امر بالضرب بالرصاص الحى هتكون دى نهايه النظام لان الجيش هيمتنع عن التنفيذ
وهو دا سيناريو تونس لما الجيش خد امر ضرب رصاص حى الجيش امتنع و خيرو بن على بين الرحيل او القتل
عايز افكرك بحاجة كمان الشرطة يوم جمعة الغضب رفضت امر حبيب العادلى بالضرب الحى و هو دا سبب هروب الشرطة يتضرب حى لاما الناس هتاكلك وفعلا قائد قوات الامن المركزى اسمه حاجة رمزى امتنع عن الضرب (دى شهادة الكاتب علاء الاسوانى)
دول الشرطة وامتنعو الجيش هيضرب؟؟؟ الاجابه هى مستحيييييييل

هو أنا قولت لك أو ذكرت أنة سيضرب على المدنين بالرصاص الحى ؟ لو حابب تعرف السيناريو من وجهت نظر ليست بالطبع أن تكون مظبوطة مائى بالمائة ممكن أتخيلها معك .الاول حا يتم أعلان حظر تجول بالمعنى الحقيقى المفهوم و يتم أعطاء مهلة للمدنين للتفرق و العودة أمنين سالمين أما لو أصرو على التواجد ممكن جدا جدا تتم محاصرتهم و دة مفيش أسهل منة من غير ضرب و لا بهدلة و يقطع عنك كل الخدمات الحيوية أبسطها الكهرباء و لو الجيش عاوز يمشيك حا يمشيك لا تتخيل أن الجيش ضعيف و لو أستكمالا لما تقول أن الجيش أمتنع عن الضرب دة لو أساسا و دة مستحيل يضرب عليك نار و ذخيرة حية لان الذخيرة الحية تكون للعدو مش ليك بس لا يستطيع الجيش تكسير الاوامر العسكرية و ممكن جدا لو حدث تمرد من أحد قوات الجيش ممكن يتم أعدامة رميا بالرصاص فى وقتها لان القانون العسكرى يعتبرها خيانة عظمى و هناك جيش أخر أسمة الحرس الجمهورى ممكن جدا جدا يتعامل مع الافراد او بعض قطاعات القوات المسلحة لو حدث أنشقاق .

المشاركة الأصلية كتبت بواسطة mfarag

+11111111111111111111111111111111111111111111

لو كان النظام يقد يعملها كان عملها من اول يوم

دا نوع من التصريحات زى تصريحات الفوضىو الفراغ هدفها كسر الارادة الشعبية

بص يا باشا أنا بصراحة قرأت لك مشاركات عديدة و عاوز أقولك حاجة علشان تعقلها بالمنطق كدة و من منطلق الفكير العقلانى . أنت فاكر لو تم أعلان أن البلد فى حالة عصيان مدنى و الجيش تدخل مش حا يقدر يسكت الارادة الشعبية . حا يسكتها و حا تتحكم عسكريا و الله يبعد عن الجميع السجن العسكرى . السجن العادى يعتبر ترفية بالنسبة ليوم واحد فى السجن العسكرى . و تقدر تقولى الارادة الشعبية حا تقاوم القوات المسلحة ازاى و باى أدوات و ما هو التسليح الذى ستواجة بة تلك الارادة القوة العسكرية . يا ريت نتحرى الدقة فى المعلومة قبل عمل تعبئة للرأى العام علشان ما نتحكمش عسكريا و الناس الى مش فاهمة تكون ضحية .