هو سليمان قال ان المظاهرات لن يسمحوا باستمرارها كتير و انقلاب و كده ؟

**Col. Eng. Khaled** · 09-02-2011 07:11 PM

عاطفيا رأيي مش حيعجب حد ، عمليا في أعضاء كتير كتبوه و الكلام ما عجبش

رأيي من منظور عسكري شرعي و قانوني محليا و دوليا فعلا مش حيعجب حد خدم مدة كبيرة بالقوات المسلحة

مع العلم الحل ده حيدعمه الرأي العام العالمي المتعاطف - حاليا - معانا كلنا و أرجو إن التعاطف العالمي نسقطة من حساباتنا إن أردنا المسلك العملي .

أول البشائر :-

المحتجون يردون "بغضب" على تعليقات نائب الرئيس المصري

**heshamzaky** · 09-02-2011 07:21 PM

الرسالة واضحة يا سيادة العقيد و كلنا عاطفيا لا نتمنى حدوث ذلك بس للأسف بيحدث شحن معنوى بيخلى الناس تهيج و للأسف مش مقدة مدة دقة الوضع الى البلد فية

**M.Zaher** · 09-02-2011 07:55 PM

المشاركة الأصلية كتبت بواسطة hobiko

إيه الحرب النفسية الرهيبة دي ؟؟؟؟!!!!!

إيه حرب التهديد بالإبادة العسكرية دي ؟؟؟؟؟!!!!!!!!!!!

حرام عليكم ..... انتو بتكلمو على متظاهرين التحرير كأنهم فراخ ..... الجيش حيخش يولع في الناس عادي جداً

هو الجيش دة جاي منين ....... مش من الناس

تعالو نقرا التاريخ ...... عمل إيه الجيش أثناء الثورة الإيرانية ..... عمل إيه في رومانيا ....... و في دول كتير

لما الجيش أخد الأمر بإطلاق النار على متظاهرين سقط في اليوم الأول الاف الشهداء ....... بس بعد كدة الجيش أدرك خطؤه و إنقلب على النظام

الجيش دة جزئين القيادة الموالية لمبارك ...... و صغار الظباط المواليين لأهلهم و ضميرهم و بلدهم قبل كل شيء

بصراحة لو الجيش عمل كدة في المتظاهرين السلميين ..... و إنتصر للطاغية ...... حتبقى حرب أهلية ملهاش نهاية

لو الجيوش تقدر تفني الشعوب ........ كانت إسرائيل فنت الفلسطينيين ..... كان الصرب فنو البوسنة و الهرسك ...... كانت روسيا فنت الشيشان و الأمثلة في التاريخ كتير أوي

حاجة أخيرة ...... الرئيس إلي عنده إستعداد يفني شعبه ..... إلي عنده إستعداد إن المصريين يموتوا بعض ..... إلي عنده إستعداد يخاطر بحرب أهلية

دة ينفع تثق فيه 5 دقايق مش 6 شهور

لله الأمر من قبل و من بعض

+1111111111111

**Col. Eng. Khaled** · 09-02-2011 07:58 PM

المشاركة الأصلية كتبت بواسطة hobiko

إيه الحرب النفسية الرهيبة دي ؟؟؟؟!!!!!

إيه حرب التهديد بالإبادة العسكرية دي ؟؟؟؟؟!!!!!!!!!!!

حرام عليكم ..... انتو بتكلمو على متظاهرين التحرير كأنهم فراخ ..... الجيش حيخش يولع في الناس عادي جداً

هو الجيش دة جاي منين ....... مش من الناس

تعالو نقرا التاريخ ...... عمل إيه الجيش أثناء الثورة الإيرانية ..... عمل إيه في رومانيا ....... و في دول كتير

لما الجيش أخد الأمر بإطلاق النار على متظاهرين سقط في اليوم الأول الاف الشهداء ....... بس بعد كدة الجيش أدرك خطؤه و إنقلب على النظام

الجيش دة جزئين القيادة الموالية لمبارك ...... و صغار الظباط المواليين لأهلهم و ضميرهم و بلدهم قبل كل شيء

بصراحة لو الجيش عمل كدة في المتظاهرين السلميين ..... و إنتصر للطاغية ...... حتبقى حرب أهلية ملهاش نهاية

لو الجيوش تقدر تفني الشعوب ........ كانت إسرائيل فنت الفلسطينيين ..... كان الصرب فنو البوسنة و الهرسك ...... كانت روسيا فنت الشيشان و الأمثلة في التاريخ كتير أوي

حاجة أخيرة ...... الرئيس إلي عنده إستعداد يفني شعبه ..... إلي عنده إستعداد إن المصريين يموتوا بعض ..... إلي عنده إستعداد يخاطر بحرب أهلية

دة ينفع تثق فيه 5 دقايق مش 6 شهور

لله الأمر من قبل و من بعض

حضرتك حقك عليا و أنا بعتذر لك

و طالما الكلام بوضوح يضايق حضرتك أو غيرك فمش بس بأرجوك و أرجوهم تعتبر إنك ما قرتهوش ....... لأ أعتبرني مش موجود في المنتدى من الأساس ، و إن حد لقى لي كلمة أو رأي في

المواضيع المتعلقة بالشأن الداخلي له منّي عدم الإعتراض لا بحسنة أو سيئة .

و شكرا .

**nevozaky** · 09-02-2011 08:08 PM

[quote=م.احمد زكريا;3873278475]السيناريو الاسواء هو تدخل قوات الامم المتحدة واحتلال قناة السويس بدعوى الحفاظ على المصالح العالمية في قناة السويس والحفاظ على امدادات البترول
وهوب تلاقي اسرائل دخلت سيناء للحفاظ على مصالحها من امدادات الغاز
وامريكا حطالك حاملة طائرات مقابل سواحل الاسكندرية

ومرحبا بكم في العراق الجديد[/quot11)

دى اسواْ حاجة فعلا اللى حضرتك بتقول عليها . بس انا متوقعة ان فى حاجة تحصل قريب فى قناة السويس زى ما حصل فى انابيب الغاز الطبيعى .وبعدين وقتها من حق الرئيس ان يغلق القناة .وبعدين العالم كله طبقا لمصالحه هيجرى على امريكا وهيطلبوا فتح القناة مع وجود القوات المسلحة لحمايتها .فى الوقت ده الرئيس هيقول انا عندى مشاكل داخلية والجيش نزل داخل الوطن .فى اللحظة دى كل العالم هيعطى للرئيس اشارة خضراء علشان يتصرف زى ما هوه عايز طبقا لمقتضيات الامور

**heshamzaky** · 09-02-2011 08:09 PM

دى مش حرب نفسية دة واقع الناس لازم تفهمة علشان ما يتجرش ناس وراء سراب . لابد من معرفة نقاط القوة و الضعف و الحكم على الامور بموضوعية مش بالعواطف . محدش هنا لة أى اغراض سياسية بس لما تسمع ان فية ناس بتتحضر للذهاب لمقر الرئاسة يوم الجمعة يبقى توعيهم بما يرضى الله علشان ما نفقدش حد مش نقول أنها حرب نفسية و بالنهاية كل شخص بيكون مسؤل عن أفعالة و الى بيشيل يعرف اية الى بيشيلة

**AmAhmed** · 09-02-2011 08:30 PM

نقاشكم مثمر و احييكم عليه
الشئ الوحيد الذي يقلقني هو وجود فتنة في الجيش مابين اجزائه
ده هم كبير و اسئل الله الا اراه ابدا

اما تطبيق الاحكام العسكرية و القبضة الحديدة
فانا لا اميل الي نجاح هذه الفكرة لعده اسباب
1- اختلاف العصر الحالي عن عصور زمان ايام 52 مثلا دلوقت في انترنت و فضائيات و صحف عالمية و كُتاب مستقلون الي جانب حالة احتقان دولي نتيجة المشاكل الاقتصادية
فكل ما سبق لن يسمح للمواطن الغربي ان يقبل بان تعترف حكومته و تشترك في دعم حكم العسكر لمصر

2- المفروض الناس تحترم الجيش لو طلب منها اخلاء التحرير بالعنف و عدم التصعيد مع الجيش لانها معركة خاسرة
و ساعتها يتفضل قادة الجيش بتشغيل المصانع و و دوائر الاعمال بأنفسهم
لان ساعتها سيتجلي العصيان المدني بحق و ستصاب مصر بحالة من الشلل التام
لان احنا بنتكلم عن الاغلبية المطحونة التي لها ثأر مع النظام و لن تسكت عنه ابدا

اما عن التدخل الاجنبي فالوضع الاقتصادي و العسكري لدول الغرب لا يسمح لهم بهذه الاجرائات لان المواطن غربي سئم الحروب التي تسببت في اضعاف اقتصاده القومي و حالة الكساد في الاسواق
و اي تحرك لاسرائيل سيحول الازمة المصرية الي ازمة عربية ستستقط فيه اكثر من عاصمة عربية في ايد الثوار من المواطنين و ده تصعيد مش في مصلحة اسرائيل

مصلحة الغرب و اسرائيل الان ايجاد نظام جديد لمصر يُشعر المصريين بقدر من الحرية و التحرك للامام بدون التاثير سلبيا علي مصالحهم في المنطقة و بسبب عناد النظام الحالي هذا السيناريو تأجل و تعطل و المصالح الغربية متعطلة معه و علي راسها برميل البترول الذي تتزايد قيمته يوميا

-

الموضوع: هو سليمان قال ان المظاهرات لن يسمحوا باستمرارها كتير و انقلاب و كده ؟

LinkBack

أدوات الموضوع

عرض

-

-

-

-

المواضيع المتشابهه

كيف تحمى سيارتك من المظاهرات

كروز مشتركه فى المظاهرات

الى كل من ينادي بوقف المظاهرات

ايه القرف ده - المظاهرات لحد فين ؟

الكلمات الدلالية لهذا الموضوع

المفضلات

المفضلات

ضوابط المشاركة