الموضوع: انت زعلان من تصرفات اللي في التحرير-ناوي تعمل ايه ؟

المشاركة الأصلية كتبت بواسطة dr-mohamed

لا يا شهدي الا في حالة واحدة بس لو المصدر ده هو وزير الدفاع نفسه
وبالتالي يبقي الكل هيضرب ولو الكل ضرب هاتبقي مذبحة
وحتي لو فيه البعض رفض البعض هيوافق وهيضرب
وانت متعرفش البعض بتاعة الجيش دي ممكن توقع كام
والجزء اللى رفض في الحالة دي يا اما ينسحب يبقي عندك تمرد
يا اما يضرب الجزء اللى ضرب يبقي الجيش بيدمر نفسه
سيناريوهات زي الزفت كلها اسوا من بعضها

المصدر .. رتبتة أركان حرب وحتى لو عرفوا يفركشوهم ومش عارف اذاى ... حيكون فى عصيان مدنى

المشاركة الأصلية كتبت بواسطة a.saad

اللى عايز يدعم الثورة
يدعى بحفظ مصر ويبطل مشاركة فى المظاهرات

انا ضد الذهاب لقصر الرياسة يكفى الاعتصام فى ميدان التحرير .. الى ان يتحقق اى طلب من طلبات الناس

المشاركة الأصلية كتبت بواسطة metenawy

انا شايف انه من المستحيل معرفة ما يملكه الرئيس و ان الارقام دي تكهنات يعني ممكن دي تكون ثروة اي حد من عياله لكن هو لا لسببين
اولا: صعب جداا تعرف اي معلومة عن حتي ميزانية مؤسسة الرئاسة فمبالك بالرئيس نفسه
ثانيا: ان لو بيحوش اكيد كان حيلم اكتر من كده بكتير
وفي جميع الاحوال اذا مدفعشي حاجة و خلع حنعمل احنا ايه؟؟
حنشفوف عقد عمل ولا هجرة يطلع بيه الشعب المصري كله و نأجر البلد مفروش؟؟؟؟؟؟؟؟؟؟

دى ثروة أسرة الرئيس ... والارقام منشورة على كل مواقع النت و معظم البرامج التلفزيونية الاجنبية نشرتها

المشاركة الأصلية كتبت بواسطة heshamzaky

تمام . و الناس فاكرة أن لو الفلوس دى جت حا تتوزع مثلا على الناس و كل فرد حا ياخد حصة من الغنيمة الكبيرة دى . أبدا حا يدخلو فى الموازنة العامة للدولة (( لو دخلت )))

طب ياريييييييييييييييييييييت يدخلواااا

المشاركة الأصلية كتبت بواسطة otefa

خليك في حالك ياشهدي
ده أنت حتى ماجاوبتش على أي حوار بمنطق أوتحليل لما يمكن أن يحدث في حال نجاح الثورة
فالله يخليك بلاش أسلوب الثوار ده........أنا شايف أنك أنت ألي مابتزهقش

لا والله انا برد برأيى مش برأى ال copy w paste

وحلو أسلوب الثوار دة ... دى حاجة تشرفنى على فكرة بدل ما أقعد ابص بأمتعاض للى بيحصل للبلد واقول وحشين اللى عايزين يعيشوا ويشموا نفسهم.

وأى تحليل عايزة لو الثورة نجحت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ لأ تفشل
احسن ونرجع ذى ماكنا لو دة يرضيك.

المشاركة الأصلية كتبت بواسطة metenawy

يا جماعا لازم نحترم بعض في الحوار و نعرف ان كلنا عايز مصر احسن بس من وجهة نظره كل واحد فينا يعني في راي الي خرج في 25 و 28 يناير هم الثوار الحقيقين ثم بعد ذلك انقسمو جزء ارضاه خطاب الرئيس و منتظره بس يخرج عن الوعود عشان ينزلو تاني و جزء شاف انه لازم يمشي حالا و مرضاش بالمبارك قال عليه في خطابه في الحالتين دول ثوار و دول ثوار لان الثوار هم من اجبرو النظام ان يخضع لهم و طبعاا دول الي نزلو في 25 و 28 و ضاحو بحياتهم و استحملو المخاطرة و الي بسببهم الناس الي في التحرير قادرة انها تعتصم و تشم ريحة الحرية يبقي ميصحش ان احنا نقولهم انتم مش ثوار عشان مش موافقين علي الاعتصام لان دول الاصل و بدونهم ولا كان في اعتصام ولا غيره

المنتدى هنا منقسم بين مؤيد للتظاهر لأن احنا مخدناش حاجة من المطالب اللى اتطلبت لحد دلوقتى واكيد حضرتك عارف

والجزء الأخر بيقول كفاية كدة ونسيبهم الحكومة يعنى يشتغلوا ونشوف حيعملوا أية ... لكن الجزء الأخير بدأ يزود أراء جديدة وهى ان المتظاهرون هم اللى حيخربوا البلد و بسببهم حيعم البلاء والفقر وتضيع مصرنا منا بسبب طمع المتظاهرين وطفاستهم فى المطالب و الضغط على الحكومة اللى حيفجرها.


_____________________________________


المشكلة انى واحد من اللى بيؤيدوا التظاهر لأن لا أثق نهائى لا فى الحكومة ولا الرئيس ولا حتى نائب الرئيس !