الموضوع: الاستغلال والانتهازية في أسوأ صورها

المشاركة الأصلية كتبت بواسطة abogogo

طب وليه ما نسمهاش صحوة للمطالية بالحقوق المشروعة

المطالبة بالحقوق المشروعة يكون بعيدا عن استغلال الثورات التي تطالب بحقوق المجتمع كله

المشاركة الأصلية كتبت بواسطة elshimy

اسمحلي اختلف معاك انا شغال في شركه بتروتريدالشركه فيها اعتصامات من اكتر من سنه واخر اعتصام كان يوم 22 يناير وانتهي بسبب المظاهرات ولو حضرتك عرفت كمية الظلم والفساد في الشركه مش هتقول استغلال ده اسمه مطالبه بالحق اقل مثال لما تستني 6 سنين علشان تتثبت وتلاقي واحد تاني جاي بالباراشوت متثبت جاهز وعلي كادر تاني غيرك بيقبض ادك 4 مرات ويراسك كمان وهو كل خبرته في الشغل صفر ده يبقي اسمه ايه ده مثال واحد بس من امثله للسرقه والنهب اللي عايشين فيه

طبعا يا شيمي بيه نختلف مع بعض ونتقبل راي بعض لان دي اسس لعبة الديمقراطية
ونفس الرد المطالبة بالحقوق الخاصة يكون بعيدا عن وقت الثورة بدليل اي مهندس عند حضرتك سواء اللى من 6 سنين او اللى نازل بالبراشوت بياخد اكتر من دكتور في الجامعة متعين من 15 سنة
وبرغم كدة لما جه هاني هلال عايز يجتمع بينا علشان يشوف مطالبنا البعض رفض تماما الاجتماع قبل تنفيذ مطالب المتظاهرين في التحرير والبعض وافق على الاجتماع بشرط بحث مشاكل التعليم فقط وعدم بحث اي شئ يتعلق بالرواتب لان الان نحن امام مصلحة وطن وليس امام مكاسب مادية مهما كانت ستكون تافهة في مقابل مكاسب الثورة
وبعدين ما فيه ناس كتير فقدت عملها او خفضت رواتبها وتحملت علشان خاطر نجاح الثورة وفيه موضوع هنا عن الكلام ده البهوات اللى بيشتغلوا في الحكومة مش جاي لهم صبر لما نشوف الثورة هاتنتهي على ايه علشان يستغلوا الفرصة ؟؟؟؟؟؟؟؟؟
قمة الانانية والانتهازية

المشاركة الأصلية كتبت بواسطة amahmed

انا في اول الموضوع قلت اكيد يقصد قيادات الاخوان او الوفد او التجمع
الاقيك بتتكلم علي المطحونين و المظلومين و بتوصفهم بالانتهازين
بنفس المبدأ يبقي اللي في التحرير و في كل المحافظات انتهازيون برضوا
بل بمنطقك الغريب ده يبقي دي ثورة الانتهازيون
انا لا افهم منطقك في الحكم علي الناس و حقوقهم المشروعة نهائيا

ماليش دعوة هنا بالاحزاب والاخوان لان دول حكاية تانية خالص
اما اللى بيطالب بمطالب خاصة بالعمل وزيادة الرواتب او العلاوات دلوقت ففعلا انتهازي واناني
والثورة قامت لمصلحة المجتمع ككل كان الشعار في اول يوم عيش حرية عدالة اجتماعية مش زيادة مرتبات اللى في الاتصالات ولا المواصلات ولا غيرهم
المطالبة بالصالح العام وليس الخاص هو اساس الثورة وسبب نجاحها ولو التفتت كل فئة لمصلحتها الخاصة لانتهت الثورة اسرع مما بدات

المشاركة الأصلية كتبت بواسطة م.احمد زكريا

ما هي دي المأساه كل واحد كان ليه مشكلة ومنفسن من حد بيطلعها دلوقتي (( فوضى فوضى فوضى ))ورد خالد بيه جاب من الاخر

قمة الفوضي وفعلا رد خالد بيه بيجيب دايما من الاخر
صبرني يا رب