الاستغلال والانتهازية في أسوأ صورها

**dr-mohamed** · 10-02-2011 03:11 AM

المشاركة الأصلية كتبت بواسطة sara2001

في رأيي ان ده مش وقت الإعتصامات الفرعيه في الهيئات والوزارات الحكوميه
حتى لو كانت كل مطالبهم مشروعه
الإلتفاف على هدف واحد اولاً هو الأهم
كده ممكن يحصل تشتيت لمطالب الثوره
وممكن يدخل فيه كل من له مصلحه بسيطه
ما ينفعش احط في مطالب الثوره الأساسيه اللي هدفها الإصلاح السياسي
موظفي هيئة كذا لازم يزيد مرتبهم
سكان منطقة كذا عايزين شقق
فلان مش بياخد معاش كويس
كل دي مطالب مشروعه بس مش دلوقتي
الإصلاح السياسي لو تم بالتأكيد
سوف يتبعه تحقيق المطالب الخاصه بالتدريج

المشاركة الأصلية كتبت بواسطة nevozaky

يا دكتور محمد انا قلت فى مشاركة سابقة فى موضوع سابق انا الكلام ده صح .والناس بتدور على مصلحتها بس هما عندهم حق علشان مخنوقين من الظلم وانهم مش بياْخدوا حقهم .بس ده مش وقته خالص انا قلت ان الناس تبداْبالاهم وبعد ين المهم وبعدين الاقل اهمية .لكن هما شايفين ان ده المهم ولو ما قدرش ياخد حقه دلوقتى مش هياخده تانى خالص .

انا قلت لحضرتك يا دكتور ان فى احتجاج اخر هيعملوه الغير مثبتين فى مصلحة الضرائب يو الاحد الساعة 9 امام وزارة المالية ودى حاجة لسه جديدة علشان انا اعرف ناس منهم .

اتفق معكما تماما
ليس وقت مصالح فئوية
اما ثورة للمجتمع كله او كل واحد يدور علي مصلحته ونفضها سيرة

المشاركة الأصلية كتبت بواسطة dr ahmed

كل صاحب مظلمة من حقه يقف مع الثورة ويعرض مظلمته
وكل الاعتراضات دى اعتراضات على النظام فى الحقيقة
الاعتراضات دى ممكن اعتبارها جزء من الثورة

الكلام ده لما تنتهي الثورة يبقي مقبول لكن وقت احتياج الثورة لكل دعم وقت ما زالت دماء الموتي لم تجف وقت المصابين لم يشفوا بعض والمعتقلين لم يفرج عنهم بعد وقت اكترمن 10 مليون فقدوا مصدر رزقهم ولشهور بشبب الثورة ليس ابدا وقت المطالبة يزيادة المرتب او شقة
ولا ايه رايك يا دكتور ينفع المرتب يزيد بدم قتيل في الثورة ؟؟؟؟؟؟؟؟؟؟؟؟؟؟

وشكرا للادارة على اعادة الموضوع بعد الحذف لانه ليس به ما يتعارض مع القوانين والاداب العامة ولا ايه راي سيادتك يا دكتور ؟؟؟؟؟؟؟

**JUVENTUS** · 10-02-2011 03:17 AM

فيه نقطة برضو احب اقولها ان الناس دلوقتي اصبح عندها الجرأة انها تعمل كل هذه الاعتصامات قبل ثورة الشباب في 25 يناير مكانش حد بيعمل كل ده

**a_tantawy7** · 10-02-2011 03:49 AM

أعتقد أننا كنا محتاجين-و أنا أولكم- أن كل واحد فينا يعمل ثورة على نفسه الأول, بمعنى يحسن دينه, أخلاقه, أما اللي أحنا فيه ده فهو طوفان من الفوضى لا يفرق بين فاسد و صالح. أنا واحد من الناس تقريبا أتخرب بيتي نتيجة الأحداث الأخيرة. وبقولها بصوت عااالي"حسبي الله ونعم الوكيل فللي كان السبب".

**heshamzaky** · 10-02-2011 03:54 AM

يا باشا العملية بقت فوضى عارمة كل من هب و دب بيعمل من أجل مصلحتة الشخصية و صدقنى الكلام دة كلة حا يتلم و البلد ربنا يستر عليها بجد من الى بيحصل

**dr-mohamed** · 10-02-2011 04:17 AM

المشاركة الأصلية كتبت بواسطة a_taamer

البناء على الاراضى الزاعيه بيتم حاليا بسرعة الصاروخ
وطبعا بعد الانتهاء من البناء يتعمل مظاهرات للمطالبه بالمرافق
فين الغلط هنا
فى المواطن ولا المسؤال الى هيقبض مرتبه اخر الشهر ولا فى التحرير ولا فى مصر الجديدة

فعلا عرفت ان البلد عندنا البناء فيها بسرعة الصاروخ في الارض الزراعية
حسبي الله ونعم الوكيل في الكل

المشاركة الأصلية كتبت بواسطة mahmoudysf

كلكم عارفين اني من مؤيدين استمرار التظاهر
لاكن النهاردة لما سمعت عن المظاهرات الفؤية دي
ورغم ان الناس دي بتطالب بحقوق مشروعة
ولاكن كان الاجدى الان ان يتوجة هؤلاء الاف الى ميدان التحرير
امؤازرة اخوانهم في فى تحقيق الهدف العام
او يعتصمون فى اماكن عملهم للمطالبة باهداف الثورة وليس بطلبات خاصة
ورغم ايماني الشديد بان دي حقوقهم
لاكن ده صيد في الماء العكر

يا محمود بيه مش كل الناس يهمها البلد
فيه ناس ميهمهاش الا نفسها وبس وتتحرق البلد

المشاركة الأصلية كتبت بواسطة a_tantawy7

أعتقد أننا كنا محتاجين-و أنا أولكم- أن كل واحد فينا يعمل ثورة على نفسه الأول, بمعنى يحسن دينه, أخلاقه, أما اللي أحنا فيه ده فهو طوفان من الفوضى لا يفرق بين فاسد و صالح. أنا واحد من الناس تقريبا أتخرب بيتي نتيجة الأحداث الأخيرة. وبقولها بصوت عااالي"حسبي الله ونعم الوكيل فللي كان السبب".

والله انت قلت اهم حاجة
وربنا يكرمك ويرزقك من حيث لا تحتسب ويعوضك خسارتك مكسب في الدنيا والاخرة

المشاركة الأصلية كتبت بواسطة heshamzaky

يا باشا العملية بقت فوضى عارمة كل من هب و دب بيعمل من أجل مصلحتة الشخصية و صدقنى الكلام دة كلة حا يتلم و البلد ربنا يستر عليها بجد من الى بيحصل

و دي الكارثة يا هشام بيه احنا داخلين نفق مظلم ان لم نكن دخلنا بالفعل يا وحش

**heshamzaky** · 10-02-2011 04:29 AM

و الله يا دكتور محمد بقيت محتار بكرة و المستقبل حا يبقو اية . الدنيا برضو مش حا تبقى يوتوبيا و المدينة الفضلة بتاعت عم افلاطون دى حا تبقى هية الى موجودة حا تلاقى برضو ريما ترجع لعادتها القديمة بعد ما الموجة دى تعدى

**dr-mohamed** · 10-02-2011 04:38 AM

المشاركة الأصلية كتبت بواسطة heshamzaky

و الله يا دكتور محمد بقيت محتار بكرة و المستقبل حا يبقو اية . الدنيا برضو مش حا تبقى يوتوبيا و المدينة الفضلة بتاعت عم افلاطون دى حا تبقى هية الى موجودة حا تلاقى برضو ريما ترجع لعادتها القديمة بعد ما الموجة دى تعدى

اظرف حاجة ان لابي بي سي بتعيد لقاء مع الدكتور عصام العريان بيقول ان لابد من الوصول الي اهداف الثورة وحوارنا مع الحكومة يجب ان يكون حوار بين متكافئين بينما رفضوا من البداية المشاركة في 25 يناير واعلنوا عدم مشاركتهم فيها
انا عايز اعرف ازاي جماعة حوالى مليون شخص ان تتعامل مع الحكومة الشرعية على وجه التكافؤ ؟
المهم بص يا هشام بيه انا متوقع حتي لو نجحت الثورة الاسوا على الاقل لسنوات
اذا كانوا من دلوقت والاحزاب بتتخانق على التورتة والاخوان معاهم واقباط المهجر في شخص مايكل منير معاهم ومتظاهري 25 يناير معاهم وهم نفسهم كل واحد فيهم مش معترف بالتاني اي واحد يتكلم يطلع له اتنين يقولوا مش بيعبر عننا
واللى هايمسك الحكم من اي من السابقين او باقي المرشحين المحتملين هايحتاج وقت علشان يفهم اصول اللعبة وبعد ما يفهمها هايحتاج يظبط مستقبله بعد ما يترك السلطة اذا كانت هناك النية لتركها
حسبي الله ونعم الوكيل

**heshamzaky** · 10-02-2011 05:00 AM

المشاركة الأصلية كتبت بواسطة dr-mohamed

اظرف حاجة ان لابي بي سي بتعيد لقاء مع الدكتور عصام العريان بيقول ان لابد من الوصول الي اهداف الثورة وحوارنا مع الحكومة يجب ان يكون حوار بين متكافئين بينما رفضوا من البداية المشاركة في 25 يناير واعلنوا عدم مشاركتهم فيها
انا عايز اعرف ازاي جماعة حوالى مليون شخص ان تتعامل مع الحكومة الشرعية على وجه التكافؤ ؟
المهم بص يا هشام بيه انا متوقع حتي لو نجحت الثورة الاسوا على الاقل لسنوات
اذا كانوا من دلوقت والاحزاب بتتخانق على التورتة والاخوان معاهم واقباط المهجر في شخص مايكل منير معاهم ومتظاهري 25 يناير معاهم وهم نفسهم كل واحد فيهم مش معترف بالتاني اي واحد يتكلم يطلع له اتنين يقولوا مش بيعبر عننا
واللى هايمسك الحكم من اي من السابقين او باقي المرشحين المحتملين هايحتاج وقت علشان يفهم اصول اللعبة وبعد ما يفهمها هايحتاج يظبط مستقبله بعد ما يترك السلطة اذا كانت هناك النية لتركها
حسبي الله ونعم الوكيل

ما انا قولت العملية بقت زيطة و زمبليطة فعلا و كله بيدور على مصلحتة و الشعب بتاعنا كلة بكرة حا يفوق و يفهم النتيجة الى حا تؤثر علينا كلنا بس بعد فوات الاوان للاسف