الموضوع: أستهلاك بروتون جين 2 للوقود

أخر المستجدات

97 كيلومتر = 8.3 لتر بنزين أوكتان 92

ظروف القيادة
بدون تكييف
أغلبها طرق سريعة و جزء منها داخل المدينة
السيارة بها شخصين كل الوقت و حمولة بسيطة في أخر 30 كم
السرعة لم تزيد عن 80 كم أغلب الوقت

يعني كل لتر بنزين = 11.6 كم

و الله على ما أقول شهيد

المشاركة الأصلية كتبت بواسطة amir

رجاء خاص للاخ توت
طبعا بعد التحيه لنجم البروتون المتألق
ارجو انك تعمل موضوع منفصل لاستهلاك الجين تو و تحاول تعمل متوسط لكل الارقام اللي انت عاملتها, انا ملاحظ ان بعض ارقامك عباره عن استهلاك مختلط مش طوالي كلها ولا مدينه كلها, ولا بتكييف كلها ولا من غيره كلها, و يا ريت تحاول نجمع كل الارقام اللي عندك و تتطلع المتوسط بتاعها
معلش يمكن بتعبك معايا شويه بس كله يهون لما العروسه تتألق و تنتشر اكتر و اكتر

دكتور امير ......... منور
و شكرا على تحيتك و لك خيرا منها

أنا لسة شايف طلبك ........... و على عيني و رأسي
إن شاء الله أحاول أشوف الإستهلاك داخل المدينة فقط
و طوالي فقط


بس برضه خلي بالك
أنا رجلي مش تقيلة على البنزين و بسوق تا تا لغاية ما العربية تأخد سرعتها واحدة واحدة
-----------------------------------------------------

أخر المستجدات
120 كم = 10.6 لتر بنزين أوكتان 92 = كل لتر = 11.3 كم

العربية بها حمولة 160 كجم ( شخصين كلا منهم 80 كجم )

سواقة غير متسرعة و هادية ( الطلوع بالعربية واحدة واحدة )
تغيير السرعة عند 4000 لفة / دقيقة

حوالي 50 كم منهم داخل المدينة و توقف كثير

و الباقي طرق طوالي

مفيش هوا مضاد ........... من غير تكييف ............

أخر التحديثات

286 كم تم قطعهم ب 18.6 لتر بنزين أوكتان 92
متوسط كل لتر = 15.3 كم

المسافة كلها مقطوعة في رحلة واحدة ( رايح جاي )

حوالي 120 بالتكييف
حوالي 10 كم طرق غير معبدة و كانت السرعة قليلة

متوسط السرعة ............. 110 كم / س
حمولة ...... 3 أشخاص في حدود 230 كجم

تغيير السرعة .......... عند 4000 لفة / دقيقة

ما شاء الله و لا حول و لا قوة إلا بالله
سبحان الذي سخر لنا هذا

شُكرا بروتون ............. شكرا لوتس

بجد أنا كل يوم بحب العربية دي أكتر من الأول

( الله على ما أقول شهيد ) و دي تجربتي الشخصية و الكلام اللي بقوله هنا ربنا هايحسبني عليه

Very good tut thanx ya man 4 keeping us updated

المشاركة الأصلية كتبت بواسطة ahmedsiyam

Very good tut thanx ya man 4 keeping us updated

العفو أخي العزيز ........... أبو صيام

يارب الكل يستفيد علشان اللي عنده مشكلة في الإستهلاك يكشف عليها
و اللي عايز يشتري عربية جديدة يستفيد
و اللي عايز معلومات عن الجين 2 و إستهلاكها برضه يستفيد

و اللي عايز يسوق زيي علشان يوصل للإستهلاك المنخفض يبقى 100 % .... .. و أهلا في النادي اللي بيحسسوا على العربية

أخر المستجدات

76 كم ------> 10.7 لتر بنزين 92 يعني كل لتر عمل 7.1 كم فقط
ظروف القيادة و الأختبار
4 أشخاص في السيارة ذات أوزان محترمة
قيادة داخل المدينة كلها
بالتكييف
الشنطة كانت مليانة

---------------------------------------------------

286 كم --------> 18.5 لتر بنزين 92 يعني كل لتر عمل 15.4 كم ( ما شاء الله )
ظروف القيادة و الأختبار
شخصين فقط في السيارة
قيادة على طرق سريعة
بالتكييف في نصفهم

-------------------------------------------------

140.7 كم ---------> 14.7 لتر بنزين 92 يعني كل لتر عمل 9.5 كم
ظروف القيادة و الأختبار
حرق على الغيار جامد
3 أشخاص في السيارة
بالتكييف كلها
داخل المدينة

------------------------------------------------

و بكدا نستنتج إن العربية من غير حرق على الغيارات و بدون تكييف إستهلاكها بيكون أكثر من ممتاز و بيوصل حتى 16 كم لكل لتر بنزين
أما داخل المدينة فبيزيد الإستهلاك و خصوصا مع التكييف و الزحام الشديد و بيوصل ل 9.5 كم أو 7 كم و بصراحة هذا هو أقل عدد كيلومترات السيارة تقطعه منذ أن أشتريتها
و عمرها ما قلت عن 10.5 بس في هاتين المرتين كنت محمل العربية كتير و كنت مشغل التكييف و ده مكنش بيحصل في المرات السابقة

وشكرا