مطلوب من السيد كريم منير اعتذار رسمى

**dr-mohamed** · 14-02-2011 02:20 AM

المشاركة الأصلية كتبت بواسطة mahmoud19

يعنى انا مثلا اطلع انافقك واقولك ان المنتدى كان ماشى فى المسار الصحيح ومقولكش على الى فى قلبى واكلمك بكل صراحه!؟
وقد يكون كلامك صح وانا شفت جزء ما

لا طبعا مش مطلوب اي حد ينافق
لكن المطلوب رؤية الصورة الكاملة علشان نصدر حكم صحيح عليها ولا ايه رايك ؟؟؟؟؟
لو عايز تعرف الصورة الكاملة وما عرض له كريم نفسه من خطر راجع المشاركات والموضوعات في الاجتماعي من يوم 25 يناير حتي 2 فبراير وراجع اراء الاعضاء وتعليقاتهم اللى لو الثورة فشلت كان زمان كريم خلف الشمس بمعني الكلمة لانه ترك هذه التعليقات في المنتدي هو مالكه والمسئول الاول عنه امام السلطات المختلفة

**mazagngi2010** · 14-02-2011 02:45 AM

بالطريقه دى يبقى هانت
المنتدى ده قرب يخرب ويبقى ماضى

**ahmed_su** · 14-02-2011 02:53 AM

المشاركة الأصلية كتبت بواسطة dr-mohamed

كان زمان كريم خلف الشمس بمعني الكلمة لانه ترك هذه التعليقات في المنتدي هو مالكه والمسئول الاول عنه امام السلطات المختلفة

اللى ايده فى المياه ...

والتضحية لازم تكون حتى اخر نفس .... لكريم منير

**FunnyMickey** · 14-02-2011 02:54 AM

متقلقش يامزاجانجي
كل الحكايه ان الديموقراطيه طفحت من الكيس ودلدقت
بقي اي حد يخش يهزق اي حد وينقده بتجريج وفاضله يومين ويديله علي قفاه وفي الاخر يقوله دي ديموقراطيه
:)

**dr-mohamed** · 14-02-2011 02:58 AM

المشاركة الأصلية كتبت بواسطة ahmed_su

اللى ايده فى المياه ...

والتضحية لازم تكون حتى اخر نفس .... لكريم منير

هههههههههههه
بتفكرني باللى كانوا بيقولوا مستعدين لمحاربة اسرائيل حتي اخر قطرة دم ............ جندي مصري

المشاركة الأصلية كتبت بواسطة funnymickey

متقلقش يامزاجانجي
كل الحكايه ان الديموقراطيه طفحت من الكيس ودلدقت
بقي اي حد يخش يهزق اي حد وينقده بتجريج وفاضله يومين ويديله علي قفاه وفي الاخر يقوله دي ديموقراطيه
:)

ده المواسير كلها اتخربت
وغير اللي قلت لك عليه والا هااعمل ديمقراطي عليك

**MMamdouh** · 14-02-2011 01:43 PM

للاسف الشديد... و بعد قراءة معظم ما ورد... بدات احس بحاجة زعلتنى جدا

بدات احس ان عمر سليمان لما قال "المصريين غير مستعدين للديموقراطية" كان عندة حق

ارجوكم... بلاش ناكد هذا الكلام من خلال التشاحن فيما بيننا لعى صحة و خطاء كل راى ورد...

كل شخص له مطلق الحرية فى رائية... لكن دة لا يعنى ان كل من اختلف معى فهو خاطىء

و لو كان رائى مش صح فدة لا يستوجب منى اعتذار لاحد... فالاعتذار لا يكون الا عن الافعال الخاطئة و ليس الاراء الخاطئة

و احب اضيف حاجة... قصة "مبداء الثبات على رائى واحد" دى خطاء كبير جدا طالما الظروف و المعطيات اللى خلتنى ابنى راى اتغيرت

طالما حصل تغيرات يبقى من الطبيعى ان دة ياثر على رائى و ممكن يؤدى اما لثباتة اكتر او تعديل فيه او حتى تغيرة بالكامل... انما الثبات و خلاص بغض النظر عن اللى بيحصل دة خطاء...

و دة بيفكرنى بدعابة على الفيس بوك كنت قريتها بعد ما حسنى تنحى و كان نصها "الصعايدة مازالو يطالبون بتنحى الرئيس" مع كامل احترامى للصعايدة

طيب ليه احنا معتبرناش دة ثبات على الموقف و اعتبرناها دعابة؟؟؟ لان الموقف اتغير و الريس بالفعل تنحى يبقى الثبات على الراى دة خلاص ملوش لزمة

نفس الكلام لما الظروف تتغير اكيد دة حياثر على رائى بشكل او باخر و حسب التغيير اللى حصل و تاثيرة بيتغير رائى او بيتاثر بيه

اخيرا... متضحكوش الناس علينا.... اتعلموا كيف تكون الديموقراطية و طبقوها على انفسكم قبل الاخرين

MMamdouh