هوندتى بتسخن حد يعرف لية؟؟؟؟؟؟؟؟؟؟؟؟

**Shetos_civic92** · 13-02-2011 08:11 PM

سلام عليكم
انا معايا هوندا سيفيك 92
العربية كانت سخنت منى من شهر كدة ف الميكانيكى قاللى ان الكوعة كانت ضربط فغيرها و شلنا الثرموستات اللى ف الكوعة و هو قالى ان هى ملهاش لزمة ؟؟؟هل فعلا ملهاش لازمة ولا اية؟؟؟؟؟؟؟؟
المهم شلت الردياتير و سلكته و حطيط مية خضرا و كلو تمام و العرية مسخنتش ............بس المشكلة دلوقتى انها بتسخن منى اما بحرق على الموتور يعنى ال rpm على 4 كدة بتبدا تسخن و لو محرقتش مش بتسخن اية المشكلة؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟ظ

**wildwest100** · 13-02-2011 11:08 PM

دى اعراض جوان وش السلندر

**Shetos_civic92** · 14-02-2011 01:52 AM

بس هى مش بتسخن و ال rpm قليل يعنى 2 او 3 بتبقى تمام لكن لو عليت عن كدة و اجى اقف بعديها ف اشارة مثلا بتبدا ترفع .....لو بطلت و دورت بتظبط شوية ؟؟؟؟؟؟ انا مش عارف و انا لسا مغير الجوان من قريب .....هو فى ناس كتير قالت كدة بس فى واحد قالى ان الردياتير بتاع الهوندا اما بيتسلك مش بيرجع زى الاول ولازم اجيب واحد جديد؟؟؟؟طيب سؤال هو فى واحد عندة هوندا قالى والعربية باردة افتح غطاء الردياتير وادور العربية ولو طلعت مياة كتير من الردياتير يبقى جوان و وش سلندر ؟هل الكلام دة صح ولا اية؟؟؟و هل ممكن بتاع الردياتير يشوفلى كفاءة الردياتير ولا لاء؟؟؟؟؟؟

**M_Nabil** · 14-02-2011 03:23 AM

ممكن تكون بتسخن من الريداتير وممكن يكون جوان وش سلندر

الريداتير اللى عندك الاصلي الالمونيوم ولا نحاس؟ يفضل تكشف على الريداتير وكفاءته الأول

وبعدين شوف ميكانيكي كويس بدل اللى بيفتى و بيقول لك ان الثرموستات ملهاش لازمة لأ ليها لازمة طبعاً خصوصاً في الشتاء، فائدة الثيرموستات هي الأحتفاظ بمياه التبريد داخل الموتور للمحافظة علي الدرجة التشغيلية المثلي له حوالي مابين 80 الي 90 درجة وتلقى العربية أكيد بتطول معك الصبح لحد ما بتسخن، ولازم تعرف ان اعلى نسبة احتكاك لاجزاء الماتور بتحصل في الصباح بعد التشغيل والماتور بارد وده بيؤدى لتقليل عمره الافتراضى

**M_Nabil** · 14-02-2011 04:17 AM

وعشان برضه تعرف اذا كان جوان وش السلندر

افتح غطاء الريداتير ودور العربية وشوف هل في فقاعات هواء بتطلع ولا لأ وهل بتزيد مع زيادة سرعه الماتور؟ يبقى الجوان ضارب من ناحية الشمايز أو لو في طحينة في الزيت لو الجوان ضارب من ناحية ثقوب المياة والزيت وده بسبب اختلاط المياة بالزيت

غير طبعاً موضوع السخونة العالية والسريعة ونقص المياة وأحياناً تأخر الدورة بسبب هروب الكبس من البستم وبرضه ممكن يكون في بخار مياة بستمرار من الشكمان

**Shetos_civic92** · 14-02-2011 10:54 AM

ميرسى جدا ي نبيل باشا..
بس بعد اذنك انا عايز اعرف لو انا عايز اعرف كل الجات دى اعرفها ازاى يعنى هل ف كتب عن الحجات دى اقراها عن الموتور و كفائته و العيوب اللى بتظهر و كدة؟؟؟؟؟؟؟

**M_Nabil** · 14-02-2011 05:53 PM

ممكن تدخل على القسم التعليمى وقسم الورشة في المنتدى، فيهم معلومات حلوة ومفيدة لو أنت غاوى تقرأ وتتعلم

**Shetos_civic92** · 15-02-2011 05:42 PM

بص انا روحت ل ميكانيكى قاللى جوان وش السلندر + وش السلندر كماااااان بس فى واحد تانى قاللى لا الجوان بتاع وش السلندر بس؟؟؟
بس كان اية اصلا سبب ان الجوان يضرب؟؟
ان الردياتير بتاه الهوندا عبارة عن عمودين المونيوم رفيعين اوى ف حتى لو سلكتو مش بيرجع زى الاول وهو دة سبب ان العربية كانت بتسخن على السرعات العالية بس عشان دورة التبريد بتكون مش فى كفائتها ......عشان السدد دة ....لكن على السرعات القليلة لل rpmدورة التبريد بتكون الى حد ما بتبرد و غيرت الردياتير والجوان بتاع وش السلندر بس و كان ضرب فعلا.... حرقت عليها و كلو تمام ....بس الميكانيكى قاللى تابع العربية برضضو لمدة اسبوووع
>>>>> بس فى حاجة انا عايز اعرفها انا اما بكون حارق على الموتور 3 او 4 متلا و بعد كدة بجيب اخر الدواسة عشان اسقط نقلة مش بتسقط معايا يتحرق على الموتور بس....اصل هو كان لعب ف الكيك دون و قالى ان انا لو على التانى مش هتسقط لازم اكون على التالت عشان تسقط ؟؟هو الكلام دة صح؟؟؟؟
ومين احسن ميكانيكى ممكن يظبطلى الكيك دون دية
اسف انى ولت عليك بس منها قولت اقولكم على العيب عشان غيرى يستفيد و اسالك

**M_Nabil** · 15-02-2011 07:04 PM

الجوان بيضرب من الحرارة العالية

يفضل تروح لميكانيكى متخصص هوندا يشوف لك المواضيع دى كلها ويقولك العربية فيها اية بالظبط زى منير أو رفعت أو مسعد في الحرفيين

**ahm128** · 15-02-2011 10:35 PM

فى نقطة انا احب اوضحها وهى ترموستات المياه اللى راكب فى البلوك وده ليه اهمية كبرى واحد منها اللى احد الاخوة تحدث عنها وهى عملية منع مرور المياه داخل بلوك الموتور صباحا والسيارة باردة حتى تسرع بعملية التسخين صباحا والاحتفاظ بدرجة الحرارة المثلى داخل المحرك لاتمام عملية الاحتراق اما النقطة الاهم وهى اثناء السفر وجرى بسرعات مرتفعة نسبيا 80 الى اعلى فى تلك الوضع المياه فى الراديتير درجة حرارته بتبرد بشدة نتيجة الهواء الشديد المواجه للسيارة فى نفس الوقت درجة حرارة المياه داخل بلوك المحرك بتكون مرتفعة جدا اذا فرق درجات الحرارة بين المياه داخل البلوك المحرك والمياه داخل الراديتير كبير جدا والذى يؤدى عدم وجود تلك الترموستات ( وظيفة الترموستات تنظيم مرور المياه ) الى تشوه فى وش السلندر وذلك بمرور الوقت وليست بمجرد خلعه

الموضوع: هوندتى بتسخن حد يعرف لية؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

هوندتى وصلت يا عصابه xD

هوندتى شمبرت يا عصابه :(

هظبط هوندتى ومحتاااااااااار جداا :(

فتيس هوندتى

عربية بتسخن فى الجرى ام فى زحمة وسط البلد مش بتسخن

الكلمات الدلالية لهذا الموضوع

المفضلات

المفضلات

ضوابط المشاركة