الموضوع: كـمـــــــال الجـنـزوري - لمن شاهدة اليوم -

المشاركة الأصلية كتبت بواسطة midohtato

دكتور محمد صعب جدا اننا نختذل الجنزوري في مشاريع - كانت هتكون فعلا قومية لو تم استكمالها - توشكي و العوينات
و لما اتسأل النهاردة في الموضوع دة جاوب اجابة مقنعة جدا و هي
ان لازم الناس تبعد عن نقط التكدس فهيروحو فين غير توشكي اوسينا اللي كان بيعتبر اعمارها امان لمصر كلها

يا فندم مستحيل اغير عقلية شعب تكونت على مدار الاف السنين واجي اقوله في يوم وليلة روح توشكي في اقصي جنوب مصر في الصحراء واصرف المليارات علشان استصلح نصف مليون فدان
طيب ما انا عندي الصحراء الغربية الموازية والقريبة من الوادي في مديرية التحرير والنوبارية وما يجاورها ومن السهل جدا استصلاحهم وتعمير الصحراء وبتكلفة اقل والمساحة المزروعة كانت ستكون اكبر بكثير جدا بالاضافة الى ان من السهل جدا اقناع السكان بالانتقال لمسافة قريبة منهم وتبقي عملت توسع افقي في منطقة الدلتا بدل ما تروح تعمل توسع في منطقة نائية لن يذهب اليها احد

و اكد ان الزراعة هي مستقبل مصر و اضاف كمان ان تكلفة مشروع توشكي 6 مليار و تكلفة مترو الانفاق التاني اللي في الاول او في الاخر مواصلة 6 مليار و شوية

الكلام ده فيه مغالطة كبيرة جدا
اولا مشروع توشكي تكلف 6 مليار بدون اي عائد وباسعار منتصف التسعينات
اما مترو الانفاق الثاني فتكلف نفس التكلفة باسعار الالفية ولو لم يتم تنفيذه كان سيصبح من المستحيل التحرك في القاهرة

و قال ان لو حد راح هناك و شاف المية بتجري في كل مكان و مفيش حد بيزرع يخلي الواحد يبكي

مفيش حد بيزرع للاسباب اللى انا قلتها يا فندم وليس كرها فيه

و هو قال مستعد ان أحاكم عن مشروع توشكي بشرط ان يحاكم من اوقفوا المشروع اولا

لو حاكمنا كل مسئول اهدر المال العام في الثلاثين سنة الماضية سيكون من اولهم الجنزوري ولن يخرج من القائمة الا القليلين ممن رحم ربي امثال الجويلي واحمد رشدي واخرين لا اذكرهم


اما انجازاتة فهي كتيرة جدا في فترة قصيرة بالمقارنة بأي حد تاني جة خلال ال 30 سنة اللي فاتو
تحدي فكرة الخصخصة و طالب انها تحصل بس بأسلوب علمي مش زي محصل دلوقتي

دي موافقه فيها لكن لا تنسي انه من اول من باع ارض الدولة بقروش بحجة تشجيع الاستثمار الاجنبي

علي ايامة كان و لحد ما مشي الدولار ب 3 جنية و 40 قرش

سعر الدولار مرتبط بزيادة الانتاج وزيادة دخل الدولة والتحكم في النفقات والجنزوري لم يزد اي منهما ولا لاحقيه وبذر مثل سابقيه ولاحقيه

كل دة و الغي الكثير من الضرائب

يا فرحتي
هو الغاء ضريبة التركات عبقرية ؟
ولا تطبيق الضريبة الموحدة على الدخل مصلحة للمجتمع ؟
ولا ولا ولا ولا
كل ده احنا لم نستفد منه واستفاد منه القطط السمان وتضررنا نحن منه

اما بالنسبة لإبعادة عن الوزارة مع كامل احترامي كل الناس عارفة لية تم ابعادة

ليه انا معرفش

و بالنسبة لموضوع ان بنتة هربت اثار انا اول مرة اسمع عنة فياريت لو تقلنا امتي كانت محاكمتها و اتحكم عليها بإية لاني اول مرة اسمع الموضوع دة و حتي وسائل الاعلام اللي كانت بتشوة صورتة زمان مذكرتش حاجة زي دي

اما وجهة نظري في الاخر ان مستحيل يكون الشخص دة فية شبهة فساد و الا زي مقلت لحضرتك كان ذكرتها صحافة الحزب الوطني لتشوية صورتة بعد ما اكتسب شعبية كبيرة

يا فندم زي ما ذكرت لحضرتك موضوع تهريب الاثار والمشاريع الفاشلة اللي اوهم بيها الراجل الكبير هو السبب الرئيسي وليس معارضته للخصخصة
وصحف الوطني وكتاب السلطة لم يتكلموا عنه مثلما لم يتكلموا عن غيره ممن اهدروا اموال الدولة

المشاركة الأصلية كتبت بواسطة xander2010_evo

والله يا دكتور محمد علي حسب إللي فهمته من كلام الدكتور الجنزوري
لما كان بيتكلم عن حكاية الزراعة
قال إزاي إحنا نستخدم صوب زراعية؟؟ الصوب دي بيستخدموها الناس إللي عندهم تلج علشان المحاصيل إللي بتنمو في جو دافيء مثلآ
هوا إتجاه حضرته كان فالجنوب لفكرة إحتاجاتنا الأساسية هي القمح لأننا بنستورده
والقمح تقريبآ بيحتاج مناخ حار شوية فالأنسب ليه كان الجنوب وبعيدآ عن التلوث

يا فندم ما القمح والارز يزرع في الدلتا والاماكن اللي انا قلتها وكانت هاتبقي افضل واوفر بكتير جدا من غير صوب

أكيد إختيار المكان ده بحث فيه ناااس ذوي خبرة فالمجال ده

زي ما فيه خبراء من عينتهم خربوا البلد بردو

ما آدي حضرتك قولت ما إخترش ليه الصحراء الغريبة بالقرب من القاهرة؟؟
أكيد فيه أسباب أكيد درسوها معدتش طبعآ عليهم وعلي واحد دماغه بالمنظر ده
وحكاية الأثار دي حتي لو بنته السبب فيها ما تتحاسب هيا إييه ذنب أبوها؟؟
كل واحد بيشيل بلوته
والراجل قال مستعد أتحاسب وأظن الكلمة دي مبنسمعاش كل يوم
وسبب فشل المشاريع إنها ببساطة وقفت ولم تستكمل

وموضوع الاثار حقيقي وزي ما بنحاسب مبارك على اخطاء جمال الجنزوري اتحاسب على جريمة بنته ويحمد ربنا انها لم تسجن والمشروعات الفاشلة اللى عملها لم تصبح فاشلة لانها اوقفت لكن هي فاشلة قبل ان تبدا وحتي بعد تنفيذها تخيل انه حتي سنة 2004 كانت توشكي لم يزرع فيها الا مئات الافدنة
وترعة السلام اصبحت لتربية السمك
وطبعا له حق يقول انه مستعد يتحاسب لان الوضع العام الحالي يعتبره بطل وشهيد للنظام السابق مثله مثل معظم من سمعتهم من مسؤلين في النظام السابق يهاجمونه الان بعد ان سقط
لماذا لم يهاجموا النظام ويقولوا مثل هذا الكلام والنظام السابق موجود
ام ان حبوب الشجاعة لا يتم تعطيها الا بعد سقوط النظام

احترمت جدا اللواء احمد رشدي حين رفض الحديث من قبل والان حين اتصل به شريف مذيع المحور - والمذيع السابق في قناة الحرة الامريكية المملوكة للمخابرات الامريكية - وطلب منه في حلقة الكفراوي الحديث او بمعني اصح انتقاد النظام السابق فرفض الرجل
هكذا تكون اخلاق الفرسان ان تحارب عدوك وقت الحرب او في الوقت الذي يكون قادرا فيه على الدقاع عن نفسه ام ان تدعي البطولة وتهاجم عدوك بعد موته فأمر مقزز
ةةةةةةةةةةةةةةةةةةةةةةةةة ةة

المشاركة الأصلية كتبت بواسطة midohtato

دكتور محمد دي وجهة نظرك الخاصة جدا و انا طبعا بحترمها لكنها مبنية علي استنتاجات مختلفة عن استنتاجات ناس تانية كتير

هل كل ما هو منتشر حقيقي ؟
وهل كل ما يوافق عليه الناس صحيح ؟
لو كان الامر كذلك لاستمر العرب في عبادة الاصنام
حين يقول احدهم معلومة احبث عن كل المعلومات عنها لاعرف مدي صحتها فقط لا غير

مثلا هل لازم الوزير يعمل طبقا لعقلية الناس اللي نفسها تفضل مكانها و لا لازم بصفتة مسؤول تغيير العقلية للمصلحة العامة مش الفردية

لازم المسئول يعمل وفق ما يمكن تنفيذه ولا يفترض ان الناس ستطبق كلامه لمجرد انه قاله

بالنسبة لاهدار المال العام لو الجنزوري اول من يتم محاكمتة طب فين كمال الشاذلي طب فين زهير جرانة طب فين ابراهيم سليمان طب فين عاطف عبيد طب فين المغربي طب فين و فين قائمة طويييييلة جدا و حضرتك عايز تحط الجنزوري اولهم طب ازاي ؟

اما الضرائب و باقي الامور فكما قلت لحضرت و جهات نظر انت شايفها من زاوية و ناس كتير شايفاها من زاوية تانية

هو انا برات بقية الشلة دي وغيرهم من الفساد
يا عزيزي الكل فاسد الا من رحم ربي
لكن مش بحب واحد بعد سقوط عدوه يدعي البطولة وعلشان كدة احترمت جدا اللواء احمد رشدي

والضرائب مش وجهات نظر دي عمليات حسابية وفيه الافضل والاسوا وللاسف نظام الضرائب عندنا من ايام الجنزوري هو الاسواء لعامة الشعب والافضل للصوص الشعب يعني لما واحد زي دكتور احمد دكتور اد الدنيا ويصحح كراسات اجابة الطلبة ايا كان عددها ويقبض 100 جنيه على التصحيح ويتخصم منهم 20 جنيه ضرائب ونجيب ساويرس يبيع احد شركاته ب70 مليار جنيه ويعفي من الضرائب وكله بالقانون يبقي فيه كارثة

المشاركة الأصلية كتبت بواسطة xander2010_evo

أولآ حضرتك فهمتني غلط
إسمحلي أوضحلك حاجات بسيطة
أنا من واقع خبرتي القليلة صراحة أنا في سنة 4 علوم كيمياء السنادي
ودرست جيولوجيا
أول حاجة أفتكر أخدناها فالصخور وخاصة الرخام والبازلات إلخ إن معظمها من الصحراء الغربية
يعني منطقة غير صالحة للزراعة حتي الفراعنة كانوا بيسموا الصحراء الغربية وادي الموت وبيدفنوا فيها موتاهم.
وبالنسبة للأرز بيحتاج كمية مياه ضخمة جدآآآآآآ ودرجة حرارة منخفضة نسبيآ وتربة خصبة جدآآآ
لذا أنسب مكان ليه فالدلتا
1-تعتبر آخر مصب للنيل علشان إستهلاك المياه العالي
2-درجة الحرارة المعتدلة
3-توافر التربة الخصبة لآنها تجمع للطمي
القمح بقي العكس بيحتاج درجة حرارة عالية
والقمح مبيستخدموش فيه صوب لأنه أساسآ محتاج حرارة عالية نسبيآ وكمية مياه معتدلة
فأنسب مكان الصعيد علشان الحرارة وأقرب حته فيها تربة خصبة كانت توشكي علي ما أظن
بس
أنا صراحة مبقتش فاهم حضرتك يا دوك
يعني حضرتك كانت عاجباك حكومة نظيف الذكية؟؟

يا سيدي الفاضل فيه فرق جدا بين النظري والعملي فالمناطق التي حددتها في حديثي وهي الصحراء الشرقية ليس المقصود بها الواحات وانما منطقة النوبارية ومديرية التحرير وكلاهما مساحته اكبر بمراحل من توشكي واستصلاحهما اوفر بكثير ويمكن زراعة القمح والارز فيهما ويتم زراعتهما بالفعل لكن طبعا قلة الموارد تعوق الاستصلاح السليم لهما
غير بقية المشاريع الفاشلة زي ترعة السلام وشرق التفريعة ووووووووو

وليه رفضي لسياسات الجنزوري في الوزارة وسلوك رجاله ووزرائه وابنته يؤخذ على انه موافقة على حكومة نظيف الغبية
يا صديقي العزيز لم اري طوال فترات طويلة الا القليل والقليل جدا من المسئولين المحترمين نظاف اليد العلماء المنفذين بشكل يستحق الاحترام

ههههههههههههه
حلوة موضوع ورقة النتيجة دي
بص يا صديقي من ضمن الامور التي اكرهها ادعاء البطولة والعبقرية والخيانة وما يفعله حاليا الكثيرين من رجال النظام السابق ينطبق عليهم هذا الكلام
عارف لو كانوا خاضوا معارك ضد الفساد وقت ما كان النظام موجود زي المهندس يحيي حسين بتاع عمر افندي مثلا كنت اصدقهم دلوقت وبردو هافضل احترمهم
لكن اللى بيعملوه دلوقت سيرك وموسم الهجوم من الجبناء