مساعدة في هيونداي اكسل

**ehab666666** · 03-04-2008 01:00 PM

هاي يا جماعة
معاكم اخوكم ايهاب من اسكندرية و انا عضو جديد و معجب اووووووي بالموقع
انا يا جماعة معايا هيونداي اكسل خليجي مو 95 و الحمد لله محافظ عليها
بس انا عايز اي حد يكون معاه العربية دي و يكون ظبت فيها من حيث الموتور و السحب .....أو اي تعديل
مع العلم العربية عني بتسحب حلو اوي لحد 140 و اخر سرعة جبتها كانت 155

وشكرا

**badblood** · 03-04-2008 01:37 PM

اهلا بيك معانا في بيتك التاني نايل موتوز
تحيسن اداء السحب ممكن تعمل حاجات بسيطة ومش تقريبا مش مكلفة اوي زي التعديل على الموتور
ميلا ممكن تجيب بوجيهات split fire والسلوك بتاعتها
ممكن تدور على علبة شكمان خلفية (تكون محترمة)
فلتر هواء الرياضي

**ehab666666** · 08-04-2008 11:56 AM

شكرا أويي علي الرد يامان
عندي بس استفسار هوا الفلتر يركب عادي في العربيات الانجكشن و الكاربيراتير علشان انا عربيتي كاربيراتير....
وكنت عايز اسال هل انا لو ركبت عندي موتور اكسل 1500 انجكشن حيفرق معايا في السحب و ال top speed ولا لأ...وشكرا مرة تانية علي سرعة الرد

**ramy_fiat_2000** · 19-05-2008 09:00 PM

ايه يا بوب مرحب بيك وبكل بتوع الاكسل
انا كمان معايا اكسل زيك بس 1300 cc المهم انت بتقول انك عاوز تظبط بعض حاجات فيها علشان السحب ممكن تركب بوجيهات 4 شمعه وده حقها فله الفله انا لما كنت مركبها والله العربيه جابت 160 ولسه كانت عوزه تانى بس الميكانيكى بتاعى خاف وانا بجرب الله يرحمه بقه ده حاجه وتانى حاجه ركب علبه شمكان هتفرق كتير بس تكون علبه محترمه طحن علشان العربيه بس بلاش تخليها علبه كبيره اوى علشان هيكون الصوت زفت النيله لما تاخد طريق مفتوح وعلطول دوشه يعنى

**Nader** · 19-05-2008 09:54 PM

المشاركة الأصلية كتبت بواسطة ehab666666

شكرا أويي علي الرد يامان
عندي بس استفسار هوا الفلتر يركب عادي في العربيات الانجكشن و الكاربيراتير علشان انا عربيتي كاربيراتير....
وكنت عايز اسال هل انا لو ركبت عندي موتور اكسل 1500 انجكشن حيفرق معايا في السحب و ال top speed ولا لأ...وشكرا مرة تانية علي سرعة الرد

الفلتر اللي يركب في الانجكشن مختلف عن اللي

بيركب على الكربيراتير. اما بالنسبة للفرق في السرعة

بين الكربيراتير والانجكشن فالفرق بينهم مش كبير.

اشتري سلوج بوجية اسبور وبوجيهات اسبليت فاير.

او ممكن تركب تربو صغير:).

**osker1982** · 17-09-2009 10:59 AM

لية ياجماعة سحب الاكسيل 1500 وحش مع التكيف عكس الوبل كورسا 1000cc

**aYaBooY** · 17-09-2009 11:29 AM

المشاركة الأصلية كتبت بواسطة osker1982

لية ياجماعة سحب الاكسيل 1500 وحش مع التكيف عكس الوبل كورسا 1000cc

اولا سحب الاكسيل مع التكييف مش وحش
بس لما تقارن بالكورسا لازم تكون عارف ان تكييفها كهرباء مش كباس بسير يعني مش بيحمل على الموتور و برده مش بيديلك برودة الاكسيل