دهان العرررررررربية

**mrwho1982** · 13-09-2009 02:06 AM

السلام عليكم اولا

انا ياجماعة من اسبوع اتخبطت خبطة حلوة وشيعت الجزء اليمن باكملة ( البابين والرفرف )

المهم انا وديتها الحرفيين هي اتعملت وبقت تمام واتسمكرت وادهنت

بس بعد الدهان لون الرف رف مختلف عن لون الكببببببوت يعني اغمق شوية

تاني حاجة الراجل بتاع الدوكو قاللي ده رقم اللون اللي علي الكارتيرة

وقاللي ماتغسلش العربية النهاردة خاالص

بس في شيء غريب ممحيرني ان المساعدين اللي ورة فييهم زي صوت صوصوة لما اخد مطب او بللاعة

انا سالت اخويا قللي دي عايز تتغسل من تحت

بس انا خايف لاحسن يكون صنايعي وقع العربية من علي كوريك او طلع بيها علي الرصيف او عمل اي تصرف مش حلو بببيها

المهم انا ببسال دلوقتي علي المساعدين اللي ورا وبالنسبة للون ده اعمل ايه وجزاكم الله خير

واسف جدا علي الاطالة

**original** · 13-09-2009 02:51 AM

هوا إنتا كاتب فى موضوع الإنشا ده نوع العربية وللا أنا مش شايفه!!

**mrwho1982** · 13-09-2009 02:52 AM

اه معلش اصلي مهنج وبدور علي رامات

العربببية بروتون ويرا 1999

**sab3aawy** · 13-09-2009 12:47 PM

بالنسبة للصوصوة فدى مسالة غسيل للسيارة فقط وغالبا هتروح لانه بيكونوا موقفينها فى حتت متربة ومطينة وببتملى طين

اما بالنسبة لاختلاف اللون فيؤسفنى ويحز فى نفسى انى اقول لك انه لا علاج له سوى اعادة الرش واى حد هيقول لك غير كدة يبقى بيشتغلك، حكاية لون الكارتيرة دى فى الهجايص لأن كل صنايعية الدهان فى مصر بيضربوا اللون بالبركة وبتفرق حسب درجة حرفية الصنايعى، كما ان مهما كان الصانيعى متمكن مش بيجيب اللون بالظبط لذلك ينصح دايام بالنسبة لجانب السيارة انه فى حالة اى حادث الجانب يترش بالكامل لان حتى لو فيه فرق بينة وبين الكبوت والشنطة مش بيكون ملحوظ لكن لما بيترش رفرف لوحده بيكون الفرق بينه وبين الباب باين زى الشمس

**zocor742** · 14-09-2009 06:34 AM

وهو دة اللى عندى اول ما جبت العربية اتخبتت فى الباب اليمين الخلفى
فسمكرتها والكلام دة وفعلا اللون افتح من باقى الجنب وبيبان جدا فى الشمس
مع ان الصنايعى قالى هطلعلك اللون هو هو عشان معرفش ياخد الكود عشان مكتوب بالكورى
مع انى واثق انة كان هيطلع مختلف بالفهلوة بس انا كنت عامل حسابى بعد فترة التعليم هتكون العربية اتخربشت
وعايزة رشة نظافة فامشغلتش بالى بس المشكلة اللى هتقابلنى عايز طريقة اجيب بيها لون العربية الفابريكة بالظبت لما اجى ارش

**ramy7000** · 14-09-2009 01:34 PM

اخى العزيز اكيد عربيتك ميتالك ودايما اللون الميتالك بعد الرش بيبقا الجزء المرشوش غامق اغمق من العربية ودة فعلا اللى حصل معايا وطبعا انا سئلت الراجل وسئلت ناس كتييييييير فا عرفت ان اختلاف اللون دة بيرجع لان الورنيش اللى بيحطة على اللون بيبقا لسة جديد بعكس اللى موجود على العربية بيبقا قديم وبيبقا اصفر من كتر الشمس حتى حضرتك حتحس ان العربية لونا بقا مطفى غير اول ما جبتها المهم الصنايعية بسموا اللون الجديد لما يبقا اغمق شوية فابيسموه اللون قادح المهم انك حتسيب العربية عادى من غير رش ومن غير حاجة حتسبها لمادة شهرين مع الشمس حتلاقى اللون بيقا زى بقيت العربية عادى ومفيش اختلاف
انت المهم كمان تلمع العربية وانت مش حتحس باختلاف اللون