الموضوع: إنفراد جدول إستهلاك البنزين

عاوز بس احييك على تركيزك لانك فاكر وبتدون كل ملاحظات اللترات كلها عندك , وبصراحة تسلم ايدك على التقرير الممتاز ده جداا

الحاجة التانية ... انا مش مصدق بصراحة ان الصنى بتعمل الشغل الجامد ده وكمان كنت حضرتك قبل كدا بتشتكى ان عندك خلل فى الrpm يعنى احتمال يكون فى مشكلة فى الضفيرة او حساس الtps
وكمان بتحط بنزين 90 !
وتعملفى الاخر الاستهلاك والقراءات دى فحاجة رائعة بجد

من كلامك فى التقرير ومن مكان اقاماتك اقدر استنتج منه بردوا حاجة للناس عشان الناس تصدق حاجة بس قولناها قبل كدا ... ان الصنى مظلومة
وان حضرت ساكن فى الاقصر ولو طلعت وخرجت بتسافر اماكن بعيدة يعنى الاستهلاك رائع جدا على الطوالى وهو ده الحكم الصح
وكمان حسبت الاستهلاك جوة المدينة فى زحمة شوارع الاقصر وعمرها ما حتكون زى زحمة القاهرة لان زحمة القاهرة تحديدا عذاب مش زى الاقصر اكيد , فكتر خير الصنى بمعدلات الاستهلاك البنزين فى زحمة القاهرة المميتة دى

ياريت الناس تاخد بالها من التقرير وتطلع الخبايا من بين السطور وتعرف ان فى قراءات متفاوتة والتفاوت ده بيفرق من ظرف الى ظرف زى ما قولنا

احيانا بيكون بسبب سرعة يا جماعة -احيانا السير فى عكس اتجاه الريح- احيانا بداية التليين- - احيانا تكييف- احيانا كاوتش نايم شوية - احيانا زحمة - احيانا نوعية البنزين ( كل ده بيفرق فى الاستهلاك البنزين زى ما وضحنا قبل كدا فى موضوع اسباب زيادة استهلاك البنزين من قبل )

فى النهاية بحييك على التقرير المفسر ده وعلى مجهودك فيه

وجزاك الله خيرا

المشاركة الأصلية كتبت بواسطة kabara

فيما يلي جدول لإستهلاك البنزين في سيارتي حتي 10000 كيلو من أول إستخدام العربية يعني من الصفر حتي 10000 كم
السيارة :- صني موديل 2010 مانيوال بنزين 90
نوع القيادة :- في الطوالي من سرعة 100 حتي 130
نوع القيادة :- هادي في القيادة و متزن و لا أميل إلي القرص علي العربية
1- 16 لتر عملوا 189 كيلو متر طريق طوالي بدون تكييف ( اللتر بيعمل 11,8 كم )بداية التليين
( السير ضد إتجاه الرياح من الجنوب للشمال )
2- 21 لتر 302 كم طريق طوالي بإستخدام التكييف(الاتر بيعمل 14,3 كم )
3- 18 لتر 203 ,,,,,,,,,,,,,,,,,,,,,,,,,,,,,,,,,
4- 21 لتر 211 ,,,,,,,,,,,,,,,,,,,,,,,,,,,,,,,,
5- 96 لتر 874 داخل المدينة بإستخدام التكييف
6- 51 لتر 704 طريق طوالي بإستخدام التكييف
7- 232 لتر 2443 كم داخل و خارج المدينة باستخدام التكييف
8- 176 لتر 2680 كم داخل و خارج المدينة بدون تكييف (شتاء)( اللتر بيعمل 15 كم
ده غير حساب تسخين العربية و الوقوف المتكرر بالإشارات)

و إحكموا إنتوا علي معدل إستهلاك البنزين

السلام عليكم
أخي الكريم .. كيف حالك ؟؟
اولا ربنا يرزقك خيرها ويكفيك شرها ... ماشاء الله لا قوة الا بالله عليها
الموضوع ده تقريبا كده قضي علي كل من تسول له نفسه انه يتكلم علي استهلاك البنزين للصني
لا وكمان العربية فيها خلل وعايز تظبط الحساسات والكلام ده .. ومقولتش علي طول انها الضفيرة
المشكلة ان اي حاجه في مصر لو خدت سمعه معينة وكانت حاله فرديه مثلا .. تلاقي سمعتها بقت في الارض
والناس بتكرر وخلاص وكمان مشاكل فردية لعربية واحدة او عشرة مثلا وتلاقيهم على المشكلة دى عمموا على كل العربيات ويخلوها مشكلة عامة فى الصنى عموما !!
وحتي المشاكل الفردية لا قدر الله التوكيل بيحلها من غير مشاكل.
انا لما جيت اشتري الصني ... والله واحد قالي ديه عفشتها ناشفة وكنبتها ضيقة وغول بنزين وهو لا شافها ولا ركبها وانا اخدت علي كلامه ودورت علي عربيات تانية وبصراحة ملاقيتش حاجة تمنها فيها بفضل الله وتتوافق مع فئتها السعرية زي الصني ....والحمد لله رب العالمين ربنا كرمني بالصني ومرتاح معاها بفضل الله
يعني قدام عفشة ناشفة ومش اوي ......... اخدت ثبات محترم مع السرعات
مع الكنبة الضيقة (ومش للدرجة) ......... الشنطة كبيرة ماشاء الله
استهلاك البنزين (ولو اشاعه) ............ اخدت ماتور ماشاء الله عليه
يعني الحمد لله علي الصني وكفي بها نعمة
والف شكر لحضرتك علي المتابعة المستمرة ديه واكيد خدت منك مجهود ووقت علشان تسجلها
بس في الاخر مشكووور جدا انك بتطمنا عليك وعلي الصني
وبصراحة يا كبارا باشا انت انسان محترم والواحد يتشرف برده عليك .. انا لما كنت بقلب في المواضيع القديمة كنت بشوفلك مشاركات ومواضيع .. حتي سألت عليك ا/أحمد قالي هو موجود ... يارب دايما.
وطبعا السواقة علي السريع بيحسسك بالعربية وباستهلاكها احسن من جوه البلد
واكيد لو كانت اوتو ماتيك برده هاتفرق 20 كم مثلا فرق ... بالمقارنة بالارقام ديه تعتبر جميلة جدا.
تقبل مروري

المشاركة الأصلية كتبت بواسطة Peaceman

بصراحة الف الف شكر علي التقرير الرائع ده و فعلا انا عارف انت تعبت اد ايه عشان تركز و تدون كل البيانات ديه
لكن في سؤال انا بقوله و يمكن عقلي مش معايا و انا بسأله .. تفتكروا ان بنزين 90 ممكن يكون سبب في وفرة استهلاك البنزين؟؟

بيشوي بيك ...... كيف حالك يا جميل
تصدق ممكن يكون ال90 سبب في الوفرة ديه
لاني سمعت ان ال92 بالذات بيطير بطريقة رهيبة ..... بس قصاد كده هاتفرق معاك في السحب وبالذات لو اوتوماتيك.
ومش خلاص قلتلكوا لو انتخبتوني هاخليلكوا البنزين ال95 بجنيه ...... وهادخله الاقصر كمان علشان كبارة باشا
تقبل مروري