رجاء شخصى

**medo2o1o** · 15-02-2011 02:48 PM

اولا:
محدش يتكلم عن المادة التانية فى الدستور
محدش يتكلم عن الشخصيات اللى فى لجنة التعديلات
لان دلوقت فيه استفتاء بجد لو مش عاجبك قول رايك فى الاستفتاء
بلاش نستبق الاحداث عشان لاحظت فى بعض المواقع ان فيه محاولات لزرع فتنة من تعليفات بعض الاشخاص يخش يرمى الكلمة ويجرى رجاء منديهومش الفرصة لازم نحافظ على ثورتنا

ثانيا:
مواضيع العمالة و المخابرات و الفتى ده كله اللى عنده معلومة بخصوص الكراريس السلك بتاعت امريكا يخليها لنفسه عشان اللى حصل فى مصر حاجة عفوية و جدلا ان امريكا ساعدت يبقى شربت من نيلها و اخدت واجب الضيافة يبقى بعد كدة ملهاش حاجة عندنا رجاء شخصى بلاش وايكى ليكس او مش عارف جريدة الخزعبلات اللبنانية خليها لنفسهم و متنشرهاش عشان فى ناس بتصدق

ثالثا:
الراجل اللى ورا عمر سليمان
مش هاقول غير حط نفسك مكانه او مكان عيلته و انت شايف مصر كلها بتتريق عليك
رجاء محدش يشارك فى المواضيع دى و ارجو من الادارة حذف المواضيع اللى بتهين شخص القائد حسن الشريف

رابعا:
على الفايس بوك لاقيت نفسك منضاف لجروب انت مش راضى او بيحث على الفتنة سيبه و بلغ عليه عشان منسمحش لحد يسرق فرحتنا او متساعدش فى نشره

خامسا:
ضباط الجيش اللى هايتحاكموا لازم زى ما وقفوا معانا نقف معاهم

اخيرا:
القوات المسلحة من اشرف الهيئات اللى فى مصر متسمحش لحد يشكك فى نزاهتها و اسمع كلامهم-القوات المسلحة- و اعرف انهم ما بيخلفوش وعدهم كفاية انهم لغاية دلوقتى معملوش احكام عرفية بمعناها الحقيقى و يا ريت نسيبلهم الفرصة يصلحوا البلد

و متنساش تنزل تدلى بصوتك

اسف على الاطالة

**yahiahelaly** · 15-02-2011 02:52 PM

معاك بجد جداً وأحييك على موقفك

**factorialx** · 15-02-2011 02:53 PM

معاااااااك أخيرا صوت العقل

**mohamed_selim** · 15-02-2011 03:06 PM

معاك و لو فى اى افكار عمليه علشان ننشر الوعى ده كلنا مستعدين

**frhateg** · 15-02-2011 03:09 PM

بارك الله فيك و كثر من امثالك . و اعاذنا الله من شرور العباد و اصلح احوالنا .

**zkralla** · 15-02-2011 03:19 PM

تسلم ايدك

**medo2o1o** · 15-02-2011 03:26 PM

شكرا يا جماعة على التجاوب على الاقل حسيت ان فى ناس برضه معايا

بالنسبة للحلول العملية انا اى جروب على الفيس بوك مستفز محتواه بخش احط الكلام اللى انا كتبته و بطلع منه و عملت لكل اصحابى تاج عشان يقروا و بفكر اطبع ورقة اوزعها على الناس فى المنطقة لازم بجد نقف لاى محاولة عشان تسرق فرحتنا

و لو ليكم اى اضافات اخرى نضيفها عشان احطها فى الورقة و اوزعها
اكيد فى المنتدى ناس كتير على وعى تقدر تساعدنا برده بشوية افكار