الموضوع: و تتوالي مشاكل البازوكا و المره دي مع البطاريه.....

وغير كده العربيات دي حساسه للعب في الكهرباء عشان الكنترول والكلام ده لازم كهربائي فاهم كويس هوا بيعمل ايه عشان دي ممكن تطير فيها ضفيرة الكهرباء او الكنترول يونيت

المشاركة الأصلية كتبت بواسطة NFS7

متري باشا ازاي الدينامو 90 والبطارية 55
لو البطارية 55 يبقى الدينامو 45
الفابريكة مبيعملوش فرق كبير كده في الامبير

ده اللى مكتوب فى الكتالوج بتاع العربيه

متري لو انت متاكد من الامبير ده يبقى المفروض ميشتكيش من القصة دي
وكدة اكيد البطارية هيا الي فيها حاجة
ويفضل يركب بطارية مش اقل من 70 امبير
طبعا اذا مافيهاش ضرر على الكنترول او الضفيرة عشان في عربيات مش بتستحمل اي تغيير فيها

كل الكهربائية بيقولوا عادى ممكن تركب بطاريه اكبر يعنى لو 55 ممكن تركب 70 عادى بس انا عن نفسى كنت بقلق من الموضوع ده

انا عملتها في تيوتا يارس وبعد يومين وانا ماشي بيها الضفيرة اتحرقت كلها وكلفت تغيرها 7500 جنيه والتوكيل قال العيب البطارية مش مناسبه ليها وغيروها لي ال 55 الفابريكة

الفكرة ان البطارية لما بتكمل شحن بتتفصل عنها الكهرباء عن طريق كتاوت الشحن ... الوظيفه الاساسيه للبطاريه انها تدور المارش علشان العربيه تدور .. فالواحد مش محتاج بطاريه كبيرة طالما مش حيحمل عليها احمال جامده ولا حيستخدم العربيه هى ومش دايره .. وربنا يعوض عليك 7500 ده مبلغ كبير بسبب غلط صغير ... و الحمد لله انك بخير

شكرا يا رجاله و الله ع الاهتمام و الدينامو 90 امبير الحمد لله و بصيت عليه بنفسي تيكت احمر مكتوب عليه 90 امبير و 13.5 فولت....كده هروح اكشف عليه بإذن الله و اشوف الدنيا

الغريبه ان حوار رعشه النور العالي ده حصل يوم واحد بس و بعدها محصلش تاني...و الأغرب ان واحد صاحبي معاه لانسر بومه 1600 مش لاعب ف اي حاجه فيها ولا جي امات ولا الهوا و بدأ يحصل معاه حوار الازاز ده اليومين دول و جايب العربيه من سنتين تقريبا