و تتوالي مشاكل البازوكا و المره دي مع البطاريه.....

**m7mda7md** · 15-02-2011 07:53 PM

البازوكا بايونيير 1400 وات و أمب جي في سي 600 وات و مفيش ف العربيه اي حاجه تاني بتسحب كهربا كتير ولا زينون ولا أمب تاني ولا اي حاجه....
من كام يوم كده جيت اعمل رجلاش للنور و طافي العربيه و اول ما فتحت نور التابلوه لقيته ضعيف و هفتان كده قلت يمكن يكون بيتهيألي رحت مدور العربيه و مشغل نور التابلوه و اول ما اطفي العربيه يقوم النور يبهت ... طبعا كنت هعيط ساعتها...رجلشت النور و دورت و طالع و طبعا فاتح النور العالي عشان اشوف اتظبط ولا لأ و كانت الصدمه لقيته بيلعب مع البيز بس بدرجه ضعيفه جدا تتلاحظ بالعافيه و بردو ساعتها كنت هعيط هههههههههههه....
بالمناسبه بردو مع هبد البيز ونا ماشي بالراحه علي 30 مثلا بحس كأني شلت رجلي من ع البنزين حاجه بسيطه جدا.لما برفع الازاز بردو بيحصل نفس الحوار و عشان اتأكد قمت رافع الأربع شبابيك مع بعض ف نفس الوقت مع هبد البيز..
البطاريه عينها السحريه خضرا يعني بحاله جيده و نوعها ACDelco‏ و جايبها من 8 شهور...
تعاطفك لوحده مش كفايه.اتبرع و لو ب فولت هههههههههه

**merty** · 15-02-2011 09:09 PM

اول فولت هديه منى لأحلى دكتور
قيس الشحن بتاع الدينامو وحاول تجرب بطاريه تانى علشان المؤشر بتاع ال ايه سى ديلكو مش دايما بيبقى صح ... الجى ام لوحده مش حيأثر على العربيه كده

**m7mda7md** · 15-02-2011 11:52 PM

خلااااااااااااااااااااااص كده البطاريه بقت تماااااااااام و الجي إم و الأنوار بيفرفرو من الكهربا هههههههههههههههه....الموضوع نور يا وزير...موضوع قياس الدينامو ده راح عن بالي و لو اني اتمني انه ميكونش السبب....انا حاسس ان العين السحريه دي اشتغاله ولا لونها هيتغير ولا بتاع مع اني واثق ف الديلكو و كنت فاكر انها مش هتقل بأصلها....يللا خير
بقولك صحيح قياس الدينامو ده ابعاده ايه يعني بياخد وقت أد ايه و بيتعمل ازاي و بكام و كده يعني و شكرا لمرورك يا كبيييييييييييييييييير

**bisoolover** · 16-02-2011 12:25 AM

متابع عشان الاستهبال ده بقى عندى
نيهاااااااا وبردو ديلكو

**khaled_yassin** · 16-02-2011 01:37 AM

انت جايب بطاريه كام امبير؟؟؟

**ahms10** · 16-02-2011 10:26 AM

اة يا باشا خير
8شهور قليل اوى بس اى بطارية ضمانها سنة الحق شوف الموضوع

الدينامو دا جهاز بيتوصل عند اى حد بتاع بطاريات وبيحدد شحن الدينامو للبطارية وفى حاجة كمان كدة بيعملها بيسموها كشف الماس يعنى لو فى ارضى مثلا مفلت وبيهرب كهرباء او حاجة بيعرف اة السبب الى خلى شحن البطارية يفضى
موضوع السعر دا مش بفلوس دا تديلو بقشيش بس 5 جنية يبقة فل اوى اوى
وان شاء الله خير

**NFS7** · 16-02-2011 11:22 AM

باشا شوف الجي ام كام امبير وشوف الدينامو كام امبير لو الجي ام اعلى او زيو يبقى مهما عملت عمرها ماهاتضبط معاك
انا الدينامو بتاعي 45 امبير والجي ام لوحدو 45 امبير يعني كده جهد الدينامو كله للجي ام وكان كل الي بتقولو ده كان بيحصل معايا لما غيرت الدينامو لي 75 وجبت بطاريه 70 امبير اتضبطط بعد كده كل حاجه

**m7mda7md** · 16-02-2011 03:59 PM

ألف شكر يا رجااااااااااااااااااله ع المساعده...البطاريه تقريبا 70 امبير ....
شريف بك منور...ضمان البطاريات ده طلع مقلب عشان بيحسبلك الاستهلاك و يخصم من تمن البطاريه.... هحاول انزل النهارده اشوف الحوار ده...
طب يا باشا أعرف الامبير بتاع الدينامو و الأمب ازاي؟ العربيه فيرنا 1600 و الأمب 600 وات جي في سي...و اهم سؤال بأه الدينامو ال 75 ده بكام؟

**NFS7** · 16-02-2011 07:16 PM

الجي ام مكتوب في الكتالوج بتاعه او على ضهرو هوا كام امبير والدينامو بيقى عليه حاجه ستيكر او نحاسه مكتوب عليها هوا كام امبير
الدينامو بتاعي انا عربيتي اونو جبتلها الدينامو بتاع اونو مكيفه 1400 cc
ودلوقتي انا عربيتي 1400 cc
فا انت لازم تدور على حاجه تركب عندك تكون نفس ابعاد الدينامو بتاعك وتكون القاعدة بتاعتو زي بتاعك
مثلا شوف الدينامو بتاع الالنترا انا اعرف ان الفرنا والالنترا موتور واحد والكوبيه كمان
الدينامو عندي بي 300 بس انا اونو انت اعمل حسابك في اعلى من كده او اسال هنا في المنتدى في قسم الهونداي

**merty** · 16-02-2011 08:08 PM

اللى اعرفة ان دينامو الفيرنا 90 امبير و البطارية 55 أمبير

الموضوع: و تتوالي مشاكل البازوكا و المره دي مع البطاريه.....

LinkBack

أدوات الموضوع

عرض

و تتوالي مشاكل البازوكا و المره دي مع البطاريه..... - انشر الموضوع فى :

-

-

-

-

-

-

-

المواضيع المتشابهه

يارب حد يعبرني المره دي

الحقيقه المره(ريس ال4 و ال6 نقلات)

يا رب حد يرد المره دى

عقوبات الله علينا مازالت تتوالي ونسال الله العافية

الكلمات الدلالية لهذا الموضوع

المفضلات

المفضلات

ضوابط المشاركة