هل من الممكن تقفيل العداد على الغيار الرابع

**the-hero** · 03-04-2008 05:20 PM

السلام عليكم ورحمه الله وبركاتة
هل من الممكن تقفيل العداد على الغيار الرابع أصل الخامس مبيشدش خالص زى الرابع
شكرا

**Ahmed Hassan** · 03-04-2008 05:34 PM

مفيش حاجه اسمها تقفيل عداد لأن ده امر نسبي... يعني الرقم اللي مكتوب في العداد مش لازم يكون ده سرعه العربيه القصوى... ممكن تكون اقل و ممكن تكون اكتر (حسب مواصفات البلد المستورده و حسب قوه الموتور)

عموما ممكن سرعه العربيه تزيد على النقله الخامسه بشرط عدم وجود مقاومه (هواء شديد او مطلع) بس التسارع بياخد وقت اكتر من الرابع طبعا.

كمثال انا عربيتي على الرابع اخرها 160 او 165... و الـ Rpm يجيب الـ Red Line و لما بنقل على الخامس ممكن اوصل لسرعه 195 و يكون لسه 500 Rpm على الـ Red Line
يعني من الآخر الـ Rpm هوه الحكم.

**fahd_628** · 03-04-2008 05:35 PM

دائما تقاس اقصى سرعة للسيارة بتقاس على الرابع لأن الخامس دة بيبقى Over drive يعنى للتقليل من استهلاك البنزين بس و لكن مش لأقصى سرعة و صعب انك تقفل عداد عربية الا لو انت على منزلاية و ال RPM خلاص حيخش على الأحمر تقوم ناقل خامس و تستنى بقى لغاية نا تقفل العداد