الموضوع: من الانهارده مفيش مخالفات

المشاركة الأصلية كتبت بواسطة Hegazio

و حتي لو المخالفات راحت..ده شيء ما يفرحنيش..لأن ده حيخلي المخالف المستهتر يفلت بغلطه

كلامك سليم 100%
بس أنا لما جيت اجدد آخر مرة دفع حوالي 2500 أو أكتر شوية
ليه بقى وأنا ما عنديش غير مخالفة واحدة بس سرعة وعارفها
الباقي
1- وقوف ممنوع 20 جنيه
2- صف تاني 20 جنيه
ودول في جاردن ستي ووسط البلد

3-وقوف ممنوع 520 جنيه عشان الكب اللي عملها حاطت عليها تعطيل سير وانا مباركينش كده أصلا
4-وواحفة كمان زيها
5-كسر إشارة 400 جنيه عشان الحيوان اللي خدها برده زود عليها مش عارف إيه كده هو اللي بيوقف فمدان الدقي المفروض بقى طول ماأنا ماشي فالشارع الدور على عساكر بيشاورو فحتة ضلمة عشان اقف ولا إيه مش فاهم دي حاجة التانية العربية اللي قدامي هي اللي كسرت الاشارة مش أنا وأنا كنت جاي في جنبه فطبيعي العربية اللي جنبي ماشية ومفيش أي إشارة إن الطريق واقف هكمل وبعدين أصلا أنا كنت جاي من شارع التحرير وداخل البحر الأعظم يعني مش قاطع الطريق اتاخد فيها مخالفة ليه بقى ؟؟؟ يبقى اللي عمل كده كلب عشان معرفش ياخد نمرته عايز يخلص الدفتر بتاعه وخلاص عشان يروح

أنا شفت في شارع اسمه الفيوم في دار السلام عربيات واقفة والأمين بياخدها مخالفة عشان واقفة عمودي
وأصلا الرصيف فالمكان ده كبير قوي ومعمول فيه حارة للعربية تركن وكل العربيات اللي واقفة مش معطلة الطريق ولا حاجة فليه بياخدهم مخالفة غابوه وخلاص ومش طالع من العربيات غير الشنطة واللي ركن موازي واخد من الطريق اكبر منهم

غير مرة كنت واقف في جامعة الدول تحت ممنوع الانتظار في مدخل البطل لقيت الظابط عايز يعملي مخالفة تعطيل فـبسأله ليه الطريق أصلا ماشي أنا واقف مخالف آه بس مش عامل الا حقك تديني مخالفة بس ماتوسعهاش قوي كده وهي أصلا كانت 50 جنيه المهم راح قايل للنقيب خلاص بلاش 250 اعمله مخالفة b-100 على أساس إن إن أنا بشتري بسطرمة مثلا النقيب قالوا مفيش مخالفة ب 100 قالوا خلاص اعمله 2 ب 50
تيييييييييييييت

ده بقى اسمه بلطجة وقلة أدب
بس برده مرة فالبطل كنت راكن وهامشي بالعربية والعسكري وقف فالجزيرة اللي في نص الشارع شاورلي فبقوله هو أنا كده مخالف قال لي لأ وشاورلي عالحزام عشان أنا كنت نسيت اربطه
فسبحان الله يعني ناس وناس

معلش أنا طولت فالرد شويتين بس بس أنا معنديش مانع الدفاع تمن غلطي بس مدفعش تمن استهبال وبلطجة