من أجل انقاذ الشرفاء من جهاز الشرطة

**amado ibrahim** · 17-02-2011 08:31 AM

تطبيقا للامر الالهى

( لا تزر وازرة وزر أخرى) الأنعام: 164

فاننى ادعو جميع اخوتى فى المنتدى لعمل قائمة سوداء من اجل محاكمة عادلة وعاجلة وسريعة و علنية

نحاكم كل من قتل
نحاكم كل من عذب
نحاكم كل من اهان
نحاكم كل من دفع رشاوى ليدخل الشرطة
نحاكم كل من اخد رشاوى و تاجر بالمخدرات ( فاكرين خالد سعيد اللى اتعمل فيه كان ليه)
نحاكم كل من استغل سلطته
نحاكم كل من ساعد فى تزوير الانتخابات
نحاكم كل من ساعد النظام السابق فى بطشه
نحاكم كل من روع الامنين
نحاكم كل من جمع الاتاوات بطريق مباشر أو غير مباشر عن طريق البلطجية
نحاكم كل من شغل البلطجية كانهم موظفيين فى الشرطة
نحاكم كل من سلط البلطجية على الشعب لترويعه
نحاكم كل من جعل اقسام الشرطة سلخانة
(شوفت التقرير عن قسم الاربعين فى السويس
تعرف الناس حرقو القسم ليه)
نحاكم كل من حاول اجهاض الثورة
نحاكم كل من سحل كرامة اعزاء الوطن (فاكر اللى حصل للاستاذ محمد عبد القدوس)

واللى يثبت انه شريف
يرجع لممارسة عمله (وبالمرتب اللى هو عايزه)
وكمان نبقى نعمل عنه افلام زى قائمة شندلر

واخيرا

لايلدغ مؤمن من جحر مرتين

فلازم افراد الشرطة الشرفاء يتم اعادة تدريبهم و تأهيلهم
(بدنيا ( مش يقعد اربع ايام يجيلو انهيار و يهرب)
- عقليا (عايزين نلاقى افراد شرطة عندهم وعى و فاهمين مش مجرد اجسام)
سلوكيا -
(عندهم ثبات انفعالى م يطلعوش يعيطو عشان بقالهم اسبوعين فى اهانات
(امال الشعب اللى بقاله 30 سنه يعمل ايه)
-(يعرفو امتى يستخدمو الصرامة وامتى يظهرو الرفق)

و يعاد تدريبهم خاصة فى مجال اتخاذ القرارات
( مش ممكن يكون القرار اللى ياخدو كل ضباط الشرطة الصغيرين هو الهرب)

انا هبتدى بأول اسمين فى القائمة السوداء

أمين الشرطة محمود صلاح، والرقيب عوض سليمان

اكيد عارفينهم

ايوه قتله الشهيد خالد سعيد

ايوه انا عارف انهم اتقدمو للمحاكمة

لكن احنا عايزين محاكمات عسكرية عاجلة وسريعة

فى انتظار باقى الاسماء

و خاصة من افراد الشرطة الشرفاء

**amado ibrahim** · 17-02-2011 08:43 AM

وا دى كمان اسم (مع انى كنت مفروض حطيته الاول)

عماد عبد الظاهر رئيس مباحث قسم سيدي جابر

الشهير بالسفاح

**زينة الله** · 17-02-2011 09:09 AM

أنا معاك ... القصاص العادل هو ما ينهى حالة الاحتقان مع جهاز الشرطة

" و لكم فى القصاص حياة يا أولى الالباب لعلكم تتقون " صدق الله العظيم

و الشريف من جهاز الشرطة يتقدم لمساعدة لجنة تقصى الحقائق بأسماء الفاسدين من الجهاز

حيث أن " أهل مكة أدرى بشعابها "

و الله الموفق و المستعان

**تامر.محمد** · 17-02-2011 09:43 AM

أتفق بشدة

**تامر.محمد** · 17-02-2011 10:56 AM

المشاركة الأصلية كتبت بواسطة ecybrarian

لا لا ما ينفعش كدا ايها الاخوة الأعزاء..احنا هانفتح محاكم تفتيش للثورة ولا ايه؟؟؟؟ تك الاسماء مكانها القضاء والنائب العام...فقط..

دي مش محكمة للي رأيه ضد الثورة
دي زي ما بتقول , طلب محاكمة كل من أجرم في حق الشعب المصري سواء بالقتل او الاعتداء او التعذيب

**زينة الله** · 17-02-2011 12:03 PM

المشاركة الأصلية كتبت بواسطة ecybrarian

لا لا ما ينفعش كدا ايها الاخوة الأعزاء..احنا هانفتح محاكم تفتيش للثورة ولا ايه؟؟؟؟ تك الاسماء مكانها القضاء والنائب العام...فقط..

مختلفناش يا فندم لجنة تقصى حقائق 25 يناير مكونة من قضاة مصر الشرفاء فعلا

و يا ريت يفتحوها لكل المظالم و ليس لأحداث 25 يناير فقط

**Egyzizo** · 17-02-2011 12:59 PM

لو هتحاكم كل من دفع أو أخذ رشاوى ، يبقى هتحاكم كل الشعب المصرى إلا من رحم ربى.

**amado ibrahim** · 17-02-2011 01:14 PM

المشاركة الأصلية كتبت بواسطة egyzizo

لو هتحاكم كل من دفع أو أخذ رشاوى ، يبقى هتحاكم كل الشعب المصرى إلا من رحم ربى.

اتفق معاك فى الرأى

كان فيه محاكمات فى جنوب افريقيا لما انتهى عصر التفرقة العنصرية (الابارتيد)

كانت المحاكمات دى قائمة على عملية اعتراف كل من ارتكب جريمة بذنبه امام الجميع وطلب الاعتذار من الشعب

فيه جرايم زى الرشوة ممكن تكون عقوبتها مجرد الاعتراف امام الجميع لاثبات الاقلاع عن التصرف امام الجميع

اما الجرائم الاخرى فلا يمكن التهاون فيها ولازم يكون فيها احكام و عقوبات رادعة لتهدئة الشعب الثائر