مساعد وزير الداخلية:إطلاق الرصاص علي المتظاهرين و إنسحاب الشرطة و الفوضي بأمر مبارك

**ahmed1981** · 18-02-2011 03:15 AM

المشاركة الأصلية كتبت بواسطة hagan

و عن رسول الله صلي الله عليه و سلم انه قال
(( كفي بالمرء كذبا ان يحدث بكل ما سمع )) صدق رسول الله
بس كده

م.حاتم السباعي

يقال أن لكل مقام مقال

ليس هذا مقام هذا الحديث الشريف

فليقل كل واحد رأيه دون إستخدام الأحاديث في غير موضعها كسلاح لتكميم الأفواه

**dr-mohamed** · 18-02-2011 03:19 AM

المشاركة الأصلية كتبت بواسطة medo_2060

والدليل ان العادلى اتغير ونفس الكلام بيحصل قتل وقنص وغيره...

حصل امتي الكلام ده حضرتك يا ريت بالتواريخ والاماكن

وزى ما ضحوا بالعادلى عندهم استعداد يضحوا بيه بمحاكمه واعدام كمان.. عشان يلهو الناس وهما بيخططوا.. الموضوع عامل بالضبط زى الجنود الى بتقتل كله بيبقى عايز يحاسب الى بعتهم
الى هما الناس الى لا اخبار عنهم لا اتقبض عليهم ولا اى حاجه والله اعلم قاعدين بيخططوا لايه دلوقتى
والاسوء ان الناس دى لسه بيصنعوا قرارت.. بدليل
محدش جاب سيره العصابه دى ولاكانهم عملوا حاجه..
امن الدوله رئيسه متغيرش..مش معقول هو اكبر من العادلى ومساعديه يعنى...

مين اللى قال لحضرتك الكلام ده رئيس امن الدولة السابق ومدير الامن العام ومديرامن القاهرة تحت التحفظ ويتم التحقيق معهم ومحمود وجدي الوزير الجديد عمل حركة ترقيات وعزل لمعظم مداراء الامن اللى في اماكن التظاهرات يا ريت بلاش نردد الاشاعات

المشاركة الأصلية كتبت بواسطة sara2001

كان في قناصه اعلى البنايات في عبد المنعم رياض
والقنوات الإخباريه وقتها قالت كده
انا شفت في الجزيره مباشر اضاءة بتتصوب على المتظاهرين
مثل الليزر لونها اخضر بس الحقيقه مش عارفه ده كان ايه

من أحد الظباط ايضاً علمت انه سيء جداً

استاذة سارة مش هصدق قنوات اخبارية واكدب نفسي وعيني يوم 28 كان هناك قناصة عند وزارة الداخلية فقط وكان من اصعب الامور الوصول للوزارة سواء من ناحية ميدان التحرير او من ناحية القصر العيني ولم اري بعيني احد يستطيع تخطي قوة الامن المركزي الموجودة في شارع القصر العيني حتي فجر السبت
اما محمود وجدي فليس لنا منه الا ما يقوم به الان

**A.Saad** · 18-02-2011 01:22 PM

المشاركة الأصلية كتبت بواسطة ahmed1981

من أحد الظباط أعرفه في الأمن المركزي
وزير الداخلية الجديد أقذر من حبيب العادلي
بس كده

من لواء سابق بالشرطة وكان رئيساً لمحمود وجدى
ان محمود وجدى انسان محترم

فى راى
لو كان سيء كان فضل فى الخدمة مع العادلى مش طلع معاش

**A.Saad** · 18-02-2011 01:37 PM

اللواء محمود وجدي المولود عام 1946 تخرج في عام 1968 من كلية الشرطة وهو الوزير الذي كلفه الدكتور أحمد شفيق بتولي وزارة الداخلية خلفًا لحبيب العادلي.

بدأ وجدي بالعمل في مباحث القاهرة وتدرج في ترقياته حتى عين مفتشًا لمباحث مصر الجديدة عام 1958 أيام الوزير أحمد رشدي، قبل أن ينتقل لمصلحة الأمن العام ليبقى بها عدة سنوات.

ثم أصبح مديرًا لمكتب مساعد وزير الداخلية لمناطق القناة وسيناء قبل ان يعود إلى العاصمة وكيلا لمباحث القاهرة لقطاع الشرق ثم رئيسًا للمباحث الجنائية ثم مديرًا للإدارة العامة لمباحث القاهرة وقت أن كان حبيب العادلي مديرًا لأمن القاهرة وحسن الألفي وزيرًا للداخلية وحدثت مشادات بينه وبين العادلي الذي كان يتهمه بالسيطرة على القاهرة سيطرة تامة.

وأتت الرياح بما لا تشتهي السفن، حيث عين العادلي وزيرًا للداخلية بعد حادث الأقصر 1997، وقرر العادلي نقل وجدي مديرًا لأمن القليوبية قبل أن ينقله مديرًا لأمن كفر الشيخ ثم المنيا وبعدها عاد مديرًا لمصلحة السجون، ثم أحاله للمعاش بعد بلوغه سن الستين منذ خمس سنوات.
كتر تنقلاته من العادلى معناها ان العادلى مش طايقه ، ومعنى انه مش طايقه انه محترم - طبعاً مش العادلى -
ويقول محللون أن وجدي من أكفأ ضباط الشرطة ولديه قدرة كبيرة على التعامل الراقي مع المواطنين وأن اختياره وزيرًا للداخلية جاء لمصالحة الشعب

**otefa** · 18-02-2011 01:59 PM

مصطفى الفقي

عضو سابق في الحزب الوطني الديموقراطي استقال يوم 05/02/2011 على إثر ثورة 25 يناير.
أمين عام المجلس الاستشارى للسياسة الخارجية.
أمين معهد الدراسات الدبوماسية.
سفير مصر بجمهورية النمسا.
سفير غير مقيم بجمهورية سلوفاكيا وسلوفينيا.
مندوب مصر بالمنظمات الدولية في فينا.
عمل سكرتيرا للرئيس محمد حسني مبارك للمعلومات بين عامي 1985 ،1992
قام بالتدريس في الجامعة الأمريكية، واشرف على عدد من الرسائل العلمية.
أحد المتحدثين في الجلسة الافتتاحية للمنتدى الاقتصادي الدولي في "دافوس " بسويسرا في يناير سنة 1995.
عضو مجلس الشعب عن انتخابات سنة 2005 عن دائرة دمنهور وقد اعلن سقوطه في بادء الأمر ثم أعلن فوزه بعد ذلك، وثار لغط كبير بسبب شهادة المستشارة نهي الزيني التي أيدها نادي القضاة و137قاضيا[1] بأن إجمالي عدد الاصوات كان لصالح منافسه د. جمال حشمت المرشح عن جماعة الاخوان المسلمين ويعمل الدكتور مصطفى الفقى رئيس للجنه العلاقات الخارجية بمجلس الشورى.

**ahmed1981** · 18-02-2011 03:10 PM

بعد جمعة إسقاط الحكومة اليوم 18 فبراير 2011
سيتم تغيير الحكومة بالكامل بإذن الله تعالى

وأقترح إسم وزير الداخلية السابق أحمد رشدي لتولي منصب وزير الداخلية في حكومة تصريف الأعمال التي من المتوقع إعلانها خلال أسبوع

**medo_2060** · 18-02-2011 03:21 PM

المشاركة الأصلية كتبت بواسطة dr-mohamed

مين اللى قال لحضرتك الكلام ده رئيس امن الدولة السابق ومدير الامن العام ومديرامن القاهرة تحت التحفظ ويتم التحقيق معهم ومحمود وجدي الوزير الجديد عمل حركة ترقيات وعزل لمعظم مداراء الامن اللى في اماكن التظاهرات يا ريت بلاش نردد الاشاعات

اولا مين الى قال لحضرتك انى بردد اشاعات ؟؟؟؟؟؟؟؟؟؟؟ هو حضرتك سمعت ردى ولا اتاكدت من الكلام دا قبل ما تتهم....
ثانيا ... الى تحت التحفظ مساعدين العادلى ورئيس امن الدوله ولا حد لمسه والكلام دا باين مش هيوقفوه والصحافه والاعلام مش هيقولوا يعنى.. ولا حتى مساعديه اتأكد انهم اتوقفوا مبقالهم اسبوع بيقولوا بنحاكم العادلى والاخر طلع فى البيت ولسه رايح السجن امبارح على ذمه التحقيق
وفى لواء شرطه فى قناه المحور قال الحته دى بتاع رئيس امن الدوله...كمان عمرو الليثى مع بلال فضل ناقشوا حته رئيس امن الدوله دى بالذات امبارح وقالوا الراجل لسه فى مكانه...
وبعدين مكانه ولا مش مكانه مش التعذيب والخطف لسه مستمر.. وحضرتك بتقول رئيس امن الدوله تحت التحفظ....
ادينى دليل بقى او حد طلع قال كدا سواء مذيع ولا لواء ولا صحافه ولا اى حد بيتكلم عشان نعرف مين الى بيردد الاشاعات...
الكلام بخصوص محمود وجدى مش مشكلتى ان حضرتك مش متابع ومشوفتش لما اتغير استمر الاعتدائات على المتظاهرين..
مش مشكلتى ان حضرتك مشوفتش احداث الخارجه فى الوادى الجديد الى اتقتل فيها اكتر من 5 واتجرح فيها كتير بنفس اسلوب بلطجه الشرطه..
وبعد كل دا وهو وزير جديد اقل حاجه يعملها ينقل كام مدير ويحقق والكلام الفاضى دا..دا لازم يعمل كدا اصلا حتى هيخاف على منصبه وعشان يمتص غضب الناس..

-

-

-

الموضوع: مساعد وزير الداخلية:إطلاق الرصاص علي المتظاهرين و إنسحاب الشرطة و الفوضي بأمر مبارك

LinkBack

أدوات الموضوع

عرض

-

-

-

-

-

-

-

المواضيع المتشابهه

خطة أحمد عز لإثارة الفوضي في حالة وفاة مبارك

إطلاق النار على المتظاهرين اتخذ بناء على تعليمات من مبارك

إطلاق النار على المتظاهرين تم بقرار رئاسى .

استقالة وزير الداخلية الكويتي بعد وفاة مواطن تحت التعذيب في أحد أقسام الشرطة

الكلمات الدلالية لهذا الموضوع

المفضلات

المفضلات

ضوابط المشاركة