الموضوع: زوجي بيخوني وانا جنبوه...

المشاركة الأصلية كتبت بواسطة أحمد كمال

شوفي حضرتك

دي اكيد مش بنت ليل ...... دي يا اما زوجة تانية (و ساعتها يبقى حقه و مش من حقك تزعلي ..... هو راجل و مغترب لوحده) ...... يا اما و العياذ بالله عشيقة

الاغراءات في الامارات فعلا رهيبة :(

بس برضه انتم غلطانين ..... ليه يسافر بدون اسرته ؟؟؟؟؟؟؟


شوفي حضرتك ....... انا رايي تديله فرصة تانية ...... و تفهميه انها اخر فرصة ...... و لو كررها تاني ...... يبقى ساعتها ذنبه على جنبه و ساعتها شرعا يجوز لك طلب الطلاق و لا تأثمين بذلك .......


و نصيحة تانية ..... مش عايز ارعبك بس ضميري يلزمني إني أقولهالك ........ لازم يعمل فحص شامل لكل ال stds أو الأمراض المنتقلة جنسيا ...... و حضرتك كمان تعملي نفس الفحص لأن دي طبعا مشكلة محتملة للأسف

اولا انا والاسره مش قدرنا نروحله عشان السكن غالي جدا

هو كمان كداب كان بياخد بدل سكن وبيخبي عليا وحتي لو مجوز تاني برضوا كده خاين لانوا كان لازم يصرحني

وبالنسبه للامراض هو مش جاهل وده واعي جدا وبيخاف علي نفسهم


وهو ساب كل حاجه ورجع مصر من نفسه وعلي فكره انا الي كنت بمشي كل حاجه حبا فلمال بس هو خد القرار ورجع لواحده وقال مش راجع تاني وكل شويه بيعتذر وانا برضه مش قادره اصفي

السلام عليكم
بداية اعانك الله فى محنتك....
انا شايف انك تتصلى بشيخ موثوق فيه وتقصى عليه الامر
انا فعلا مايل لان دى ممكن تكون زوجة تانية؟؟؟!!!!!!
انما رأى الشخصى .. ودى للاسف طبيعة فيه.. لو مش مراته ... انا مابقبلش بالخيانة فى حياتى ابدا
حتى لو روحى هتروح معاه
واخيرا فعلا لازم يعمل فحص شامل لكل ال STDs أو الأمراض المنتقلة جنسيا ...... و حضرتك كمان تعملي نفس الفحص لأن دي طبعا مشكلة محتملة للأسف
و فعلا شايف انك تتطرحى الموضوع على شيخ موثوق فيه هيفيدك كتيير ... وييسر لك الله الامر ويجعله خيرا لكى

المشاركة الأصلية كتبت بواسطة hhoo

السلام عليكم ورحمة الله وبركاته:
أختى الفاضله اكرمك الله وأعزك.موضوع للأسف شائك وغير مرتب ويجب الإنتباه للأتى:
1/أنه لايجوز إطلاقاً أن تكتبى الموضوع بهذه الطريقه عن زوجك وكان من الأولى أن تستعينى بأهل الرأى والمشوره بطريق مباشر دون الإفصاح على مثل هذه المواقع أو أن تكتبى وكأن الامر متعلق بإحدى أصدقاءك كأن تقولى وحده صحبتى جوزها بيخونها
2/لايجوز على الإطلاق أن تسبى زوجك مهما حدث لأن لو أن لأحد أن يسجد لأحد لسجدت الزوجة لزوجها
3/بعد أن سببتى زوجك وسترك الله تفضحين الأمر على الملأ وكيف يقبل هو ذلك الأمر
4/ياترى هل كان زوجك لايصلى عندما تزوجتيه.وإن كذلك لماذا قبلتى!!!!!!؟؟؟
5/كيف تفبلين على نفسك أن تعاشرى رجل يرتكب كبيرتين من الكبائر ترك الصلاه وشرب المخدرات!!!!!!؟؟؟؟؟
6/أرى فى رسالتك أن أهتممتى كثيراً بخيانته التى لم تتيقنى منها وإن كانت تحوم حولها الشبهات وتركتى تركه للصلاه وشرب المخدرات وأكتفيتى بقولك على فكره هو مش بيصلى وبيشرب مخدرات
طيب أختى الفاضله ماذا تنتظرى بعد ذلك؟؟؟؟؟!!!!!!
لا أعرف ماذا أقول لكى لكنكم تحتاجون أنتما معاً إلى ترتيب كل حياتكم على شرع الله ورسوله لأن فيهما النجاة وإن هو مقصراً فكفى منكى تقصيراً أنكى تسبيه وتبهدليه على حد قولك

اولا الموضوعغير متب لان ده اول موضوع ومش مدربه علي الكاتبه

انا عايزه ناس غريبه علشان ترد بصراحه مش تجملني او تجملهم
وانا طول عمري بصلي واصوم انا والاولاد وديمن انصحه وهو يرفضم
م
وديما يقولي ربنا هو الي بيحسب مش انتي

اولا كان الله فى عونك وهدانا الله وزوجك وجميع المسلمين

انا هنصحك نصيحه لوجه الله وعن تجربه مع احد الاشخاص القريبين لى

اذهبى انت وزوجك لاداء عمره واشربا من ماء زمزم بنيه ان يهدى الله الحال وان يطهر الله قلبه ويحصن فرجه

الكعبه والحرم وزمزم ومسجد الرسول والله لهم تاثير . اظن لايوجد صفحه جديده بيضاء افضل من العمره
وبعدها هتشوفى الفرق وهيهدى الله زوجك باذن الله ونفسيتك هتكون مستريحه ومعنوياتك على مواصله الحياه هتتحسن بفضل الله.

المشاركة الأصلية كتبت بواسطة نور القمر

ربنا يصبرك
معلش انا كلامي هيكون قاسي نفسيا عليكي
اولا هو مش بيصلي وبيشرب مخدرات
اذن مرتكب كبائر ده غير انه بيرتكب كبيرة الزنا
اللي مش خايف من ربنا مش هايعمل حساب لا لبيت ولا زوجة ولا اولاد
هو محتاج يتغير جذريا عشان تضمني انه مش هايخونك تاني
طيب عشان يتغير جذريا محتاج حاجتين
اولهم قربه من ربنا واستشعاره مدى ذنوبه
الحاجة الثانية قربه منك
اكبر غلط ان الزوج يعيش في مكان والزوجة مكان تاني
والله لو هتاكلوا عيش حاف في مصر بس وجوده وسط بيته افضل
نرجع لاول نقطة ازاي نخليه يقرب من ربنا
انا بقترح عليكي تلحي عليه وتطلبي منه تحجوا سوا
والحج من الامارات سهل جدا غير مصر خالص حتى لو هتحجوا بري
وان شاء الله ربنا يتقبل توبته
وبعدين موضوع الادمان ده لازم يتعالج
دلوقت السؤال هل انتي صبورة وفي نفس الوقت عندك استعداد تضيعي عمرك في انتظار انه يتغير ؟
انا شايفة انك تحاولي معاه مرة اخيرة عشان اولادكم
ولو متصلحش حالة يبقى القرار ليكي انتي
وانا اعتقد واظن ان اللي معاه مش فتاة ليلة وتعدي ولا شخصية زوجك بتاع جواز تاني
هناك منتشر جدا موضوع العشيقة
والست ست في كل مكان واي جنسية تحب تستأثر بالرجل ليها لوحدها

م
انا بحاول اني اغيره وادفعه للصلاه واكسفه وقولوا شوف ولادك رايحين يصلوا فيصلي مره وبعد كده ميصليش تاني

وانا مش عرفه ابعده عن المخدرات نهائي وعلي فكره هو بيشرب مخدر الحشيش

انا عارفه انها منكن تكون عشيقته ومراته كمان بس الي بيهدني من نحيته انه ساب كل حاجه ورجع مصر وقال انا رجعت مصر عشان اكون معاكي والاولاد وحاولي تهدي

بص برده بيبص علي اي حد في الشارع المهم اكون مش شيفه