الموضوع: M3 نصين

المشاركة الأصلية كتبت بواسطة MohamedGobran

حضرتك لما بتجيب M3 نصين من بره بتجيلك عربيه كاملــــه مش ناقصها مسمار الشاسيه بس بيكون مقطوع من النص علشان دى بتدخل مصر على انها قطع غيار

وموضوع اللحام ده اكيد ضرر كبير جدا لان مهما كان السمكرى شاطر عمره ما هيعرف يظبطها

وغير كده العربيه بتبقى جايه بورق الموتور بس يعنى الشاسيه من غير ورق فمش هتعرف ترخصها غير ان حضرتك تدخل فى قصه انك تجيب عربيه نفس النوع مش شرط M بس تكون نفس الشكل و تكون عامله حادثه م تشتريها و تاخد رقم الشاسيه بتاعها تلحمه فى العربيه النصيين و قصه طويله حضرتك فى غنى عنها


وانا هقول لحضرتك الموضوع الشائع إلى تقريبا كل الناس بتعمله و هى انهم بيشترو عربيه e36 متهانه موتور بايظ و حالتها متبهدله بس اهم حاجه و دى شرط اساسى انها تكون دواخل فابريكه علشان حضرتك تبنى العربيه من اول و جديد من غير اى مشاكل و بعد كده بيشتروا M3 نصين من بره و حضرتك شفت فى الردود إلى فوق والصفحه إلى قبلها حدود الاسعار بتبقى اد ايه و بعد كده يجيبوا العربيه السليمه يفضوها من كل حاجه بتبقى على الشاسيه بس و يبدأ بقى ينقل كل حاجه من العربيه النصين للعربيه السليمه و كل حاجه بمعنى كل حاجه يعنى ضفيره كهربا و موتور و عفشه وفرامل و فرش من جوا و اكصدمات ورفاف و كبوت يعنى بتعمل تحويل كامل وبكده يبقى معاك عربيه M3 من غير لحام ولا تقطيع ولا اى حاجه كل إلى حضرتك هتعمله مع المرور انك هتقولهم انك غيرت الموتور و تقدملهم الورق بتاع الموتور إلى بيجى مع العربيه النصين و بس على كده

أرجو ان حضرتك تكون فهمت القصه كلها ماشيه ازاى

طيب هو ال bmw e36 m3 بتكون بابين بس (( كوبيه )) على ما اعتقد

وال bmw e36 اللى هتكون موجودة هنا اربع ابواب

لو في الحالة دي الذاي هتحصل عملية نقل القطع واجزاء الهيكل

ولازم تكون ال bmw e36 اللى هجبها من هنا موديل كام

.... انا شاكر جدااااا جداااااااااااا لحضرتك وعلى معلوماتك القيمة دي

المشاركة الأصلية كتبت بواسطة zsecsqxsw

طيب هو ال bmw e36 m3 بتكون بابين بس (( كوبيه )) على ما اعتقد

وال bmw e36 اللى هتكون موجودة هنا اربع ابواب

لو في الحالة دي الذاي هتحصل عملية نقل القطع واجزاء الهيكل

ولازم تكون ال bmw e36 اللى هجبها من هنا موديل كام

.... انا شاكر جدااااا جداااااااااااا لحضرتك وعلى معلوماتك القيمة دي

حضرتك انا لما نزلت الحرفيين و سألت فهمت من الناس هناك ان فيه M3 اربع ابواب ( المعلومه دى مش متأكد منها واستنى حد تانى يأكد المعلومه دى صح ولا غلط )

و فى الحاله دى يبقى حضرتك تجيب system ميكانيكى كامل احسن بدل النصين و اوفر لان السيستم ده هيكون موتور و عفشه وفرامل و فتيس بس و هتزود عليهم بس تمن الاكصدمات الm و الكراسى الداخليه إلى هى اسمها vader seats بتاعه ال M وهتبقى اوفر لحضرتك بدل ما تجيب نصين كاملين

و ال e36 حضرتك هى اصلا من موديل 92 لحد 98
الكلام إلى هقوله ده يخص الكوبيه و معرفش الصراحه نفس الكلام ده موجود فى الاربع ابواب ولا لأ و هو ان الاحسن تجيب موديل بعد 94 لانها بتنزل بايرباج للسواق و ساعات 2 واحده للراكب الامامى كمان وبتنزل ب ABS وتكيف تاتش (المعلومات دى مقتبسه من رد العضو TheBuccaneer فى موضوع اخر)

المشاركة الأصلية كتبت بواسطة MohamedGobran

حضرتك انا لما نزلت الحرفيين و سألت فهمت من الناس هناك ان فيه M3 اربع ابواب ( المعلومه دى مش متأكد منها واستنى حد تانى يأكد المعلومه دى صح ولا غلط )

و فى الحاله دى يبقى حضرتك تجيب system ميكانيكى كامل احسن بدل النصين و اوفر لان السيستم ده هيكون موتور و عفشه وفرامل و فتيس بس و هتزود عليهم بس تمن الاكصدمات الm و الكراسى الداخليه إلى هى اسمها vader seats بتاعه ال M وهتبقى اوفر لحضرتك بدل ما تجيب نصين كاملين

و ال e36 حضرتك هى اصلا من موديل 92 لحد 98
الكلام إلى هقوله ده يخص الكوبيه و معرفش الصراحه نفس الكلام ده موجود فى الاربع ابواب ولا لأ و هو ان الاحسن تجيب موديل بعد 94 لانها بتنزل بايرباج للسواق و ساعات 2 واحده للراكب الامامى كمان وبتنزل ب ABS وتكيف تاتش (المعلومات دى مقتبسه من رد العضو TheBuccaneer فى موضوع اخر)

يعني حضرتك الافضل هو انى اجيب bmw e36 من موديل 92-98 بس الافضل انها تكون فوق 94 علشان الاوبشنز

واسقطلها ماكينة m3 كاملة بالعفشة والفرامل والفتيس
ال s50b32 اللى هو 321 حصان ب 35000 - 37000 جنيه. (( ودي هتكون شاملة كل الاجزاء ))

والمواتير دي اللي بتيجي بتكون نضيفة يعني ... اركب واشغل وامشي

لانه في واحد حذرني وقال انك هتفضل عند الميكانيكي 24 ساعة كل يوم والحوارات دي

المشاركة الأصلية كتبت بواسطة zsecsqxsw

يعني حضرتك الافضل هو انى اجيب bmw e36 من موديل 92-98 بس الافضل انها تكون فوق 94 علشان الاوبشنز

واسقطلها ماكينة m3 كاملة بالعفشة والفرامل والفتيس
ال s50b32 اللى هو 321 حصان ب 35000 - 37000 جنيه. (( ودي هتكون شاملة كل الاجزاء ))

والمواتير دي اللي بتيجي بتكون نضيفة يعني ... اركب واشغل وامشي

لانه في واحد حذرني وقال انك هتفضل عند الميكانيكي 24 ساعة كل يوم والحوارات دي

جضرتك ال e36 ده رقم الجيل بتاع الفئه التالته إلى نزل من 92 - 98 و اسمه الدبانه ودى صورتها

و طبعا الافضل انها تكون بعد موديل 94

وبالنسبه لحاله الموتور دى طبعا تجيبها من واحد يكون معروف كويس اوى و سمعته و كويسه او يكون حد انت عارفه و اى حد من معارفك واثق فيه و طبعا حضرتك لو ركبت الموتور و طلع مش مظبوط بتروح ترجعه و دى مفيهاش كلام و انا يعنى خبرتى لسه قليله و بجمع معلومات زى حضرتك بالظبط بس سعمت انك علشان تعرف حاله الموتور بتشوف شكله العام و تتطلع البوجيهات و تشوف لو عليها زيت يبقى الموتور ده مش مظبوط او ان لو نص العربيه كله موجود بتشوف العدادات قرائتها كام

وطبعا خد بالك من كلام التجار لان معظم كلامهم مش صح و انا لما كنت بسأل على المواتير و كده لاقيته ورانى موتور 328 وقالى ده ماشى 40,000 كيلو طبعا انا مصدقتوش ساعتها بس الله اعلم

وبالنسبه للوقت فانا إلى سمعته برضو انها تسقيط الموتور بالضفيره بتاعته بيعد من 4 ايام لاسبوع بس مش متأكد من الكلام ده

ال E36 M3
ظهرت فى بداية الأمر فى الكوبيه, ثم بعد ذلك ظهرت بشكلى الكابروليه و السيدان
أعوام 1992 - 1995 تقريبا زودت ال E36 M3 بمحرك S50B30 بسعة 2990 سى سى و قدرة 286 حصان < فعلى 282 حصان > @ 7000 أر بى أم - عزم 320 نيوتن @ 3600 أر بى أم - من 0 - 100 كم/س فى غضون 5.4 ثانيه.
أعوام 1995 - 1999 تقريبا زودت ال E36 M3 سيدان و الكوبيه فقط بمحرك S50B32 بسعة 3201 سى سى و قدرة 321 حصان < فعلى 316 حصان < @ 7000 أر بى أم - عزم 350 نيوتن @ 3250 أر بى أم - من 0 - 100 كم/س فى غضون 5.2 ثانيه, ثم زودت الكابروليه بهذا المحرك عام 1996.

انتهت ال E36 M3 بشكل السيدان فى ديسمبر 1997, و الكوبيه فى أواخر عام 1998, و الكابروليه فى ديسمبر 1999. كما يوجد موديلات ثانيه من ال E36 M3 وهى
E36 M3 CSL
E36 M3 GT
E36 M3 Evolution lmola individual ( E36 M3 GT2
E36 M3-R
وتعتبر ال E36 M3-R هى أسرع E36 M3 انتجت بمحرك S50B32 بقدرة 326 حصان < فعلى 322 حصان >.

بدأت ال E46 M3 فى عام 2000 فقط بشكلى الكوبيه و الكابروليه بمحرك جديد و هو ال S54B32. و لطول شرح الموضوع الخاص بال E46 M3 فلن اتطرق إليه لوجود العديد من موديلات ال E46 M3.