هل تؤيد ترشيح عمرو موسى لرئاسة الجمهورية .. نقاش مفتوح

**Qmax** · 19-02-2011 04:29 PM

معاك
ولا لترشيح أي حد له علاقه بنظام مبارك نهائي
حتى لو كان وزير سابق

**Qmax** · 19-02-2011 04:33 PM

1- لانه لم يؤيد الثوره اصلا فى بدايتها وكان موقفه مايع وديبولماسى كالعاده.

2- قد عمل 10 سنوات كوزير فى ظل النظام الفاسد.

3-هو من محبى السلطه ولا يؤمن بتداولها اصلا واكبر دليل انه 20 عاما فى الجامعه العربيه فماذا فعل :

هل جنب العراق 3 حروب و احتلال وهو امين عام الجامعه العربيه؟

هل جنب السودان التقسيم وهو امين عام الجامعه؟

هل اخذ موقفا يجنب اهل غزة الحرب الاسرائيليه او حتى موقف منع الاستيطان او تآكل الارض او حتى مجرد اعتراف العدو بدوله فلسطينيه؟

ماذا فعل لانهاء تآكل دوله الصومال؟

لن انسى موقفه فى دافوس عندما كان اردوغان بطلا ويوبخ الرئيس الاسرائيلى على حرب غزة اهتم بلعب دور المطيباتى بمجرد ان اشار له بان كى مون بالجلوس جلس . كل ما عليك ان تبحث فى جوجل عمر و موسى فى دافوس فيديو

الرد ده منقول من أحد مواقع الاخبار وقمت بأقتباسه

**د/أحمد ابراهيم** · 19-02-2011 04:54 PM

معروف بالشرب الخمر

كل الكلام اللى حضرتك كتبته كوم

والمعلومه دي كوم تاني

ده حد شرعي مفيهوش هزار

ايه دليلك على اتهامك للراجل بجريمة زي دي؟ وخلى بالك انك هتحاسب على ذلك امام الله

مجرد النقل من كلام الاخرين لايبرر نقل تهمة او رزيله ووصف مسلم بها

**hossaam** · 19-02-2011 05:15 PM

عمرو موسى؟!!!!!
طب ليه...
حد يديني أمارة واحدة
او انجاز له على مدار حياته في الخارجية او في جامعة الدول العربية

انا عشت سنوات خارج مصر اثناء وجود عمرو موسى في الخارجية
ومستعد اعمل موضوع عن أداء السفارات المصرية المخزي والسفراء في اكثر من دولة
ده غير اسم مصر في عيون الناس خارج مصر...وضياع دورها في افريقيا

مش قادر انسى شكل عمرو موسى في منتدى دافوس لما بنكيمون قاله مكانك..

**ezzatfox** · 19-02-2011 05:20 PM

المشاركة الأصلية كتبت بواسطة ain2006

كل الكلام اللى حضرتك كتبته كوم

والمعلومه دي كوم تاني

ده حد شرعي مفيهوش هزار

ايه دليلك على اتهامك للراجل بجريمة زي دي؟ وخلى بالك انك هتحاسب على ذلك امام الله

مجرد النقل من كلام الاخرين لايبرر نقل تهمة او رزيله ووصف مسلم بها

طبعا معنديش دليل لانة اساسا مش كلامى انا وضحت انة منقول و مطروح للنقاش و انا فعلا كنت ساقوم بحذف هذا السطر و تراجعت حتى اسمع الاراء لعل هناك من يكون لدية معلومة مؤكدة خاصة اننا نتكلم عن رئيس دولة ننتظرة بفارغ الصبر عشان يعدل المايلة ... يعنى مستقبل بلد .
و رأيى الشخصى ان مثل هذا الاتهام اسقطة من حساباتى تماما لانة بلا دليل .. و الى ان يثبت العكس .. و معروف انة ممكن فى الحروب السياسية الصاق اى تهمة او محاولة تشوية شخص لصالح اخرين و دة فعلا لقيتة فى احد المواقع اللى بتتهم عمرو موسى انة بتاع ستات و ان القذافى بيتهمة انة مضيع فلوس الجامعة العربية على الحريم و السكرتيرات بس طبعا كل دة كلام مواقع صفرا غير موثوق بها .

و بغض النظر عن موضوع الخمور اجد ان هناك اعتبارات اخرى كثيرة تجعلنى استبعدة من الترشيح نهائيا كفاية سنة الكبير و تبعيتة للنظام و عدم جرأتة لمواجهة الظلم و الاستبداد سواء فى مصر ايام ما كان من اعمدة النظام او اثناء تولية منصبة فى الجامعة العربية

**wael3m** · 19-02-2011 06:34 PM

ايه ياجماعة هو كل واحد ينوى يرشح نفسة
يطلع فاسد وديل مبارك والمسئول عن حرب العراق والسودان
كل دا علشان الترشيح تقوموا تجرحوا فى الراجل وبيشرب
خمر طيب عندك دليل ؟
مش دا عمرو موسى اللى كلنا كنا عايزنه يبقى ريس
بالنسبة للسفارات حتى لما مشى مفيش حاجة اتغيرت
لأنه من الأخر كدا الوزراء كانوا سكرتارية الريس
ولو كان فاسد كان فضل فى منصبة فى الخارجية
بس اول ما بدء يتحب من الناس ....رموه فى الجامعه
العربية وحكاية مسؤليه عن الحروب وانه معملش حاجة
اسأل ريسك السابق وهنروح بعيد ليه دول عربية جنب
العراق كان بيطلع منها الطيران يضرب ويرجع تانى
تقسيم السودان ودا بقى شئ يطول شرحه
احنا محتاجين نلتف حول واحد علشان نعدى المرحلة دى
ونفس الوقت نبتدى نجهزز الصف التانى من القيادات الشابة
علشان تكمل المشوار بعده او بعد غيره

وتقبلوا وجهة نظري التى تحتمل النقاش