هل تؤيد ترشيح عمرو موسى لرئاسة الجمهورية .. نقاش مفتوح

**ahmed4000** · 20-02-2011 11:23 AM

المشاركة الأصلية كتبت بواسطة human12

الجنزورى كان رئيس وزرا محترم و الجميع يعلم كم خلافه فى الطرق الاصلاحيه و الاداريه للدوله

مش معنى ان فيه وزير فى الحكومه انه يبقى لازم ولابد و حتما دراع مبارك

فيه ناس معروف عنهم المهنيه و الحياد
و فيه ناس معروف عنهم الولاء لمبارك

كنت ححترمه لو كان استقال من نفسه..لكنه كان قاعد لغاية لما اقالوه ولو مكنوش اقالوه كان زمانه قاعد لغاية دلوقتى والبلد حاله ماشى بنفس الطريقة وبنفس الفساد...كان بيحاول صحيح لكنه كان فى الاخر مبيوجهش اى انتقاد للنظام لانه جزء من النظام وده نفس اللى ينطبق على عمرو موسي وغيره كتير كلهم -حتى لو كانوا محترمين - بيدوروا فى فلك النظام

**Donzi** · 20-02-2011 11:23 AM

بالتأكيد عمرو موسى لا يصلح و كفاية اوي انه لم يعترض على اي فساد حصل في عهد مبارك و كمان بيقول انه عارف سياسته و موافق عليها

هوا احنا هانطلع من حفرة نقع في ضحضيرة ؟؟!!!!!

نستنى لحد الفترة الانتقالية ما تعدي و الدستور يتعدل و ساعتها هانلاقي وجوه جديدة ظهرت في الساحة و نشوف بقى البرامج الانتخابية و المناظرات و نختار اللي يعجبنا

ليه مصصممين ترشحوا حد و تختاروا من دلوقتي الصبر طيب و كل اللي النظام كان قافل عليهم و كاتم صوتهم هايظهروا و هانشوف ساعتها احنا مقتنعين بمين

**ahmed4000** · 20-02-2011 12:28 PM

المشاركة الأصلية كتبت بواسطة human12

طيب كان يسيبها و كانوا يجيبوا على طول المعلم عاطف عبيد

هو عمل اللى عليه

و فضل ساكت

و انت عارف اللى بيتكلم كان بيحصلوا ايه

طيب اسمحلى استخدم نفس كلامك بالحرف

طيب كان يسيبها و كانوا يجيبوا على طول المعلم ابو الغيط

انا مش بدافع عنه كشخص ولكن لو فضلنا على شخص اسمه ميكونش مرتبط بمبارك فى اى فترة مش حنلاقى فالاهم اننا نبحث عمن نرى فيه بعد عن الفساد او رغبة فى الاصلاح وده مش حيبان الا لما نبدا نشوف برامج بجد..وفى كل الاحوال يجب ان يكون الرئيس القادم انتقالى مهمته الاساسية تنظيف البلاد من الفساد وبكل جدية وتقوية دور المؤسسات والاحزاب علشان نقدر نفرز قادة بجد يستطيعوا قيادة البلاد بجد

**احمدعبدالعزيز** · 20-02-2011 12:30 PM

طيب ممكن حد يقولى مين يصلح لرئاسه مصر عمرو موسى لا والجنزورى لا البردعى لا ايمن نور لا طيب ممكن حد يقترح علينا واحد كويس يصلح لهذا البلد الجميل ...

**Donzi** · 20-02-2011 01:56 PM

المشاركة الأصلية كتبت بواسطة احمدعبدالعزيز

طيب ممكن حد يقولى مين يصلح لرئاسه مصر عمرو موسى لا والجنزورى لا البردعى لا ايمن نور لا طيب ممكن حد يقترح علينا واحد كويس يصلح لهذا البلد الجميل ...

المشاركة الأصلية كتبت بواسطة ahmed4000

هى دى المشكلة علشان كده لازم تقبل باحسن الوحشين
مع ان اعظم دروس الثورة دى انها علمتنا انك متقبلش بحلول وسط

نستنى لحد الفترة الانتقالية ما تعدي و الدستور يتعدل و ساعتها هانلاقي وجوه جديدة ظهرت في الساحة و نشوف بقى البرامج الانتخابية و المناظرات و نختار اللي يعجبنا

ليه مصصممين ترشحوا حد و تختاروا من دلوقتي الصبر طيب و كل اللي النظام كان قافل عليهم و كاتم صوتهم هايظهروا و هانشوف ساعتها احنا مقتنعين بمين

**د.أبونضال** · 20-02-2011 02:13 PM

المشاركة الأصلية كتبت بواسطة احمدعبدالعزيز

طيب ممكن حد يقولى مين يصلح لرئاسه مصر عمرو موسى لا والجنزورى لا البردعى لا ايمن نور لا طيب ممكن حد يقترح علينا واحد كويس يصلح لهذا البلد الجميل ...

أنا عندي فكرة بسيطة إن الشباب يختاروا مرشح عنهم ويشجعوه على الترشح ويدعموه بتبرعاتهم ويتطوعوا في حملته، فيكون منهم وعليهم، واقترحت اسم د.معتز بالله عبد الفتاح، والاقتراحات مفتوحة للجميع، وهذا في موضوعي مرشح شاب لرئاسة مصر بعد 25 يناير

**م/مصطفى محمود** · 20-02-2011 02:31 PM

انا لما بقارن بين عمرو موسي والبرادعي البرادعي بيكسب

البرادعي أول واحد أتكلم عن التغيير بمعني الكلمة (مش أصلاح) وأخد هجوم وتجريح للصبح فى حين أنه كان عندة فرصة أنه يعيش حياة كلها ترف وعلاقات خارجية ممتازة

البرادعي كان دورة محترم فى المؤسسة اللى هو فيها ، وكان بيديرها كويس جدا عكس عمرو موسى

موقفة مع أمريكا ومع أسرائيل وأوقات حرب غزة وحرب العراق كان مُشرف ومحترم جدا

البرادعي كان كل ما حد يكلمة عن الرئاسة يقول أن الأهم تغيير الدستور والأصلاح ومش مشكلة مين ييجي بعد كده

البرادعي بيقول أن مصر محتاجة رئيس فى الأربعينيات أو الخمسينيات

بس برضوا أنا مش برشح لا البرادعي ولا عمرو موسى للرئاسة لأن فعلا سنهم كبير

-

-

-

الموضوع: هل تؤيد ترشيح عمرو موسى لرئاسة الجمهورية .. نقاش مفتوح

LinkBack

أدوات الموضوع

عرض

-

-

-

-

-

-

المواضيع المتشابهه

احسن كلمة قالها عمرو موسى حتى نعلم من هو عمرو موسى الذى غطى اعلامنا ايجابياته

بيان من السيد عمرو موسى المرشح لرئاسة الجمهورية إلى الشعب المصري العظيم

الكلمات الدلالية لهذا الموضوع

المفضلات

المفضلات

ضوابط المشاركة