مطالب شعبية بالنسبة للمرور

**gemy1** · 23-02-2011 12:00 PM

بص يا مكرم باشا شكرا لمشاركتك و انا هارد عليك من اخر نقطه يعنى هبدأ معاك بالعكس
بالنسبة للنقطة رقم 20 متهيألى ان حاجه شاذه على الطريق دى غريبه شويه عشان مصر دلوقتى فيها كل حاجه شاذه و غريبه فمش ده اللى هايعمل حوادث دلوقتى تنزل القرى تلاقى احدث السيارات و كمان متعدلة غير ان اللى بيعدل عربيته و بيصرف عليها الصرف ده كله هو اول واحد هايأمن نفسه و يخاف على نفسه و عربيته و على المصاريف اللى صرفها

بالنسبة للنقطة 19 فأنا متمسك بيها لان الظابط اللى تعليمه عالى هايقدر يتعامل معاك بطريقه تختلف تماما عن امناء الشرطة و ده ما يمنعش ان فى امناء شرطة فى منتهى الادب و الاحترام و ده عن تجربة شخصيه بس للاسف الاغلبيه زباله و ممكن مطلبى ده يتنفذ الى حين عمل دورات تدريبيه للامناء لكيفية التعامل مع المواطنين و ما يضرش برضه ان الظباط هما كمان ياخدوها

بالنسبة للنقطة 13 ده لازم يتعمل و ممكن يبتدى تطبيقه على الطرق الصحراويه كبداية و بلاش الزراعيه دلوقتى علشان المدن لكن الطرق الصحراويه ممله و اسفلتها يستحمل السرعات مافيش مشكلة خالص لان الناس كلها بتجيب السرعه دى و كله بيفضل السفر بليل عشان كده ده غير ان كل دول العالم المتحضرة عندهم حارة السرعات دى و ده نظرا لانجاز الوقت و امكانيات السيارات العالية

بالنسبة للنقطة رقم 9 كل الشباب فى مصر نفسهم يسقطو مواتير عشان يجرو بيها لان اللى معاهم فلوس بيشترو عربيات مواتيرها عاليه فى الاساس فمش محتاجين انهم يسقطو مواتير لكن بيعدلو فيها زى تركيب التربو او شيبات و ما الى ذلك و انا واحد من الناس العادية او الغلابة اللى بصرف كل فلوسى على العربيه زى كل الشباب و مسقط موتور 2000 سى سى عشان بحب التعديلات و الجرى و ده مطلب مشروع جدا و مطلب شعبى للشباب

بالنسبة للنقطة رقم 8 ده اساسى و البند واضح و شارح نفسه و بالنسبة لموضوع المخالفات ده ممكن نشوف الدول اللى مطبقه القانون ده بياخدوها ازاى و انا واحد من الناس اللى مش مقتنعين بفرض الحزام داخل البلد لانك مش بتعرف تعدى ال60 كم داخل البلد و فى الزحمة الحزام بيخنق اوى

بالنسبة للنقط 6 و 14 كلامك مش متفق معاه خالص لاننا كلنا نفسنا نركب عربيات فارهه و فخمه ايه اللى يمنع اننا نركبها و لما ضرايبها تقل سعر اعاده بيعها هايقل و قطع غيارها كمان هاتنتشر و تمنها هايقل مما سوف ينعكس على حركه التجارة و الى اخره و بالفعل الضرائب باهظه على السيارات التى سعتها اللتريه كبيره و ده غلط لانها فى الاخر قطعه استلاكيه و انت اصلا دافع فيها تمن عالى جدا فمش من الضرورة اعاده نهب المواطن كل سنه عن ترخيصها لان ده نوع من انواع السرقه و الاستفزاز و عشان كده نص الشعب هايفضل راكب فيات 128 و سعرها بيوصل ل 20 الف جنيه فى حين انها اصلا لا تساوى 5 الاف جنيه حتى لو موديل السنه

**MBhead** · 24-02-2011 01:17 AM

انا متفق مع حضرتك
ماعدا في موضوع زيلرة السرعات لان طرق مصر لا تسمح حتي الصحراوي بردو لا يسمح و كمان ان المصريين معظمهم ميعرفوض اساسيات القيادة اللي هيا اشارة و تغير الحارات و الكلام دي لو حضرتك زودت السرعة علي الصحراوي مثلا خلتها 140 الناس حتعمل حوادث اكتر و الدنيا حتبوظ لان كل واحد حيبقي عايز يجري
و موضوع الضرائب الترخص دا لازم يتغير لان مثلا انا معايا عربية 3500 سي سي موديل 79 و بدفع حوالي 1200 او 1300 مش فاكر
و انا معندش اعتراض علي النقطة دي مع ان الف جنيه كتير بس مش مهم
لما الاقي واحد معاه BMW E39 530i بيدفع بردو 1300 يبيقي ازاي يعني؟؟؟؟ دي مافيش اي وجه مقارنة
و كمان مش معني اني راكب مثلا مرسيدس E-Class ب 500 الف اني ادفع 40 الف ترخيص في السنة .....مش معقول خالص يعني
لان اصلا انا شاري العربية بسعر مبالغ فيه دي ثمانها من غير جمارك حوالي 40 الف دولار يعني بالمصري 200 الف و انا دافع 300 الف جمارك ياخد مني كمان 40 الف ترخيص اول سنة ....... 40 الف دي تمن عربية
و يقولوا اصل دا صاحب سيارة فارهة و كلام ملهوش اي معني

**gemy1** · 24-02-2011 02:26 AM

انا مش بتكلم على موضوع رفع السرعه كده و خلاص الموضوع يبقى متحدد بحارة الشمال فقط زى اى دولة متحضرة فى العالم لكن احنا مشكلتنا فى الناس نفسها للاسف و لازم الناس تتعود على اساسيات القياده على الطرق السريعة و يتعمل محاضرات توعيه و كده انا بس عايز اسألك احساسك ايه و انت مسافر مثلا على الصحراوى و ماشى على سرعة 100 كم و انت عداد عربيتك 240 كم !! و لو مشيت على 118 كم تتسحب رخصتك و يقلك سرعة ؟

**MBhead** · 24-02-2011 03:07 AM

احساسي انا عادي جدا ببقي عامل حسابي لما بعوز اجري اني حدفع فلوس
لان هوا دا القانون و انا خالقت القانون لازم اتعاقب
عموما انا مش بحب الجري الا علي فترات متباعدة و دي شي اخر

**windofchange** · 24-02-2011 04:10 AM

متفق معاك يا جيمي بس الحزام ضروري فكل الاوقات وكل السرعات بس ياريت يا mbhead باشا توضح اكتر مشاركة رقم 12 وموضوع السرعة مدام الطريق يسمح وحارة شمال لما اجري واجيب 120 مثلا والعربية بتجيبها فثواني اي المشكلة برده مع تشديد اجراءات اصدار رخصة القيادة زي الدول المحترمة مش اختبار دقيقة ولا نص دقيقة وبكده انت الحريف فالسواقة.......كلام امتر من رائع ربنا يكرمنا ونوصله للمسؤلين

**MBhead** · 24-02-2011 04:28 PM

لو رفع السرعة خلها 120 مش حتفرق اصلا مافيش حد بيلتزم بيها ....بس المشكلة
الطريق الاسلفت بتاعه زبالة و مافيش صيانة طرق ...الطريق الزراعي بقاله 5 سنين بيتسفلت و هيا نفس الحته تقريبا
الطريق بتاع الغردقة اللي مفروض انه من انضف الطرق في مصر و عامله الجيش كلت مطب هواء و انا ماشي 140 بس ربنا ستر
لازم لازم لازم لو حيرفع سرعة الطريق يمنع التجاوز من علي اليمين نهائي زي دول كتير بره مصر
و لو حتي انا محترف سواقة ممكن غلطة من واحد تييييييييييت تبوظ الدنيا زي مثلا
الناس اللي بتلف تلاقي و حضرتك ماشي في الشمال واحد بعربية نقل عايز يلف يروح طالع قافل السكة و الدنيا تضرب تقلب
و حضرتك ماشي في الشمال بردو تلاقي واحد جي عايز ياخد غرزة عشان بيشد مع واحد تاني و يكسر عليك و مش مهم ايه اللي يحصل
كل الكلام دا بيحصل و اكيد حصل مع حضرتك او شفته بعبنك قبل كده
عشان يرفع بقي سرعة الطريق لازم يتعمل زي ما gemy1 قال و حضرتك قلت و شوية حاجات زيادة و رقابة علي المركبات و الطرقات

**kohana** · 25-02-2011 11:45 PM

تسلم إيديك ياحج والله حاجة عظيمة بس ياريت تتحقق

**gemy1** · 02-03-2011 11:20 AM

المشاركة الأصلية كتبت بواسطة kohana

تسلم إيديك ياحج والله حاجة عظيمة بس ياريت تتحقق

شكرا ليك يا باشا و كلنا نتمنى انها تتحقق بس عايزين الناس تعمل شوية مجهود

**Osama_I** · 02-03-2011 11:34 AM

الفامية من وجهة نظرى بيمنعوة عشان ظابط المرور اللى فى الشارع يعرف يشوف اللى جوة العربية لو فى مخالفة او كدة من حزام لكلام فى الموبايل وكدة يعنى

السلام عليكم و رحمة الله و بركاته
متفق مع السادة الأفاضل فى كل ما قيل بس ليا تعليق على موضوع الفاميه :
أولاً : درجة الفاميه يعنى مش لازم يكون اسود يعنى لو شفاف ( Vcool - 3M ) أظن انها مش مشكلة لتوفير البنزين و عكس اشعة الشمس.
ثانياً : ممكن السائق و اللى جنبه ممنوع لكن الكنبة اللى وراء المفروض مسموح علشان الأولاد و الشمس.

-

الموضوع: مطالب شعبية بالنسبة للمرور

LinkBack

أدوات الموضوع

عرض

-

-

-

-

-

-

-

-

المواضيع المتشابهه

بالنسبة للصدأ ووكمان بالنسبة للتابلوه للينفا

لجان شعبية

مطالب شعبية بالنسبة للمرور

افيدونى بالنسبة للمرور

الكلمات الدلالية لهذا الموضوع

المفضلات

المفضلات

ضوابط المشاركة